Click it and Unblock the Notifications
വണ്ടി വാങ്ങാന് ഗൂഗിളില് മണ്ടിപ്പാച്ചില്!
കാറും ബൈക്കും വാങ്ങുവാന് ആളുകള് വിവരങ്ങള് തപ്പിയിറങ്ങുന്നത് ഇന്റര്നെറ്റിലേക്കാമെന്ന് പുതിയ വിവരങ്ങള് ചൂണ്ടിക്കാട്ടുന്നു. 2009-10 കാലഘട്ടത്തിലെ പ്രവണതകള് വിലയിരുത്തിയാണ് ഗൂഗിള് ഈ വിലയിരുത്തലില് എത്തിയിരിക്കുന്നത്. ഉപഭോക്താക്കളുടെ വാങ്ങല് സംബന്ധിയായ തീരുമാനങ്ങളെ ആഴത്തില് സ്വാധീനിക്കുവാന് ഇന്റര്നെറ്റിന് കഴിയുന്നു എന്നതിന്റെ ഉദാഹരണമാണ് പുതിയ കണക്കുകളെന്ന് ഗൂഗിള് ഇന്ത്യയുടെ വൈസ് പ്രസിഡന്റ് രാജന് ആനന്ദന് അഭിപ്രായപ്പെടുന്നു.
തെരച്ചില് പ്രവര്ത്തനത്തിന്റെ കാര്യത്തില് 2009-ല് 110-ശതമാനം വളര്ച്ച രേഖപ്പെടുത്തിയിരുന്നു. ഇലക്ട്രോണിക്സ്, ട്രാവല്, ഫിനാന്സ് തുടങ്ങിയ മേഖലകള്ക്കൊപ്പം ഏറ്റവും വേഗത്തില് വളരുന്ന വിഭാഗമായി ഓട്ടോ മേഖലയെ ഗൂഗിള് കാണുന്നു. 2011-ല് ഇതുവരെ 72 ശതമാനം വളര്ച്ച രേഖപ്പെടുത്തി.
വാങ്ങല് സംബന്ധിയായ തീരുമാനങ്ങള് എടുക്കുന്നതിനുള്ള അന്വേഷണങ്ങളില് ഈ വര്ഷം ഇതുവരെയുള്ള കണക്കുകള് പ്രകാരം 38 ശതമാനത്തിന്രെ വളര്ച്ച ഉണ്ടായിച്ചുണ്ട്. വാങ്ങുന്നതിനു മുമ്പ് നടത്തുന്ന അന്വേഷണ-ഗവേഷണങ്ങള്ക്കായി 65 ശതമാനം ഉപഭോക്താക്കളും ഇന്റര്നെറ്റാണ് ഉപയോഗപ്പെടുത്തുന്നത്. ഇത് അമേരിക്ക, യൂറോപ്പ് എന്നിടങ്ങളില് ഉള്ളതിനേക്കാള് (62 ശതമാനം) കൂടുതലാണ്.
Continue with Google