Just In
- 13 min ago പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം
- 1 hr ago കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ
- 12 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 15 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
Don't Miss
- News സൂറത്തില് നടന്നത് വമ്പന് തിരക്കഥ: ബിജെപിക്ക് വിജയം ഒരുക്കിയത് കോണ്ഗ്രസ് സ്ഥാനാർത്ഥി തന്നെ
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
- Sports T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
- Lifestyle പഴ്സിന് നിറം ഇതെങ്കില് പണം വന്ന് നിറയും, സമൃദ്ധി ആകര്ഷിക്കുന്ന വാസ്തു ഉപദേശം
- Finance സാമ്പത്തിക സ്വാതന്ത്ര്യം നേടാം 30 വയസിൽ; ചെയ്യേണ്ടതും ചെയ്യരുതാത്തതും…
- Technology ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി
- Movies 'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?'
കീശ കീറാതെ വാങ്ങാം, കൊണ്ടുനടക്കാം; 10 ലക്ഷം രൂപയിൽ താഴെ വിലയുള്ള മികച്ച ഓട്ടോമാറ്റിക് കാറുകൾ
ലോകത്തിലെ ഏറ്റവും വലിയ വിപണികളിലൊന്നായി കുതിച്ചുകൊണ്ടിരിക്കുകയാണ് നമ്മുടെ സ്വന്തം ഇന്ത്യൻ കാർ വിപണി. മൂന്ന് ലക്ഷം മുതൽ 10 ലക്ഷം രൂപ വരെയുള്ള വിഭാഗത്തിലാണ് രാജ്യത്ത് ഇന്ന് ഏറ്റവും കൂടുതൽ വിൽപ്പന നടക്കുന്നതും.
എൻട്രി ലെവൽ, സബ് കോംപാക്ട്, കോംപാക്ട് മോഡലുകൾക്കാണ് ഏറ്റവും കൂടുതൽ ഡിമാൻഡുള്ളതെന്നും പറയാം. പുതിയ തലമുറയിലെ ഉപഭോക്താക്കളാണ് ഈ സെഗ്മെന്റിലെ വിൽപ്പനയുടെ ഗണ്യമായ ശതമാനം സംഭാവന ചെയ്യുന്നത് എന്ന കാര്യമാണ് മറ്റൊരു വസ്തുത.
ഉപഭോക്താക്കളുടെ വാങ്ങൽ തീരുമാനത്തിൽ നിർണായക പങ്ക് വഹിക്കുന്ന പ്രധാന ഘടകങ്ങളിലൊന്ന് കാറുകളുടെ ട്രാൻസ്മിഷൻ ഓപ്ഷനാണ്. മാനുവൽ ഗിയർബോക്സുള്ള കാറുകളെ അപേക്ഷിച്ച് ഓട്ടോമാറ്റിക് കാറുകൾക്ക് കഴിഞ്ഞ രണ്ട് വർഷങ്ങളായി ഉയർന്ന ഡിമാൻഡാണ് ലഭിക്കുന്നത്.
പ്രത്യേകിച്ചും ഇന്ന് നിരത്തുകളിൽ അനുഭവപ്പെടുന്ന തിരക്കു കാരണം ഏവരും ഡ്രൈവിംഗ് ആയാസരഹിതമാക്കാൻ ആഗ്രഹിക്കുന്നവരായതിനാൽ. മാനുവൽ ഗിയർബോക്സ് സജ്ജീകരിച്ച കാറുകളെ അപേക്ഷിച്ച് അവ വാഗ്ദാനം ചെയ്യുന്ന ഡ്രൈവിംഗ് സൗകര്യമാണ് ഇത്രയും ജനപ്രീതിയാർജിക്കാനുണ്ടായ പ്രധാന കാരണം.
കീശ കീറാതെ 10 ലക്ഷം രൂപ ബജറ്റിൽ ഒരു ഓട്ടോമാറ്റിക് കാർ വാങ്ങാൻ പ്ലാനുണ്ടെങ്കിൽ പരിഗണിക്കേണ്ട മികച്ച മോഡലുകളെയാണ് ഇന്നിവിടെ പരിചയപ്പെടുത്താൻ പോവുന്നത്.
മാരുതി സുസുക്കി സ്വിഫ്റ്റ്
വന്ന കാലം മുതൽ ദേ ഇന്നു വരെ ഇത്രയും ജനപ്രീതിയാർജിച്ച മറ്റൊരു മോഡൽ ഇല്ലെന്നു വേണം പറയാൻ. സ്വിഫ്റ്റ് എന്നാൽ അത്രമേൽ പ്രണയമാണ് പലർക്കും. വാഹനത്തിന്റെ രൂപകല്പനയും സവിശേഷതകളും കാരണം പ്രീമിയം രൂപഭാവത്തിലാണ് ഈ കാർ വരുന്നത്.
23.2 മുതൽ 23.76 കിലോമീറ്റർ മൈലേജ് വാഗ്ദാനം ചെയ്യുന്ന 1.2 ലിറ്റർ പെട്രോൾ എഞ്ചിനുമായി ജോടിയാക്കിയ മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകളിൽ മാരുതി സുസുക്കി സ്വിഫ്റ്റ് ലഭ്യമാണ്. 5.90 ലക്ഷം മുതൽ 8.77 ലക്ഷം രൂപ വരെയാണ് ഹാച്ച്ബാക്കിന്റെ നിലവിലെ എക്സ്ഷോറൂം വില.
ടാറ്റ പഞ്ച്
മൈക്രോ-എസ്യുവി സെഗ്മെന്റിൽ ഉൾപ്പെടുന്ന ആഭ്യന്തര വാഹന നിർമാതാക്കളിൽ നിന്നുള്ള ഏറ്റവും പുതിയ സബ് കോംപാക്ട് എസ്യുവിയാണ് ടാറ്റ പഞ്ച്. മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകളിൽ ലഭ്യമായ 1.2 ലിറ്റർ പെട്രോൾ എഞ്ചിനിലാണ് ടാറ്റ പഞ്ച് വരുന്നത്.
ലിറ്ററിന് 18.82 മുതൽ 18.97 കിലോമീറ്റർ വരെ ഇന്ധനക്ഷമതയാണ് പഞ്ചിന്റെ 1.2 NA പെട്രോൾ എഞ്ചിൻ വാഗ്ദാനം ചെയ്യുന്നത്. ടാറ്റ പഞ്ച് എസ്യുവിക്ക് 5.64 ലക്ഷം രൂപ മുതൽ 8.98 ലക്ഷം രൂപ വരെയാണ് ഇന്ത്യയിലെ എക്സ്ഷോറും വില. എഎംടി സജ്ജീകരിച്ച ഓട്ടോമാറ്റിക് വേരിയന്റും മികച്ച പ്രായോഗികതയും മാന്യമായ പെർഫോമൻസുമാണ് ഒരുക്കിയിരിക്കുന്നതും.
ടാറ്റ ടിയാഗോ
ഇന്ത്യയിൽ ടാറ്റ മോട്ടോർസിന്റെ പാസഞ്ചർ കാറുകളുടെ വേഗത അക്ഷരാർഥത്തിൽ മാറ്റിമറിച്ച മോഡലാണ് ടിയാഗോ. മാരുതി സുസുക്കി സ്വിഫ്റ്റ് പോലുള്ള എതിരാളികളോട് മത്സരിക്കുന്ന ഹാച്ച്ബാക്ക്, ഉയർന്ന മാർക്കറ്റ് ഫീച്ചറുകൾക്കൊപ്പം സ്റ്റൈലിഷ് വിഷ്വൽ രൂപവും നൽകുന്നിടത്താണ് വിജയമുണ്ടായത്.
മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകളിൽ ലഭ്യമായ 1.2 ലിറ്റർ റെവോട്രോൺ പെട്രോൾ എഞ്ചിനിൽ നിന്നാണ് ടിയാഗോ കരുത്ത് ഉത്പാദിപ്പിക്കുന്നത്. ടിയാഗോ പെട്രോളിന്റെ വില 5.19 ലക്ഷം രൂപ മുതൽ 7.64 ലക്ഷം രൂപ വരെയാണ്.
മാരുതി ബലേനോ
പ്രീമിയം ഹാച്ച്ബാക്ക് സെഗ്മെന്റിലെ തലതൊട്ടപ്പനാണ് മാരുതി സുസുക്കി ബലേനോ. ടാറ്റ ആൾട്രോസ്, ഹോണ്ട ജാസ്, ഹ്യുണ്ടായി i20 തുടങ്ങിയ എതിരാളികളോട് മാറ്റുരയ്ക്കാൻ സജ്ജമാക്കിയിരിക്കുന്ന ബലേനോ അടുത്തിടെ പരിഷ്ക്കാരങ്ങളോടെ അവതരിപ്പിച്ചതും നേട്ടമാണ്.
പ്രീമിയം നെക്സ റീട്ടെയിൽ നെറ്റ്വർക്കിലൂടെയാണ് ബലേനോ വിൽക്കുന്നത്. ഇതിന്റെ എക്സ്ഷോറൂം വില 6.14 ലക്ഷം മുതൽ 9.66 ലക്ഷം വരെയാണ്. 1.2 ലിറ്റർ പെട്രോൾ മോട്ടോർ നൽകുന്ന ബലേനോ ഹാച്ച്ബാക്കിന് മാനുവൽ, ഓട്ടോമാറ്റിക് ഗിയർബോക്സ് ഓപ്ഷനുകൾ ലഭിക്കും. ഇത് ലിറ്ററിന് 19.56 കിലോമീറ്റർ മുതൽ 23.87 കിലോമീറ്റർ വരെ മൈലേജ് വാഗ്ദാനം ചെയ്യുമെന്നാണ് മാരുതി അവകാശപ്പെടുന്നത്.
നിസാൻ മാഗ്നൈറ്റ്
കണ്ണഞ്ചിപ്പിക്കുന്ന ദൃശ്യരൂപവും പ്രീമിയം ഫീലും ഉപയോഗിച്ച് ഇന്ത്യയിൽ ജാപ്പനീസ് വാഹന നിർമാതാക്കൾക്ക് അക്ഷരാർഥത്തിൽ പുതുജീവൻ സമ്മാനിച്ച മോഡലാണ് നിസാൻ മാഗ്നൈറ്റ്. 5.76 ലക്ഷം മുതൽ 10.15 ലക്ഷം വരെ എക്സ്ഷോറൂം വിലയുള്ള കോംപാക്ട് എസ്യുവി ടാറ്റ നെക്സോൺ, കിയ സോനെറ്റ് തുടങ്ങിയ വൻതാരനിരയുമായാണ് മത്സരിക്കുന്നത്.
നിസാൻ മാഗ്നൈറ്റ് 23 വേരിയന്റുകളിൽ ലഭ്യമാണ്. ഇതിന് 1.0 ലിറ്റർ എഞ്ചിനാണ് ലഭിക്കുന്നത്. ഈ എസ്യുവിയുടെ ട്രാൻസ്മിഷൻ ഓപ്ഷനുകളിൽ മാനുവൽ ഗിയർബോക്സും സിവിടി ഓട്ടോമാറ്റിക്കുമാണ് ഉൾപ്പെടുന്നത്.