Click it and Unblock the Notifications
ലിനിയയ്ക്കും പൂന്തോയ്ക്കും മുഖം മിനുക്കല്
മുഖം മിനുക്കിയ പൂന്തോയുടെ വില 4.81 ലക്ഷത്തിനും 6.71 ലക്ഷത്തിനും ഇടയ്ക്കാണ്. ലിനിയയ്ക്ക് വില 6.83 ലക്ഷത്തിനും 9.18 ലക്ഷത്തിനും ഇടയിലാണ്. ഇവ ദില്ലി എക്സ്ഷോറൂം വിലയാണ്. രണ്ടു കാറുകളും ഡീസല്-പെട്രോള് പതിപ്പുകളില് ലഭ്യമാണ്. ഗ്രൗണ്ട് ക്ലിയറന്സില് വരുത്തിയ മാറ്റവും എയര് കണ്ടീഷനിഗ് നിലവാരപ്പെടുത്തിയതും രണ്ട് മോഡലുകള്ക്കുമുള്ള പൊതുവായ മാറ്റമാണ്.
ഉപഭോക്താക്കളുടെ പ്രതികരണങ്ങളെ ആസ്പദമാക്കിയുള്ള ചില മാറ്റങ്ങളാണ് വാഹനത്തില് വരുത്തിയിരിക്കുന്നതെന്ന് ഫിയറ്റ് ഇന്ത്യ പ്രസിഡന്റ് രാജീവ് പപൂര് അറിയിക്കുന്നു. കംഫര്ട്ട്, സാങ്കേതികത എന്നിവ അപ്ഗ്രേഡ് ചെയ്യുക എന്നതായിരുന്നു ഉദ്ദേശ്യമെന്ന് അദ്ദേഹം പറഞ്ഞു.
നടപ്പ് വര്ഷത്തെ ചില പദ്ധതികളെക്കുറിച്ചു കൂടി രാജീവ് വിശദീകരിച്ചു. ഫിയറ്റ് കഫെ എന്ന പേരില് 22 ഷോറൂമുകള് രാജ്യത്തെമ്പാടുമായി തുറക്കും. ടാറ്റയും ഫിയറ്റും ഒത്തുചേര്ന്നുള്ള നിലവിലെ ചില ഷോറൂമുകളിലും ഈ പദ്ധതി നടപ്പാക്കാന് ഉദ്ദേശ്യമുണ്ട്.
Continue with Google