Click it and Unblock the Notifications
ദില്ലി എക്സ്പോയില് 55 ലോഞ്ചുകള്
ഇന്ന് ഇന്ത്യന് വിപണി അതിന്റെ കരുത്ത് തെളിയിച്ചു കഴിഞ്ഞിരിക്കുന്നു. ലോക കാര് ഭീമന്മാര് ഇക്കാര്യം തിരിച്ചറിയുകയും ചെയ്തിരിക്കുന്നു. വിപണിയിലേക്ക് മുന്പെങ്ങുമില്ലാത്ത വിധം വിദേശമൂലധനം പ്രവഹിക്കുന്ന കാഴ്ചയാണ് കഴിഞ്ഞ ഒന്നുരണ്ടു വര്ഷമായി കണ്ടുകൊണ്ടിരിക്കുന്നത്. ഇന്ത്യന് വിപണിയെ വിശ്വസിക്കാം എന്ന തോന്ന് കാര് നിര്മാതാക്കള്ക്കിടയില് ശക്തമായിരിക്കുകയാണ്.
പെട്രോള് വിലക്കയറ്റം മൂലം കാര് വിപണി അല്പം മാന്ദ്യത്തിലായിട്ടും കാര് നിര്മാതാക്കളുടെ സാഹസങ്ങള്ക്ക് കുറവൊന്നും ഉണ്ടായിട്ടില്ല. ഇതൊരു താല്ക്കാലിക പ്രതിഭാസമാണെന്ന് അവര്ക്കറിയാം. മന്മോഹന് സിംഗിന്റെ വാക്കുകളെ അവര്ക്ക് വിശ്വാസമാണ്. പെട്രോള് വിലക്കയറ്റം സാമ്പത്തിക വളര്ച്ചയുടെ ലക്ഷണമാണെന്ന് കാര് നിര്മാതാക്കളും ഉറച്ചു വിശ്വസിക്കുന്നു. തങ്ങളുടെ ഉല്പന്നങ്ങള് വാങ്ങാന് ശേഷിയുള്ളവരുടെ എണ്ണവും കാതലും കൂടുക തന്നെ ചെയ്യും.
അടുത്ത വര്ഷത്തെ ദില്ലി ഓട്ടോ എക്സ്പോ ജനുവരി 5നാണ് തുടങ്ങുന്നത്. 55 പുതിയ കാറുകളാണ് ദില്ലി എക്സ്പോയില് ലോഞ്ച് ചെയ്യപ്പെടുക. ലോകത്തിലെ പ്രമുഖ ഓട്ടോ ഷോകള് പരിശോധിക്കുമ്പോള് ഈ എണ്ണത്തില് അത്ഭുപ്പെടാന് വകുപ്പുണ്ട്. ഇത്രയധികം ലോഞ്ചുകള് മറ്റധികം ഓട്ടോ ഷാകളില് നടക്കാറില്ല!
ദില്ലി ഓട്ടോഷോയില് മാരുതി മുതല് ഫെരാരിയും പോര്ഷെയും വരെയുള്ളവരുടെ സാന്നിധ്യം സംഘാടകര്, അല്ല, കമ്പനികള് തന്നെ ഉറപ്പ് വരുത്തിയിട്ടുണ്ട്. ഇവ വോള്യം വിപണിയില് ഇല്ലാത്ത ബ്രാന്ഡുകളാണെങ്കിലും ആളെക്കൂട്ടാന് മിടുക്കരാണ്.
ദില്ലി ഓട്ടോ എക്സ്പോയില് അവതരിപ്പിക്കപ്പെടുന്ന പുതിയ കാറുകള് വിപണിയെ ഒന്ന് ഉദ്ദീപിപ്പിക്കുമെന്ന പ്രതീക്ഷയിലാണ് കാര് കമ്പനികള്. 7 ദിവസത്തെ എക്സ്പോ ദില്ലിയിലെ പ്രഗതി മൈതാനത്തിലാണ് നടക്കുക.ജനുവരി 7 മുതല് പൊതുജനങ്ങള്ക്ക് എക്സ്പോയില് പ്രവേശനം ലഭിക്കും. അവസാനത്തെ മൂന്ന് ദിനങ്ങള് ട്രേഡ് ഡേയ്സ് ആണ്.
ദില്ലി ഓട്ടോ എക്സ്പോയിലേക്കുള്ള ടിക്കറ്റ് നിരക്കുകള് താഴെ നല്കുന്നു:
സീസണല് ടിക്കറ്റ് - 1500 (ഒരാള്ക്ക്)
വീക്ലി ടിക്കറ്റ് പ്രീമിയം അവേഴ്സ് - 500 (ഒരാള്ക്ക് - 10 AM to 3 PM)
വിക്ലി ജനറല് അവേഴ്സ് - 150 (ഒരാള്ക്ക്- 3 PM to 7 PM)
വീക്കെന്ഡ് ടിക്കറ്റ് - 200 (ഒരാള്ക്ക്)
Continue with Google