ടൊയോട്ടയ്ക്ക് ഇരട്ടിവളര്‍ച്ച

ടൊയോട്ടയുടെ ഇന്നോവ എംപിവി തന്നെയാണ് വില്‍പനയില്‍ മുന്‍പില്‍ നില്‍ക്കുന്നത്. സെഗ്മെന്‍റില്‍ ടൊയോട്ടയുടെ ആധിപത്യം ഇപ്പോഴും നിലനില്‍ക്കുന്നുവെന്നതിന് സാക്ഷ്യം കൂടിയായി ഏപ്രില്‍ മാസത്തെ കണക്കുകള്‍ എടുക്കാവുന്നതാണ്. പ്രസ്തുത സെഗ്മെന്‍റില്‍ മത്സരം മുറുകിക്കൊണ്ടിരിക്കുകയാണ് ഇപ്പോള്‍.

കഴിഞ്ഞ മാസം ഇന്നോവ 6,582 യൂണിറ്റ് വിറ്റുപോയി. കഴിഞ്ഞ വര്‍ഷം ഇതേ കാലയളവില്‍ 3,464 യൂണിറ്റാണ് ഇന്നോവ വിറ്റഴിച്ചത്.

ടൊയോട്ട ഫോര്‍ച്യൂണറിനും വന്‍ വളര്‍ച്ചയാണ് ഉണ്ടായിരിക്കുന്നത്. 1,270 യൂണിറ്റാണ് കഴിഞ്ഞ മാസത്തെ വില്‍പന. കഴിഞ്ഞ വര്‍ഷം ഏപ്രിലില്‍ ഇത് 739 യൂണിറ്റായിരുന്നു. 72% വളര്‍ച്ച.

ടൊയോട്ട എന്‍ട്രി ലെവല്‍ കാറായ എട്യോസ് 21 ശതമാനം വളര്‍ച്ച രേഖപ്പെടുത്തി. 5,624 എട്യോസ് ഏപ്രിലില്‍ വിറ്റുപോയി.