Click it and Unblock the Notifications
മുകേഷ് അംബാനിയുടെ മെയ്ബാക് 62
1909ല് വില്ഹെം മെയ്ബാക്കും അദ്ദേഹത്തിന്റെ പുത്രനും ചേര്ന്നാണ് മെയ്ബാക് എന്ന പേരില് കാര് കമ്പനി രൂപീകരിച്ചത്. ഡൈംലറില് സാങ്കേതികോപദേശകനായിരുന്നു വില്ഹെം. 1907ല് അദ്ദേഹം ഡൈംലറില് നിന്ന് പുറത്തുകടക്കുകയായിരുന്നു. 1960-ല് ഈ സ്ഥാപനത്തെ ഡൈംലര് വിലയ്ക്കെടുത്തു.
ഇടക്കാലത്ത് റോള്സ് റോയ്സ് കമ്പനി വില്ക്കാന് ഉടമകള് തീരുമാനിച്ചപ്പോള് ബി എം ഡബ്ലിയു, ഫോക്സ്വാഗണ് എന്നിവര്ക്കൊപ്പം ഡൈംലറും ഒരു പിടി പിടിച്ചു. പക്ഷെ ഫോക്സ്വാഗണ് പിടിച്ചത് ഉടുമ്പിന്റെ പിടിത്തമായിരുന്നു. നിരാശനായ ഡൈംലര് ആ ചൂടില് പോയി പുറത്തിറക്കിയ വാഹനമാണ് മെയ്ബാക്. റോള്സ് റോയ്സ് ഫാന്റം, ബെന്ലെ ആര്നേജ് എന്നീ കാറുകളുടെ എതിരാളി എന്ന നിലയിലാണ് ഇന്ന് മെയ്ബാക് 62 വിപണിയില് ഇടം പിടിച്ചിരിക്കുന്നത്.
മെയ്ബാക്കിന്റെ ചിലചില സവിശേഷതകള് ഇവിടെ വിശദീകരിക്കാം.
ബൈ സിനണ് സാങ്കേതികതയുള്ള ഹെഡ്ലാമ്പുകളാണ് ഈ കാറിനുള്ളത്. അതിശക്തമായ സിനണ് ഗാസ് ഡിസ്ചാര്ജ് ലാമ്പുകലാണ് ഇവയില് ഉപയോഗിച്ചിരിക്കുന്നത്. സ്റ്റിയറിംഗ് ആംഗിള്, സ്പീഡ്, തിരിയുന്നതിന്റെ അനുപാതം എന്നിവയ്ക്ക് ആപേക്ഷികമായി പ്രവര്ത്തിക്കാന് ഈ ലാമ്പുകള്ക്ക് കഴിവുണ്ട്. പാര്ക്കിംഗ് എളുപ്പമാക്കുന്നതിനുള്ള പാര്ക്ട്രോണിക് സിസ്റ്റം ഇതില് ഘടിപ്പിച്ചിരിക്കുന്നു. കീ കൈയിലുണ്ടായിരുന്നാല് കൈ കൊണ്ട് വെറുതെ ഡോറില് തൊട്ടാല് ഡോര് തുറക്കപ്പെടും. കീ ദ്വാരത്തിലിട്ട് അങ്ങോട്ടുമിങ്ങോട്ടും തിരിക്കുമ്പോളുണ്ടാകുന്ന ഊര്ജ്ജ നഷ്ടം ഇതിനാല് കുറയുന്നു.
ഡ്രൈവര് കാബിനിലും പാസഞ്ചര് കാബിനിലും പ്രത്യേകമായി കാലാവസ്ഥാ നിയന്ത്രണം സാധ്യമാണ്.
ഇങ്ങനെ പറഞ്ഞാല് തീരാത്ത വിശേഷങ്ങള് മെയ്ബാക്കിനുണ്ട്. എല്ലാം കൂടി പിന്നീടൊരിക്കല് വിശദീകരിക്കാം.
Continue with Google