കൊവിഡ് പ്രതിരോധ പ്രവർത്തനങ്ങൾ ശക്തിപ്പെടുത്തി ഹീറോ

കമ്പനി സാനിറ്റൈസറുകൾ മെഡിക്കൽ ഓഫീസർമാർക്കും പൊതുജനങ്ങൾക്കും വിതരണം ചെയ്യാൻ തുടങ്ങി. പുതിയ സംരംഭത്തിന്റെ ഭാഗമായി ഹീറോ ഇതിനകം 5,000 ലിറ്റർ ഹാൻഡ് സാനിറ്റൈസർ വിതരണം ചെയ്തു.

വളരെ തിരക്കോടെ വാഹനങ്ങൾ നിർമ്മിച്ചിരുന്ന കമ്പനിയുടെ ഉൽ‌പാദന കേന്ദ്രങ്ങളിലാണ് സാനിറ്റൈസറുകളുടെ നിർമ്മാണവും പാക്കിംഗും നിലവിൽ നടക്കുന്നത്.

MOST READ: കൊവിഡ്-19 പരിശോധനയ്ക്കായി തിരംഗ പദ്ധതിയുമായി കേരളം

ഹീറോ അതിന്റെ പ്രൊഡക്ഷൻ യൂണിറ്റുകളിൽ നിന്നും കോർപ്പറേറ്റ് സോഷ്യൽ റെസ്‌പോൺസിബിലിറ്റി ഡിവിഷനിൽ നിന്നും തിരഞ്ഞെടുത്ത ജീവനക്കാരെ സാനിറ്റൈസറുകളുടെ നിർമ്മാണത്തിലും വിതരണത്തിലും ഏർപ്പെട്ടിട്ടുണ്ടെന്നും ഇന്ത്യൻ കൗൺസിൽ ഓഫ് മെഡിക്കൽ റിസർച്ച് നിർദ്ദേശിച്ച മാർഗ്ഗനിർദ്ദേശങ്ങൾ ഈ പ്രക്രിയകളിൽ നടപ്പാക്കുന്നുണ്ടെന്നും അറിയിച്ചു അധികൃതർ അറിയിച്ചു.

രാജ്യത്തെ ഗ്രാമീണ, വിദൂര പ്രദേശങ്ങളിൽ ഉപയോഗിക്കുന്നതിനായി 60 ഫസ്റ്റ് റെസ്‌പോണ്ടർ മൊബൈൽ ആംബുലൻസുകളും കമ്പനി സർക്കാരിന് ഉടൻ കൈമാറും.

MOST READ: കൊവിഡ് പ്രതിരോധത്തിനായി ബൈക്ക് ആംബുലൻസുകൾ അവതരിപ്പിച്ച് ഹീറോ

കൂടാതെ, ദുരിതാശ്വാസ പ്രവർത്തനങ്ങൾക്കായി രാജ്യമെമ്പാടുമുള്ള വിവിധ സേനകൾക്ക് രണ്ടായിരത്തിലധികം മോട്ടോർ സൈക്കിളുകൾ ഹീറോ സംഭാവന ചെയ്തിട്ടുണ്ട്.

ഹീറോയുടെ ഉൽ‌പാദന കേന്ദ്രങ്ങളിലെ കാന്റീൻ അടുക്കളകളും, മറ്റ് സൗകര്യങ്ങളും ചുറ്റുമുള്ള നിരാലംബരായ പ്രദേശവാസികൾക്ക് ഭക്ഷണം തയ്യാറാക്കുന്നതിലും വിതരണം ചെയ്യുന്നതിലും ഏർപ്പെട്ടിരിക്കുന്നു.

MOST READ: ലോക്ക്ഡൗൺ കാലയളവിൽ രോഗിക്ക് മരുന്ന് എത്തിക്കാൻ പൊലീസുകാരൻ സഞ്ചരിച്ചത് 864 കിലോമീറ്റർ

ഡൽഹി-NCR മേഖല, രാജസ്ഥാൻ, ഹരിയാന, ഉത്തരാഖണ്ഡ്, ആന്ധ്രാപ്രദേശ്, ഗുജറാത്ത് എന്നിവിടങ്ങളിലെ കുടിയേറ്റ തൊഴിലാളികൾക്കും ദിവസ വേതന തൊഴിലാളികൾക്കും ഭവനരഹിതരായ കുടുംബങ്ങൾക്കും പ്രതിദിനം 15 ലക്ഷത്തിലധികം ഭക്ഷണം കമ്പനി വിതരണം ചെയ്യുന്നു.

രാജസ്ഥാൻ, മഹാരാഷ്ട്ര, കേരളം തുടങ്ങിയ സംസ്ഥാനങ്ങളിലും ഡൽഹിയിലും 6,000 റേഷൻ കിറ്റുകൾ ഹീറോ മോട്ടോകോർപ്പ് വിതരണം ചെയ്തു. ഭാവിയിലേക്ക് പല മുൻകൂർ പദ്ധതികളും ഹീറോ ആവിഷ്കരിക്കുന്നുണ്ട്.

MOST READ: ഉടൻ വിപണിയിൽ എത്തുന്ന അഞ്ച് ടൊയോട്ട കാറുകൾ

ഇന്ത്യയിൽ വ്യാപിക്കാൻ തുടങ്ങിയ കൊവിഡ് -19 വൈറസിനെതിരായ പോരാട്ടത്തിന് ഹീറോ ഗ്രൂപ്പ് 100 കോടി രൂപ ധനസഹായവും നൽകിയിരുന്നു. ഇതിൽ 50 കോടി രൂപ PM CARES ഫണ്ടിലേക്ക് സംഭാവന ചെയ്തിട്ടുണ്ട്, ബാക്കി 50 കോടി രൂപ മറ്റ് ദുരിതാശ്വാസ പ്രവർത്തനങ്ങൾക്കും സംരംഭങ്ങൾക്കും ചെലവഴിക്കുന്നു.

ഹീറോ ഗ്രൂപ്പ് നടത്തുന്ന ഹരിയാനയിലെ ധരുഹേരയിലെ BML മുഞ്ജൽ സർവകലാശാല 2,000 ബെഡ് ഹോസ്റ്റൽ പ്രാദേശിക ആരോഗ്യ വകുപ്പിന് ഐസൊലേഷനും ചികിത്സാ വാർഡുകളായും ഉപയോഗിക്കാൻ വാഗ്ദാനം ചെയ്തതായും കമ്പനി അറിയിച്ചു.