Click it and Unblock the Notifications
Just In
-
-
-
-
Don't Miss
-
ലോക്സഭ തിരഞ്ഞെടുപ്പ് 2024 ഒന്നാം ഘട്ടം Live: 102 മണ്ഡലങ്ങള് ബൂത്തിലേക്ക്; ബിജെപിക്ക് നിര്ണായകം -
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പ്രവര്‍ത്തനങ്ങള്‍ ശക്തമാക്കി പിയാജിയോ; 100 ദിവസത്തിനുള്ളില്‍ ആരംഭിച്ചത് 100 ഡീലര്‍ഷിപ്പുകള്‍
ഇറ്റലിയിലെ പിയാജിയോ ഗ്രൂപ്പിന്റെ ഇന്ത്യന്‍ അനുബന്ധ സ്ഥാപനമായ പിയാജിയോ വെഹിക്കിള്‍സ് പ്രൈവറ്റ് ലിമിറ്റഡ് (PVPL) രാജ്യത്ത് നെറ്റ്‌വര്‍ക്ക് ശൃംഖല വര്‍ധിപ്പിക്കുന്നു.
ഇതിന്റെ ഭാഗമായി കഴിഞ്ഞ 100 ദിവസത്തിനുള്ളില്‍ 100 പുതിയ ഡീലര്‍ഷിപ്പുകള്‍ ഇന്ത്യയിലെ നെറ്റ്‌വര്‍ക്കിലേക്ക് ചേര്‍ത്തതായി കമ്പനി പ്രഖ്യാപിച്ചു. ഇതില്‍ ഇരുചക്ര, ത്രീ-വീലര്‍ ഷോറൂമുകളും ഇലക്ട്രിക് ത്രീ-വീലറുകള്‍ക്കായി സൃഷ്ടിച്ച കമ്പനിയുടെ പ്രത്യേക കേന്ദ്രങ്ങളും ഉള്‍പ്പെടുന്നു.
നിലവില്‍, ഇന്ത്യയിലെ എല്ലാ സംസ്ഥാനങ്ങളിലും കേന്ദ്രഭരണ പ്രദേശങ്ങളിലുമായി 725-ലധികം വാഹന ഡീലര്‍ഷിപ്പുകളും 1,100-ലധികം ടച്ച് പോയിന്റുകളും ബ്രാന്‍ഡിനുണ്ട്. ഇതിനുപുറമെ വിപണന വിഭാഗത്തെ പരിപാലിക്കുന്നതിനായി വിതരണക്കാരുടെയും ചില്ലറ വ്യാപാരികളുടെയും ശക്തമായ ശൃംഖലയുമുണ്ടെന്ന് കമ്പനി പറയുന്നു.
''തങ്ങള്‍ക്ക് ധാരാളം ഉല്‍പ്പന്നങ്ങളും എഞ്ചിനുകളും ഉണ്ട്, മാത്രമല്ല ഉപഭോക്തൃ ആവശ്യങ്ങളും അനുയോജ്യതയും അടിസ്ഥാനമാക്കി ആവശ്യമായവ ഇന്ത്യയിലേക്ക് കൊണ്ടുവരാന്‍ ആഗ്രഹിക്കുന്നുവെന്ന് നെറ്റ്‌വര്‍ക്ക് വിപുലീകരണത്തെക്കുറിച്ച് അഭിപ്രായപ്പെട്ട പിയാജിയോ വെഹിക്കിള്‍സ് പ്രൈവറ്റ് ലിമിറ്റഡിന്റെ എംഡിയും സിഇഒയുമായ ഡീഗോ ഗ്രാഫി പറഞ്ഞു.
ഈ ഓഫറുകള്‍ ഉപഭോക്താക്കളിലേക്ക് കൂടുതല്‍ എത്തിക്കുന്നു എന്ന് ഉറപ്പാക്കുന്നതിന് ഞങ്ങള്‍, ഞങ്ങളുടെ പരിധി വിപുലീകരിക്കുന്നു. ഈ 100 ഡീലര്‍ഷിപ്പുകള്‍ ചേര്‍ക്കുന്നത് ഈ പദ്ധതിയുടെ ഒരു ഘട്ടമാണെന്നും അദ്ദേഹം പറഞ്ഞു.
MOST READ: ജിംനി അഞ്ച് ഡോർ പതിപ്പിന്റെ കൂടുതൽ വിശദാംശങ്ങൾ വെളിപ്പെടുത്തി മാരുതി
ഈ വര്‍ഷം, ഇരുചക്ര വാഹന വിഭാഗത്തില്‍, പിയാജിയോ ഇതിനകം തന്നെ അപ്രീലിയ SXR160 സ്‌കൂട്ടറിനെ ഇരുചക്ര വാഹന ലൈനപ്പിലേക്ക് ചേര്‍ത്തു, നിലവില്‍ ചെറിയ പതിപ്പായ SXR125 ഉം ഉടന്‍ പുറത്തിറക്കാന്‍ ഒരുങ്ങുകയാണ്.
ത്രീ-വീലര്‍ കൊമേഴ്സ്യല്‍ വെഹിക്കിള്‍ വിഭാഗത്തെ സംബന്ധിച്ചിടത്തോളം, ഈ വര്‍ഷം തുടക്കത്തില്‍, സ്ഥിരമായ ബാറ്ററികളുള്ള രണ്ട് പുതിയ ഇലക്ട്രിക് ത്രീ-വീലറുകള്‍ കമ്പനി പുറത്തിറക്കി.
MOST READ: അൽകാസർ ഏഴ് സീറ്റർ എസ്‌യുവിക്കായുള്ള അനൗദ്യോഗിക ബുക്കിംഗ് ആരംഭിച്ച് ഡീലർമാർ
ചരക്ക് വിഭാഗത്തില്‍ കമ്പനിയില്‍ നിന്നുള്ള ആദ്യത്തെ ഇലക്ട്രിക് ത്രീ വീലറായിരുന്നു ഇവയില്‍ ഒന്ന്. മഹാമാരി ഉണ്ടായിരുന്നിട്ടും, വളര്‍ന്നുവരുന്ന സാങ്കേതികവിദ്യകളില്‍ നിക്ഷേപം തുടരുകയാണെന്നും ഓരോ പാദത്തിലും പുതിയ ഉല്‍പ്പന്നങ്ങള്‍ പുറത്തിറക്കുന്നത് തുടരുകയാണെന്നും കമ്പനി കൂട്ടിച്ചേര്‍ക്കുന്നു.
'പിയാജിയോയുടെ വിപണി വിഹിതം വര്‍ദ്ധിപ്പിക്കുന്നതിലും ടൂ വീലര്‍, ത്രീ വീലര്‍ വിഭാഗങ്ങളിലെ തങ്ങളുടെ വിവിധ ബ്രാന്‍ഡുകളോട് ഉപഭോക്തൃ മുന്‍ഗണന വികസിപ്പിക്കുന്നതിലും ഞങ്ങള്‍ ശ്രദ്ധ കേന്ദ്രീകരിക്കുന്നുവെന്ന് ഗ്രാഫി കൂട്ടിച്ചേര്‍ത്തു.
കൊവിഡ് മഹാമാരിയുടെ വെല്ലുവിളികള്‍ ഈ നാളുകളില്‍ ഉണ്ടായിരുന്നിട്ടും, നെറ്റ്‌വര്‍ക്ക് ശൃംഖല വിപുലീകരിച്ചു ഇന്ത്യയിലെ വിവിധ സംസ്ഥാനങ്ങളില്‍ ഉടനീളം സാന്നിധ്യം ശക്തിപ്പെടുത്തുകയും ചെയ്യുന്നു. 2021-ന്റെ ആദ്യ പാദത്തില്‍ പിയാജിയോ ടൂ വീലര്‍ വിഭാഗത്തില്‍ 90 ശതമാനം വളര്‍ച്ച കൈവരിച്ചതായി കമ്പനി പറയുന്നു.
എന്നിരുന്നാലും, കഴിഞ്ഞ വര്‍ഷം ജനുവരി മുതല്‍ മാര്‍ച്ച് വരെയുള്ള കാലയളവില്‍ ഈ സെഗ്മെന്റിന്റെ മാന്ദ്യം, ബിഎസ് VI മാനദണ്ഡങ്ങളിലേക്കുള്ള മാറ്റം, തീര്‍ച്ചയായും ഈ പാദത്തിന്റെ അവസാനത്തില്‍ ഏര്‍പ്പെടുത്തിയ കൊറോണ വൈറസ് ലോക്ക്ഡൗണ്‍ തുടങ്ങി നിരവധി പരിമിതികളുണ്ടായിരുന്നുവെന്നും കമ്പനി അറിയിച്ചു.
