Just In
- 8 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 10 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 11 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 11 hrs ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
Don't Miss
- Movies അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ
- News കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില്
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
- Sports IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ?
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
87 ലക്ഷം രൂപ മുടക്കി വാങ്ങിയ പോര്ഷ കാറില് അക്ഷരത്തെറ്റ് — സംഭവം വൈറൽ
87 ലക്ഷം രൂപ മുടക്കി വാങ്ങിയ പോര്ഷ കയെന്. ജര്മ്മന് വശ്യസൗന്ദര്യം നിറഞ്ഞുനില്ക്കുന്നു കയെന് എസ്യുവിയെ കണ്ണുനിറയെ കണ്ടാസ്വദിക്കുംമുമ്പെ ഇടിത്തീപോലെ അക്കാര്യം ഉടമയുടെ ശ്രദ്ധയില്പ്പെട്ടു. കാറിലുള്ള പോര്ഷ എന്നെഴുത്തില് അക്ഷരത്തെറ്റ്! പോര്ഷെയ്ക്കു സംഭവിച്ച 'കൈപ്പിഴ' ഇന്റര്നെറ്റില് വൈറലാവുകയാണ്.
ഓസ്ട്രേലിയയിലാണ് സംഭവം. മെല്ബണ് നഗരത്തില് സിഗ്നല് കാത്തുകിടക്കവെ കയെന് പിന്നില് സഞ്ചരിച്ച വാഹനത്തിലെ ഡ്രൈവറാണ് പോര്ഷയിലെ അക്ഷരത്തെറ്റ് ആദ്യം കണ്ടുപിടിച്ചത്.
Most Read: ഒരുലക്ഷത്തിന്റെ ട്രെയിന് ഹോണ് ഘടിപ്പിച്ച് ഥാര് ഉടമ
മുന്നില് നിര്ത്തിയിട്ട കയെന് പിറകില് ഡ്രൈവര് കണ്ടത് 'Porshce' എന്ന കമ്പനി പേര്. തനിക്കു തെറ്റിയതാകാം. 'Porsche' എന്നല്ലേ വേണ്ടതെന്നു കൗതുകം തോന്നി സൂക്ഷിച്ചു നോക്കിയപ്പോഴാണ് അക്ഷരത്തെറ്റു ശ്രദ്ധയില്പ്പെട്ടത്.
പിന്നെ വൈകിയില്ല, ജര്മ്മന് ആഢംബര സ്പോര്ട്സ് കാര് നിര്മ്മാതാക്കളുടെ കൈപ്പിഴ കൈയ്യോടെ തന്നെ ഇദ്ദേഹം സമൂഹമാധ്യമങ്ങളില് പങ്കുവെച്ചു. അക്ഷരത്തെറ്റുള്ള പോര്ഷ കയെന്റെ ചിത്രം ഇന്റര്നെറ്റില് പ്രചാരം നേടാന് ഏറെ സമയം വേണ്ടിവന്നില്ല.
ലോകത്തിന്റെ നാനാഭാഗത്തുനിന്നും പോര്ഷയ്ക്ക് എതിരെ രൂക്ഷവിമര്ശനവുമായെത്തി. കമ്പനിയുടെ പേരില് അക്ഷരപിശകു കയറിക്കൂടിയത് ഒരുവിധത്തിലും ന്യായീകരിക്കാന് കഴിയില്ലെന്നു വാഹന പ്രേമികള് ഒറ്റക്കെട്ടായി അഭിപ്രായപ്പെടുകയാണ്.
എന്തായാലും ചിത്രം കമ്പനിയുടെ പ്രതിച്ഛായയ്ക്ക് മങ്ങലേല്പ്പിക്കുമെന്നു കണ്ടപക്ഷം പ്രതികരണവുമായി പോര്ഷ ഓസ്ട്രേലിയ എത്തി. തെറ്റു തങ്ങളുടെ ഭാഗത്തു നിന്നല്ലെന്നു പോര്ഷ വ്യക്തമാക്കി.
Most Read: ധീരജവാന്മാര്ക്ക് ആദരമര്പ്പിച്ച് ഒരു 'മാരുതി 800 ബൈക്ക്'
ബാഡ്ജില് നിര്മ്മാണപ്പിഴവു സംഭവിച്ചിട്ടില്ല. കണിശമായ പരിശോധനകള്ക്കു ശേഷമാണ് ഓരോ പോര്ഷ കാറും വിപണിയില് പുറത്തിറങ്ങുന്നത്. ബാഡ്ജില് ഇത്തരമൊരു തെറ്റു കയറിക്കൂടുക അസംഭവ്യമെന്നു തന്നെ പോര്ഷ വിലയിരുത്തുന്നു.
ജര്മ്മന് ശാലയില് ബാഡ്ജിംഗ് മുഴുവന് കൃത്യമാണോയെന്നു പരിശോധിക്കാന് പ്രത്യേക സംഘം തന്നെ തങ്ങള്ക്കുണ്ട്. കാര് കൈമാറുന്നതിന് മുമ്പ് ഡീലര്ഷിപ്പുകളും മോഡല് സൂക്ഷ്മമായി പരിശോധിക്കും. തെറ്റുകളും കുറവുകളുമില്ലെന്നു ഉറപ്പുവരുത്തിയതിന് ശേഷം മാത്രമെ ഓരോ പോര്ഷ കാറും ഉപഭോക്താവില് എത്തുന്നുള്ളൂവെന്ന് പോര്ഷ സംഭവത്തിന്റെ പശ്ചാത്തലത്തില് പ്രതികരിച്ചു.
ചിത്രത്തില് കാണുന്ന കയെന് പഴയ മോഡലാണെന്നും അതുകൊണ്ടു കാറിലെ അക്ഷരത്തെറ്റിനെ കുറിച്ചു അദ്ദേഹം പൂര്ണ്ണ ബോധവാനായിരിക്കുമെന്നും കമ്പനി കൂട്ടിച്ചേര്ത്തു. എന്തായാലും പോര്ഷയ്ക്ക് സംഭവിച്ച കൈപ്പിഴ വാഹനലോകത്തു ശ്രദ്ധനേടിക്കഴിഞ്ഞു.
ഇനി പോര്ഷ വാങ്ങുന്നവര്, അക്ഷരങ്ങള് കൂടി പരിശോധിച്ചു ഉറപ്പുവരുത്തണമെന്നു സമൂഹമാധ്യമങ്ങളില് അഭിപ്രായങ്ങള് ഉയരുകയാണ്. നിലവിലെ കയെന് ഉടമകള്, തങ്ങളുടെ കാറിന്റെ 'സ്പെല്ലിങ്' പരിശോധിക്കുന്നത് ഉത്തമമായിരിക്കുമെന്നും കമന്റുകളുണ്ട്.