Click it and Unblock the Notifications
അപകടത്തിൽ നിന്ന് രക്ഷിച്ച Ecosport -ന്റെ ബിൾഡ് ക്വാളിറ്റിയിൽ സന്തുഷ്ടനായി വീണ്ടും അതേ മോഡൽ കരസ്ഥമാക്കി ഉടമ
ഇന്ത്യയിൽ ഇലക്ട്രിക് കാറുകൾ നിർമ്മിക്കാനുള്ള ഫോർഡിന്റെ സമീപകാല തീരുമാനം പിൻവലിച്ചതോടെ ഇന്ത്യയിലെ ബ്രാൻഡിന്റെ കാർ നിർമ്മാണത്തിന്റെ എല്ലാ പ്രതീക്ഷകളും അസ്തമിച്ചു.
ഇന്ത്യയിൽ ഫോർഡിന്റെ സാന്നിധ്യം നഷ്ടപ്പെടുന്ന നിരവധി വിശ്വസ്തരായ ഉപഭോക്താക്കൾ ഉണ്ട് എന്നതാണ് ശ്രദ്ധേയം. ഫോർഡ് ഇക്കോസ്പോർട്ടിന്റെ ബിൽഡ് ക്വാളിറ്റിക്ക് ഇപ്പോഴും നന്ദി പറയുന്ന നിരവധി ഉടമകളുമുണ്ട്.
ഫോർഡ് ഇക്കോസ്പോർട്ട് ഇക്കോബൂസ്റ്റിന്റെ അത്തരത്തിലുള്ള ഒരു ഉടമയാണ് ശശി കർമ്മവാർ. സബ് ഫോർ മീറ്റർ എസ്യുവിയിൽ വൻ അപകടത്തിന് ശേഷം അമേരിക്കൻ ബ്രാൻഡിൽ നിന്നുള്ള തന്റെ രണ്ടാമത്തെ കാറാണിത്. അപകടത്തിൽ എന്താണ് സംഭവിച്ചതെന്ന് അദ്ദേഹം പങ്കിടുന്നു.
ഡ്രൈവ് വിത്ത് സിദ്ധാന്ത് എന്ന യൂട്യൂബ് ചാനൽ ഫോർഡ് ഇക്കോസ്പോർട്ടിന്റെ ഉടമയുമായുള്ള വീഡിയോ സംഭാഷണം പങ്കിടുന്നു. ഹ്യുണ്ടായി വെന്യു, മാരുതി സുസുക്കി വിറ്റാര ബ്രെസ എന്നിവയുൾപ്പെടെ നിരവധി വാഹനങ്ങൾ പരിശോധിച്ചതിന് ശേഷം താൻ എങ്ങനെ ഇക്കോസ്പോർട്ട് തെരഞ്ഞെടുത്തുവെന്നതിന്റെ കഥയാണ് ശശി ആദ്യം പങ്കിടുന്നത്.
2020 മാർച്ചിലാണ് അപകടമുണ്ടായത്. തടസ്സം ഒഴിവാക്കാൻ ഹൈവേയിൽ പെട്ടെന്ന് ബ്രേക്ക് ചവിട്ടിയതായി ഉടമ പറയുന്നു. കാർ തെന്നി റോഡിലേക്ക് മറിയുകയായിരുന്നു. ഇത് ഒന്നിലധികം റോൾഓവറുകൾ ചെയ്യുകയും അതിന് ശേഷം ഒരിടത്ത് വന്ന് നിൽക്കുകയും ചെയ്തു.
MOST READ: ചൂടിനെ പ്രതിരോധിക്കാൻ ചെടികൾ! ഓട്ടോറിക്ഷയ്ക്ക് മുകളിൽ മിനി ഗാർഡൻ സജ്ജമാക്കി ഡ്രൈവർ
അപകടസമയത്ത് സഹപ്രവർത്തകരിൽ ഒരാളും ശശിക്കൊപ്പം യാത്ര ചെയ്യുന്നുണ്ടായിരുന്നു. ശശിയുടെ കോളർബോണിൽ ഹെയർ കട്ട് ഫ്രാക്ച്ചർ ഉണ്ടായപ്പോൾ, സഹപ്രവർത്തകൻ ഒരു പോറൽ പോലും ഏൽക്കാതെ കാറിൽ നിന്ന് പുറത്തിറങ്ങി. അപകടത്തിന്റെ തീവ്രതയെക്കുറിച്ചും അത് എത്രത്തോളം ഭയാനകമായിരുന്നു എന്നും കാറിന്റെ ചിത്രങ്ങൾ സൂചിപ്പിക്കുന്നു.
ഈ ക്രാഷിൽ നിന്ന് തന്നെ രക്ഷിച്ച ഫോർഡ് ഇക്കോസ്പോർട്ടിന്റെ ബിൽഡ് ക്വാളിറ്റിക്ക് ഉടമ നന്ദി പറഞ്ഞു, ക്രാഷിന് തൊട്ടുപിന്നാലെ തനിക്ക് ഒരു പുതിയ ഫോർഡ് ഇക്കോസ്പോർട്ട് ഓട്ടോമാറ്റിക് ലഭിച്ചുവെന്നും അദ്ദേഹം പറയുന്നു.
MOST READ: ഇന്നോവയുടെയും എർട്ടിഗയുടെയും എതിരാളി, നിസാൻ ഇവാലിയ തോറ്റുപിൻവാങ്ങിയ കഥ
അപകടത്തിന് ശേഷവും ഡോറുകൾ പ്രവർത്തിക്കുന്നുണ്ടെന്ന് തോന്നുന്നു, ഇത് അപകടത്തിന് ശേഷം വാഹനത്തിൽ നിന്ന് വേഗത്തിൽ പുറത്തിറങ്ങാൻ യാത്രക്കാരെ അനുവദിച്ചു.
ഫോർഡ് ഇക്കോസ്പോർട്ടിന് G-NCAP റേറ്റിംഗുകളൊന്നുമില്ല
ഗ്ലോബൽ NCAP ഇന്ത്യൻ സ്പെക്ക് ഫോർഡ് ഇക്കോസ്പോർട്ടിനെ ടെസ്റ്റ് ചെയ്തിട്ടില്ല, എന്നാൽ അന്താരാഷ്ട്ര പതിപ്പിന് NCAP-ൽ നിന്ന് ഫോർ സ്റ്റാർ റേറ്റിംഗ് ഉണ്ട്. 2013 -ൽ ലാറ്റിൻ NCAP -ൽ, ഇക്കോസ്പോർട്ട് ഒരു മികച്ച ഫൈവ് സ്റ്റാർ റേറ്റിംഗ് നേടി.
ഇക്കോസ്പോർട്ടിന്റെ നിലവിലെ പതിപ്പ് യുഎസ്എയിലെ NHTSA പരീക്ഷിച്ചു, വാഹനം ഫൈവിൽ ഫോർ സ്റ്റാർ സ്കോർ ചെയ്തു. യുഎസ്എ സ്പെക്ക് ഇക്കോസ്പോർട്ട് ഇന്ത്യയിൽ നിന്ന് തികച്ചും വ്യത്യസ്തമാണെന്നും രാജ്യത്തെ സുരക്ഷാ മാനദണ്ഡങ്ങൾ വളരെ പുരോഗമിച്ചതാണെന്നും ശ്രദ്ധിക്കേണ്ടതാണ്.
ഇന്ത്യയിലെ ഏറ്റവും കരുത്തുറ്റ കാറുകളിലൊന്നായാണ് ഫോർഡ് ഇക്കോസ്പോർട്ട് കണക്കാക്കപ്പെട്ടിരുന്നത്. ഫോർഡ് രാജ്യം വിട്ട് ഇന്ത്യയിൽ പ്രവർത്തിക്കുന്നില്ലെങ്കിലും, അമേരിക്കൻ ബ്രാൻഡ് ഇപ്പോഴും നിലവിലുള്ള ഉപഭോക്താക്കൾക്ക് വിൽപ്പനാനന്തര സേവനം നൽകുന്നു. നിരവധി CBU ഇറക്കുമതി മോഡലുകളുമായി ഫോർഡ് ഇന്ത്യയിലേക്ക് മടങ്ങുമെന്ന് പ്രതീക്ഷിച്ചിരുന്നു, എന്നാൽ ബ്രാൻഡ് ഇതുവരെ അതേ കുറിച്ച് ഔദ്യോഗിക പ്രസ്താവന നടത്തിയിട്ടില്ല.
Continue with Google