വിപണി കീഴടക്കാൻ ഹോണ്ടയുടെ അകോർഡ് ഹൈബ്രിഡ്!!

By Praseetha

Published: Saturday, September 24, 2016, 16:26 [IST]

ജാപ്പനീസ് കാർനിർമാതാവായ ഹോണ്ട തങ്ങളുടെ പുത്തൻ ഹൈബ്രിഡ് ആഡംബര സെഡാന്റെ ഇന്ത്യയിലുള്ള ലോഞ്ച് പ്രഖ്യാപിച്ചു. ഇക്കഴിഞ്ഞ ദില്ലി ഓട്ടോഎക്സ്പോയിൽ അവതരിപ്പിച്ച അക്കോർഡിന്റെ നവീകരിച്ച പതിപ്പാണ് വിപണി കീഴടക്കാനായി എത്തുന്നത്.

ദീപാവലി, ദസറ ആഘോഷവേളയിലായിരിക്കും അക്കോർഡിന്റെ ഹൈബ്രിഡ് പതിപ്പ് വിപണിയിലെത്തിച്ചേരുക. 2013-ല്‍ വിപണിയില്‍ നിന്ന് പിന്‍വാങ്ങിയ അക്കോര്‍ഡ് ആണ് നിരവധി പുതുമകളോടെ വീണ്ടും തിരിച്ചെത്തുന്നത്.

വിപണി കീഴടക്കാൻ ഹോണ്ടയുടെ അകോർഡ് ഹൈബ്രിഡ്!!

ഇതിനകം തന്നെ രാജ്യത്തെ ഹോണ്ട ഡീലർഷിപ്പുകളിൽ അക്കോർഡിന്റെ ബുക്കിഗും ആരംഭിച്ചു കഴിഞ്ഞു. 51,000 രൂപ നൽകിയാണ് ബുക്കിംഗ് നടത്തപ്പെടുന്നത്.

2.0 ലിറ്റർ പെട്രോൾ എൻജിനും ഒരു ഇലക്ട്രിക് മോട്ടോറുമാണ് ഹൈബ്രിഡ് അക്കോർഡിന് കരുത്തേകുന്നത്. 215 ബിഎച്ച്പിയും ലിറ്ററിന് 20 കിലോമീറ്റർ മൈലേജുമാണ് പെട്രോൾ എൻജിനും ബോര്‍ഡ് ലിഥിയം അയണ്‍ ബാറ്ററിയും ചേർന്നുല്പാദിപ്പിക്കുന്നത്.