Click it and Unblock the Notifications
നവനാഗരികതയുടെ വാഹനം
പുതുനാഗരികന്റെ ചിന്തകളെ പിന്പറ്റിയാണ് പുതിയ വാഹനത്തിന്റെ ഡിസൈനും സാങ്കേതിക സവിശേഷതകളും തീരുമാനിച്ചിരിക്കുന്നത്. ഓഫ്റോഡില് മികച്ച പ്രകടനം കാഴ്ച വെയ്ക്കാനുള്ളതെല്ലാം ഈ എസ് യു വിയില് അടക്കം ചെയ്തിരിക്കുന്നു. മാരുതിക്കി ഇടക്കാലത്ത് നഷ്ടമായ ആ എസ് യു വി പ്രതാപത്തെ തിരിച്ചുപിടിക്കാന് ഈ വാഹനത്തിന് ശേഷിയുണ്ടാകുമെന്ന് പ്രതീക്ഷിക്കാം.
വിപണിയുടെ ഏതാണ്ട് 15 ശതമാനത്തോളം ഭാഗം എസ് യു വി സെഗ്മെന്റ് അപഹരിച്ചു കഴിഞ്ഞു. ഈ വിഭാഗത്തില് മാരുതിയുടെ വിപണിവിഹിതം പൂജ്യമാണെന്നുതന്നെ പറയാം.
വിപണിയിലെ മറ്റ് എസ് യു വികളില് നിന്ന് മാരുതി എക്സ് എ കണ്സെപ്റ്റ് മാറിനില്ക്കുന്നത് അതിന്റെ ലൈഫ്സ്റ്റൈല് ആഭിമുഖ്യം കൊണ്ടാണെന്ന് പ്രാഥമികമായി വിലയിരുത്താം. നാല് മീറ്ററുകളില് താഴെയാണ് ഈ വാഹനത്തിന്റെ നിലപാട് എന്നതിനാല് വിലയില് കാര്യമായ കുറവ് തന്നെ പ്രതീക്ഷിക്കാം. ഈ സെഗ്മെന്റില് നിലവില് കാര്യമായ സാന്നിധ്യങ്ങളില്ല, പ്രീമിയര് റിയോ ഒഴിച്ച്. ഫോര്ഡിന്റെ ഇക്കോസ്പോര്ട് എന്ന വാഹനം ഈ സെഗ്മെന്റിനെ ലക്ഷ്യം വെച്ച് വരാനിരിക്കുന്നുണ്ട്.
അതേസമയം ഉല്പാദനത്തിന് ഈ കണ്സെപ്റ്റ് എത്രമാത്രം തയ്യാറായിട്ടുണ്ട് എന്ന കാര്യം മാരുതി വിട്ടുപറയുന്നില്ല. മാധ്യമങ്ങളുടെയും കാര് പ്രണയികളുടെയും പ്രതികരണമറിയലാണ് തല്ക്കാലലക്ഷ്യമെന്ന് തോന്നുന്നു.
Continue with Google