Just In
- 10 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 12 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 13 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 13 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Sports T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര്
- Movies അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഇന്ത്യയിൽ കാൽ നൂറ്റാണ്ട് പൂർത്തിയാക്കി ഹ്യുണ്ടായി; പുതിയ കോർപ്പറേറ്റ് ആസ്ഥാനം തുറന്ന് ആഘോഷം
ഇന്ത്യൻ വിപണിയിൽ വിജയകരമായ 25 വർഷം പൂർത്തിയാക്കിയിരിക്കുകയാണ് ദക്ഷിണ കൊറിയൻ വാഹന നിർമാതാക്കളായ ഹ്യുണ്ടായി. വിജയാഘോഷത്തിന്റെ ഭാഗമായി ഹരിയാനയിലെ ഗുരുഗ്രാമിൽ പുതിയ ആസ്ഥാനവും കമ്പനി ഉദ്ഘാടനം ചെയ്തു.
നല്ല നാളേയ്ക്കു വേണ്ടിയുള്ള പരിവർത്തന കേന്ദ്രം എന്ന വിശേഷണവുമായാണ് ഹ്യുണ്ടായി ഇന്ത്യ പുതിയ കോർപ്പറേറ്റ് മുഖ്യകാര്യാലയം ഗുരുഗ്രാമിൽ തുറന്നിരിക്കുന്നത്. 10 നിലകളുള്ള പുതിയ ആസ്ഥാനം 28,000 ചതുരശ്ര മീറ്റർ വിസ്തൃതിയുള്ള ഗ്രീൻഫീൽഡ് പദ്ധതിയാണ്.
ഈ പദ്ധതിയുടെ പണി ആദ്യം ആരംഭിച്ചത് 2018 ഫെബ്രുവരിയിലാണ്. ഇതിനായി 1,000 കോടിയിലധികം നിക്ഷേപമാണ് ഹ്യുണ്ടായി മോട്ടോർ ഇന്ത്യ നടത്തിയിരിക്കുന്നത്. ഹൈടെക് കെട്ടിടത്തിലേക്ക് ഡൽഹി-എൻസിആർ തൊഴിലാളികളെ ബ്രാൻഡ് മാറ്റുകയും ചെയ്തിട്ടുണ്ട്.
ശരീരം, മനസ്, ആത്മാവ് എന്നിങ്ങനെ മൂന്ന് ഘടകങ്ങളെ പ്രാവർത്തികമാക്കുന്നതിനാണ് ഗുരുഗ്രാമിലെ മുഖ്യകാര്യാലയത്തിന്റെ രൂപകൽപ്പനയും വർക്ക്സ്പെയ്സ് ലേഔട്ടുകളും ഉദ്ദേശിക്കുന്നത്.
മൂന്നുലക്ഷം ചതുരശ്ര അടിയിൽ ലോകോത്തര നിലവാരത്തിലും പരിസ്ഥിതി സൗഹൃദമായും ഒരുക്കിയ പുതിയ കോർപ്പറേറ്റ് ആസ്ഥാനത്ത് വേനൽക്കാലത്ത് പുനരുപയോഗ ഊർജ്ജം ഉപയോഗപ്പെടുത്തുന്നതിന് 50 കിലോവാട്ട് സോളാർ റൂഫ് പാനലുകൾ വരെ സജ്ജീകരിച്ചിട്ടുണ്ട്.
ആസ്ഥാനത്തിന്റെ ഭൂനിരപ്പ് ഒരു വലിയ ഇടനാഴിയായി വിഭജിച്ച് ഇവന്റുകൾക്ക് ആതിഥേയത്വം വഹിക്കാൻ കഴിയുമെന്നതും ശ്രദ്ധേയമാണ്. കൂടാതെ 144 പേർക്ക് ഇരിക്കാവുന്ന ഒരു മൾട്ടി പർപ്പസ് ഹാളും ഇവിടുണ്ട്. 400 ചതുരശ്ര മീറ്റർ ഗ്രീൻ വാളാണ് എൻട്രി ഹാളിന്റെ പ്രത്യേകത.
സ്പീഡ് ഗേറ്റിലൂടെ മന്ദിരത്തിന്റെ അകത്തേക്കും പുറത്തേക്കും അനായാസം കടക്കാമെന്ന മികവുമുണ്ട്. കൊവിഡ് മഹാമാരിയുടെ വെളിച്ചത്തിൽ ജീവനക്കാരുടെ സുരക്ഷയ്ക്കായി ഓഫീസിലേക്ക് പ്രവേശിക്കുന്ന എല്ലാവരുടെയും ശരീര താപനില നിരീക്ഷിക്കുന്നതിന് ഹ്യൂണ്ടായിയുടെ ഏറ്റവും പുതിയ ഓഫീസ് തെർമൽ സ്കാനറുകളും ഘടിപ്പിച്ചിട്ടുണ്ട്.
ശുചിത്വവൽക്കരണത്തിനായി യുവി ലൈറ്റ് ഘടിപ്പിച്ച ലോക്കറുകളും പുതിയ ആസ്ഥാനത്തിന്റെ പ്രത്യേകതയാണ്. ഭക്ഷണം കഴിക്കുന്ന സമയം മാസ്ക്ക് ഊരുമ്പോൾ വ്യക്തിഗത ഇടങ്ങൾ നിർവചിക്കുകയും പരിരക്ഷ നൽകുകയും ചെയ്യുന്ന പെർസ്പെക്സ് ഡിവൈഡറുകളുള്ള കഫറ്റീരിയ ടേബിളുകളും കമ്പനി ഒരുക്കിയിട്ടുണ്ട്.
50 കിലോവാട്ടുള്ള മൂന്ന് ഡിസി ഫാസ്റ്റ് ചാർജറുകൾ ഉൾപ്പെടെ 14 ചാർജിംഗ് ഇലക്ട്രിക് വാഹന ചാർജിംഗ് പോയിന്റുകളും കാര്യാലയത്തിൽ സജ്ജീകരിച്ചിട്ടുണ്ട്. ഉദ്ഘാടനത്തിനായി ബ്രാൻഡിന്റെ ഏറ്റവും പുതിയ അയോണിക് 5 ഇവിയും, നെക്സോ ഫ്യുവൽസെൽ വാഹനവും പ്രദർശനത്തിനെത്തിച്ചിരുന്നു.