Just In
- 26 min ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 1 hr ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
- 1 hr ago കാറിനും ബൈക്കിനും മാത്രമല്ല വാണിജ്യ വാഹനങ്ങൾക്കും സേഫ്റ്റി തന്നെ പ്രധാനം, കാരണമെന്താണെന്നറിയാമോ
- 2 hrs ago മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര്
Don't Miss
- News പിണറായിയോളം തലപ്പൊക്കമുള്ള സിപിഎം നേതാവിനെ ബിജെപിയിലെത്തിക്കാന് ദല്ലാള് ശ്രമിച്ചു: ശോഭ സുരേന്ദ്രന്
- Lifestyle സര്പ്പശാപം തീര്ക്കാനെത്തുന്ന ഭക്തര്, നിഗൂഢത നിറഞ്ഞ കുക്കെ സുബ്രഹ്മണ്യ സ്വാമി ക്ഷേത്രം
- Movies ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Sports IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല്
- Technology വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പടക്കങ്ങള്ക്ക് പകരം യുവാവ് തീകൊളുത്തിയത് വാഹനങ്ങള്ക്ക്, നടുക്കം മാറാതെ ദില്ലി
ദീപാവലി ആഘോഷങ്ങള് കഴിഞ്ഞു. കഴിഞ്ഞ രാത്രികളില് നാടുമുഴുവന് പടക്കം പൊട്ടിക്കുന്നതില് മുഴുകിയപ്പോള് ഇങ്ങ് ദില്ലിയില് ഒരുവിരുതന് കത്തിച്ചത് പടക്കങ്ങള്ക്ക് പകരം വാഹനങ്ങള്. മദ്യലഹരിയില് 18 വാഹനങ്ങള്ക്ക് തീയിട്ട യുവാവിന്റെ അക്രമ ദൃശ്യങ്ങള് ഏവരെയും ഞെട്ടിക്കുകയാണ്. ദില്ലിയിലെ മദന്ഗിറിലാണ് സംഭവം.
നാലു കാറുകളും 14 ബൈക്കുകളും അഗ്നിക്കിരയായി. പത്തു വാഹനങ്ങള് പൂര്ണ്ണമായും എട്ടു വാഹനങ്ങള് ഭാഗികമായും കത്തിനശിച്ചു. സമീപത്തെ സിസിടിവി ക്യാമറയിലാണ് വാഹനങ്ങള്ക്ക് തിരികൊളുത്തുന്ന യുവാവിന്റെ ദൃശ്യങ്ങള് പതിഞ്ഞത്.
മദ്യലഹരിയില് യുവാവ് വീട്ടുമുറ്റത്തു നിര്ത്തിയിട്ട ബൈക്കില് ആദ്യം തീകൊളുത്തുകയായിരുന്നു. ബൈക്കിന്റെ ഇന്ധന പൈപ്പ് തുറന്ന് പെട്രോള് പുറത്തേക്ക് ഒഴുക്കിയാണ് തീകൊളുത്തല്. ബൈക്കില് നിന്നും മറ്റു വാഹനങ്ങളിലേക്കും തീ ആളിപ്പടര്ന്നു.
ഇത്തരത്തില് ആറോളം ബൈക്കുകള്ക്കാണ് അജ്ഞാതനായ യുവാവ് തീകൊളുത്തിയത്. വാഹനങ്ങള്ക്ക് തീവെച്ചതിനു ശേഷം ഇയാള് സംഭവസ്ഥലത്തുനിന്നും കടന്നുകളഞ്ഞു. അതേസമയം അപകടത്തില് ആര്ക്കും പരുക്കളേറ്റില്ല.
തീയും പുകയും പടരുന്നത് ശ്രദ്ധയില്പ്പെട്ടപ്പോഴാണ് സമീപവാസികള് കാര്യമറിയുന്നത്. തൊട്ടുപിന്നാലെ പൊലീസും അഗ്നിശമന സേനയുമെത്തി തീയണച്ചു. തീ പടര്ന്നത് അറിയാന് വൈകിയിരുന്നെങ്കില് വന് ദുരന്തത്തിന് ദില്ലി സാക്ഷ്യം വഹിക്കുമായിരുന്നു.
അതേസമയം ബൈക്കുകളുടെ ഇന്ധന പൈപ്പ് ഊരിമാറ്റാന് യുവാവിന് കഴിഞ്ഞതെങ്ങനെയെന്ന ചോദ്യം സമൂഹമാധ്യമങ്ങളില് ഉയരുന്നുണ്ട്. സാധാരണയായി കാര്ബ്യുറേറ്റര് ബൈക്കുകളില് ഇക്കാര്യം സാധ്യമാണ്.
Most Read: 1.15 ലക്ഷം രൂപവരെ കാറുകള്ക്ക് ഡിസ്കൗണ്ട്, നവംബര് ഓഫറുകള് ഇങ്ങനെ
പഴയ ബൈക്കുകള്ക്ക് കാര്ബ്യുറേറ്റര് ലോക്കുകളില്ലാത്തുകൊണ്ടു നോബ് തിരിച്ചു ആര്ക്കും ഇന്ധന പൈപ്പ് ഊരാം. എന്തായാലും വാഹനങ്ങള് തീയിട്ട് നശിപ്പിച്ച സംഭവത്തില് ദില്ലി പൊലീസ് കേസ് രജിസ്റ്റര് ചെയ്തു ആന്വേഷണം ആരംഭിച്ചു. സിസിടിവി ദൃശ്യങ്ങള് അടിസ്ഥാനപ്പെടുത്തി രക്ഷപ്പെട്ട യുവാവിനായി അന്വേഷണം ഊര്ജ്ജിതമായി നടക്കുകയാണ്.
|
പൊതുവെ വാഹനങ്ങള്ക്ക് തീപ്പിടിക്കാനുള്ള ചില കാരണങ്ങള് പരിശോധിക്കാം:
ഇന്ധനചോര്ച്ച
അപകടങ്ങള്ക്ക് പിന്നാലെ കാറില് തീപടരുന്ന സംഭവങ്ങള് പതിവാണ്. ഇടിയുടെ ആഘാതത്തില് കാറിന്റെ ഫ്യൂവല് ലൈന് തകര്ന്ന് ഇന്ധനം ചോരുന്ന സന്ദര്ഭം തീപടരുന്ന സ്ഥിതിഗതികളിലേക്ക് നയിക്കും.
ഫ്യൂവല് ലൈനില് നിന്നും ചോര്ന്നൊലിക്കുന്ന ഇന്ധനം എഞ്ചിനില് കടക്കുമ്പോഴാണ് തീപ്പടരാറ്. എഞ്ചിനിലെ ഉയര്ന്ന താപത്തില് ഇന്ധനം ആളിക്കത്തും. സാധാരണയായി വാഹനം രൂപകല്പന ചെയ്യുമ്പോള് ഇതിനു വേണ്ട മുന്കരുതലുകള് നിര്മ്മാതാക്കള് സ്വീകരിക്കാറുണ്ട്. ചെറിയ അപകടങ്ങളെ ഫ്യൂവല് ലൈന് പ്രതിരോധിക്കുമെങ്കിലും ആഘാതം വലുതെങ്കില് ഫ്യൂവല് ലൈന് തകരാനുള്ള സാധ്യത കൂടുതലാണ്.
ബോണറ്റില് സാധനങ്ങള് വെച്ചുമറക്കുക
ബോണറ്റ് തുറന്ന് എഞ്ചിന് ബേ വൃത്തിയാക്കിയതിന് ശേഷം തുണിയും മറ്റു ക്ലീനറുകളും ബോണറ്റിനുള്ളില് വെച്ചു പൂട്ടുന്ന ശീലം ചിലര്ക്കുണ്ട്. ഈ നടപടിയും കാറില് തീപിടിക്കുന്നതിന് കാരണമാകാറുണ്ട്. എഞ്ചിന് ക്രമാതീതമായി ചൂടാകുമ്പോള് ബോണറ്റിനടിയില് വെച്ചു മറന്ന തുണിയിലും ക്ലീനറിലും തീ കത്തിപ്പടിച്ചേക്കും.
കൃത്രിമ വയറിംഗ്
ആഫ്റ്റര്മാര്ക്ക്റ്റ് ആക്സസറികളോട് മിക്കവര്ക്കും വലിയ പ്രിയമാണ്. തിളക്കമാര്ന്ന ലൈറ്റുകളും ഇന്ഫോടെയ്ന്മെന്റ് സംവിധാനങ്ങളും കാറിന്റെ ചന്തം കൂട്ടുമെന്ന കാര്യത്തില് സംശയമില്ല. എന്നാല് ഇത്തരം ആക്സസറികള്ക്ക് വേണ്ടി ചെയ്യുന്ന വയറിംഗ് കൃത്യമല്ലെങ്കില് ഷോര്ട്ട് സര്ക്യൂട്ട് സംഭവിക്കാനുള്ള സാധ്യത കൂടും.
ചെറിയ ഷോട്ട് സര്ക്യൂട്ട് മതി കാറിലെ മുഴുവന് വൈദ്യുത സംവിധാനവും താറുമാറാകാന്. കാറില് തീപിടിക്കുന്നതിന് ഷോട്ട് സര്ക്യൂട്ടും കാരണമാണ്.
അനധികൃത സിഎന്ജി/എല്പിജി കിറ്റുകള്
പെട്രോള്, ഡീസലുകള്ക്ക് ബദലായുള്ള സിഎന്ജി, എല്പിജി കിറ്റുകള്ക്ക് ഇന്ന് പ്രചാരമേറുന്നുണ്ട്. സിഎന്ജി, എല്പിജി കിറ്റുകള്ക്ക് പണം ഏറെ ചെലവാകില്ലെന്നത് തന്നെ ഇതിനുകാരണം. സിലിണ്ടറിലുള്ള സമ്മര്ദ്ദമേറിയ വാതകങ്ങള് പ്രത്യേക സംവിധാനങ്ങള് ഉപയോഗിച്ചാണ് എഞ്ചിനിലേക്ക് കടത്തിവിടുന്നത്.
അതിനാല് ഡെലിവറി ലൈനില് അല്ലെങ്കില് കിറ്റിലുണ്ടാകുന്ന ചെറിയ പിഴവുപോലും വലിയ അപകടങ്ങള്ക്ക് വഴിതെളിക്കും. ഗുണനിലവാരം കുറഞ്ഞ കിറ്റെങ്കില് തീ കത്തിപ്പടരാനുള്ള സാധ്യത കൂടുതലാണ്.