ഇന്ത്യന്‍ ഡ്രൈവര്‍മാര്‍ ഉപയോഗിക്കുന്ന വിഖ്യാതമായ തെറികള്‍

07. 'ഹിന്ദി: അഭെ സാലെ, അന്ധാ ഹെ ക്യാ?'

ദില്ലിയിലെ റോഡുകളില്‍ എവിടെയും എപ്പോഴും കേള്‍ക്കാനിടയുള്ള തെറിയാണിത്. വാഹനത്തില്‍ സഞ്ചരിക്കുന്നവരും കാല്‍നടയാത്രക്കാരും ഒരുപോലെ ഈ വാക്കുകള്‍ വളരെ സാധാരണമെന്ന പോലെ ഉപയോഗിക്കുന്നു. 'കണ്ണ് കണ്ടൂടെ അളിയാ?' എന്നാണ് ചോദ്യത്തിന്റെ വാച്യാര്‍ഥം. ചോദിക്കുന്ന രീതി പോലെ അര്‍ഥത്തില്‍ അപകടകരമാം വിധം മാറ്റങ്ങള്‍ വന്നേക്കാം.

06. തമിഴ്: 'വീട്ടിലെ സൊല്ലിട്ട് വന്തിട്ടിയാ?'

വണ്ടിക്ക് മുമ്പിലേക്ക് എടുത്തു ചാടുന്നവരോട് 'വീട്ടില്‍ പറഞ്ഞിട്ടാണോ വന്നത്?' എന്ന് മലയാളികളും ചോദിക്കാറുണ്ട്. ചാവാന്‍ തയ്യാറെടുത്ത് വന്നതാണോ എന്നതിന്റെ കാവ്യാത്മകമായ ഭാഷാവിഷ്‌കാരമാകുന്നു ഇത്.

05. ബംഗാളി: 'പാഗോല്‍ ചാഗോല്‍!'

ഈ വാക്കുകള്‍ മലയാളികള്‍ക്ക് ഇന്നേറെ പരിചിതമാണ്. തോന്നിയപോലെ വണ്ടിയോടിക്കുന്ന ഏത് മലയാളിയുടെയും ചെവിയില്‍ ഇത്തരം വാക്കുകള്‍ എപ്പോഴും വന്നലയ്ക്കാം! 'പൊട്ടന്‍ ആട്' എന്നോ 'ഭ്രാന്തന്‍ ആട്' എന്നോ ഈ വാക്കുകളെ പരിഭാഷപ്പെടുത്താവുന്നതാണ്. നേരത്തെ പറഞ്ഞ രണ്ട് ഭാഷകളിലെ പ്രയോഗങ്ങളും മലയാളത്തിലുണ്ട്. ഇതിന് സമാനമായ പ്രയോഗം നമുക്കുണ്ടോ എന്ന് ഓര്‍ത്തെടുക്കാന്‍ കഴിയുന്നില്ല.

04. കന്നഡ: 'ലോഫര്‍ നന്‍ മകനെ!'

ഏറ്റവും ലോലഹൃദയനായസ കന്നഡികര്‍ ഉപയോഗിക്കുന്ന വാക്കുകളാണിവ. ഇതിനെക്കാള്‍ കടുത്ത തെറികളാണ് പൊതുവില്‍ റോഡില്‍ ഉയര്‍ന്നു കേള്‍ക്കാറുള്ളത്. അവ ഇവിടെ എഴുതാന്‍ നിര്‍വാഹമില്ല. 'തോന്നിവാസിപ്പയ്യന്‍', 'അലവലാതിച്ചെക്കന്‍' എന്നെല്ലാം ഈ പ്രയോഗത്തിന് അര്‍ഥം വരും.

03. ഗുജറാത്തി: 'അഭേ സാലാ ദേഖാതൂ നാതീ? അന്ധാഡോ ചേസൂ?

ഗുജ്ജൂസിന്റെ വായില്‍ നിന്ന് സാധാരണമായി പുറത്തുവരാറുള്ള തെറികളാണിവ. റോഡില്‍ തോന്നിയപോലെ വണ്ടിയോടിക്കുന്നവരോട് ഇവര്‍ ഇത് ചോദിക്കുന്നു. 'താന്‍ കണ്ണുപൊട്ടനാണോ' എന്നാണ് ചോദ്യം.

02. മലയാളം: 'നായിന്റെ മോനെ, മുഖത്ത് കണ്ണില്ലേടാ?'

മലയാളികള്‍ കേട്ട് പഴകിയിട്ടും ക്ലീഷേ ആകാത്ത തെറികളിലൊന്നാണിത്. എതിരാളിയെ നായയുമായി ഉപമിക്കുന്നത് ഇന്നും ഒരു ഫാഷനാണ്.

01. തെലുഗു: 'പോ റാ യദവാ!

ഹൈദരാബാദിന്റെ നിരത്തുകളില്‍ സാധാരണ കേള്‍ക്കുന്ന വാക്കുകളാണിവ. പോ റാ യദവാ! 'പോടാ മരപ്പൊട്ടാ' എന്നാണ് ഈ വാക്കുകളുടെ ഏകദേശ മലയാളം.