ഫോഗ് പ്രശ്‌നമാവുന്നുണ്ടോ? വിൻഡ്‌ഷീൽഡ് എങ്ങനെ കൃത്യമായി ഡീഫോഗ് ചെയ്യാം

മഴയത്ത് കാറിലെ യാത്രകൾ ഇഷ്‌ടപ്പെടുന്നവരായിരിക്കാം നമ്മളിൽ പലരും. എന്നാൽ മഴയത്ത് കാറിന്റെ വിൻഡ്‌ഷീൽഡിൽ ഫോഗ് പിടിക്കുന്നത് പലപ്പോഴും ഡ്രൈവറുടെ കാഴ്ച്ച മറക്കാറുള്ള കാര്യമാണ്. എന്തുകൊണ്ടാണ് ഇങ്ങനെ സംഭവിക്കുന്നതെന്ന് പലരും അപ്പോൾ ചിന്തിക്കാറുള്ള കാര്യമല്ലേ?

പുതിയ കാറുകളിൽ ഇതൊന്നും ഒരു പ്രശ്‌നമേയല്ലെങ്കിലും അൽപം പഴയ കാർ ഉപയോഗിക്കുന്നവർക്ക് ഇക്കാര്യം വിൻഡ്‌ഷീൽഡിൽ ഫോഗ് പിടിക്കുന്നത് ചിലപ്പോഴെങ്കിലും ബുദ്ധിമുട്ടുണ്ടാക്കാറുണ്ട് അല്ലേ. മഴക്കാലത്തും മഞ്ഞുകാലത്തും കാറിന്റെ വിൻഡ്‌ഷീൽഡിന് മൂടൽമഞ്ഞ് ഉണ്ടാകുന്നത് വളരെ സാധാരണമാണ്.

image for representation purposes only

ഫോഗ് പിടിച്ച വിൻഡ്‌ഷീൽഡിൽ നിന്ന് പുറത്തേക്കുള്ള കാഴ്ച്ച പ്രശ്‌നകരമാണ്. ഇത് അരോചകമാണെന്നതു കൂടാതെ ഡ്രൈവറുടെ കാഴ്ച്ച തടസപ്പെടുത്തുന്നതിനാൽ സുരക്ഷയെയും ഇത് ബാധിക്കുന്നു. കാറിന്റെ അകത്തും പുറത്തുമുള്ള ഈർപ്പവും താപനിലയും തമ്മിലുള്ള വ്യത്യാസമാണ് വിൻഡ്ഷീൽഡിലെ ഫോഗിംഗിന് കാരണമാകുന്നത്. തണുത്ത ഗ്ലാസിന് പുറമേ, ആന്തരിക താപനിലയുമായുള്ള ബാഹ്യ സമ്പർക്കവും വിൻഡ്ഷീൽഡിൽ ഫോഗിംഗിന് കാരണമാകുന്നു. കാറിന്റെ വിൻഡ്‌ഷീൽഡുമായി ബാഹ്യ വായു സമ്പർക്കം പുലർത്തുമ്പോഴെല്ലാം, അത് നീരാവി പുറപ്പെടുവിക്കുകയും ഘനീഭവിക്കുകയും ചെയ്യുന്നു.

കാറിനുള്ളിലെ എസി ഓണാണെങ്കിൽ ക്യാബിനും പുറത്തെ താപനിലയും തമ്മിലുള്ള വ്യത്യാസം വിശാലമാവുകയും ഫോഗിംഗ് ശക്തമാവുകയും ചെയ്യും എന്നതും ഓർമിക്കേണം. എന്നാൽ വിൻഷീൽഡിൽ ഫോഗ് പിടിക്കുന്നത് കാർ എസി ഉപയോഗിച്ച് പരിഹരിക്കാവുന്നതാണ്. ഇൻ-കാർ എസിയും മറ്റ് രീതികളും ഉപയോഗിച്ച് നിങ്ങളുടെ കാറിന്റെ വിൻഡ്‌ഷീൽഡ് ഡിഫോഗ് ചെയ്യാൻ പിന്തുടരേണ്ട ചില ലളിതമായ കാര്യങ്ങൾ പറഞ്ഞു തരാം.

എസി ടെംപ്രേച്ചർ വർധിപ്പിക്കുക

കാറിന്റെ ക്യാബിനിനുള്ളിലെ എസി താപനില വർധിപ്പിക്കുന്നത് വിൻഡ്ഷീൽഡ് ഡിഫോഗ് ചെയ്യാനുള്ള ഒരു മാർഗമാണ്. ഇത് ക്യാബിനിനുള്ളിൽ ചൂട് വായു വീശുകയും വിൻഡ്ഷീൽഡിൽ തട്ടുകയും താപനില ഉയർത്തുകയും ചെയ്യുന്നു. കാറിന്റെ ഹീറ്ററും വിൻഡ്‌ഷീൽഡിന്റെ അടിഭാഗത്തുള്ള വെന്റുകളും ഉപയോഗിച്ച് ഇത് ചെയ്യാൻ കഴിയും. ഈർപ്പമുള്ള കാലാവസ്ഥയിൽ, പ്രത്യേകിച്ച് മഴക്കാലത്ത് പുറത്തെ ഗ്ലാസ് ഘനീഭവിക്കുന്നത് തടയുന്ന തിനുള്ള ഒരു മികച്ച രീതിയാണിത്.

ഒരു വിൻഡോ അൽപനേരം തുറന്നിടാം

പുറത്തെ ഈർപ്പം കാറിന്റെ ക്യാബിനേക്കാൾ കുറവാണെങ്കിൽ അതിനർഥം ഉള്ളിലുള്ള യാത്രക്കാർ അധിക വെള്ളവും ഈർപ്പവും പുറത്തുവിടുന്നു എന്നാണ്. ഇത് ഒടുവിൽ ക്യാബിനിനുള്ളിലെ ജലത്തിന്റെ അളവ് വർധിപ്പിക്കുന്നു. ഒന്നോ അതിലധികമോ കാറിന്റെ വിൻഡോകൾ അൽപ്പനേരം തുറന്ന് ഇത് കുറയ്ക്കാം. ഇങ്ങനെ ചെയ്യുന്നത് കാറിനുള്ളിൽ സ്വതന്ത്രമായി വായു സഞ്ചാരം സാധ്യമാക്കും. ഇത് കാർ ക്യാബിനിനുള്ളിലെ ഫോഗ് പോയിന്റ് പെട്ടെന്ന് കുറയ്ക്കുകയും വിൻഡ്ഷീൽഡിലെ ഫോഗ് ഇല്ലാതാകുകയും ചെയ്യും.

ഡീഹ്യൂമിഡിഫയറായി എസി ഉപയോഗിക്കുക

കാർ ക്യാബിനിനുള്ളിലെ എസി ഡീഹ്യൂമിഡിഫയറായി ഉപയോഗിക്കാം. ആധുനിക കാറുകളിൽ ഭൂരിഭാഗവും ക്ലൈമറ്റ് കൺട്രോളറോടെയാണ് വരുന്നത്. ഡിഫ്രോസ്റ്റ് ക്രമീകരണങ്ങളിലേക്ക് മാറുമ്പോൾ എസി സിസ്റ്റങ്ങളെ സ്വയമേവ ഓണാക്കാൻ ഇത് അനുവദിക്കുന്നു. ക്യാബിനിനുള്ളിൽ ചൂട് വായു വേണമെങ്കിൽ എസി ആദ്യം ഉള്ളിലെ വായുവിനെ ഈർപ്പരഹിതമാക്കും. തുടർന്ന് ഹീറ്ററിൽ നിന്നുള്ള ചൂട് വായു ബ്ലോചെയ്യുകയും ചെയ്യും. എസി ഓൺ ചെയ്‌ത് കൂളിംഗ് മോഡിൽ സജ്ജമാക്കുകയാണെങ്കിൽ, വിൻഡ്‌ഷീൽഡിലെ തണുത്ത വായുപ്രയോഗം സാവധാനത്തിലുള്ള ഈർപ്പം ഇല്ലാതാക്കുന്നതിന് കാരണമാകും.തണുത്തവായുവിന് ചൂടുള്ള വായുവിന്റെ അത്രയും വെള്ളം ഉൾക്കൊള്ളാൻ കഴിയില്ല എന്നതിനാലാണിത്.

എഞ്ചിൻ ട്രെംപ്രേച്ചർ ഉപയോഗിക്കുക

എഞ്ചിൻ താപനില ഏകദേശം 90 ഡിഗ്രി സെൽഷ്യസാണെന്ന് ഉറപ്പാക്കുക. ഇതുകാറിന്റെ വിൻഡ്ഷീൽഡ് വേഗത്തിലും കൃത്യമായും ഡിഫോഗ് ചെയ്യാൻ അനുവദിക്കും. എഞ്ചിൻ താപനിലയുമായി ചേർന്ന്, എയർകണ്ടീഷനിംഗ് സിസ്റ്റത്തിന് വിൻഡ്‌സ്‌ക്രീൻ ഡീഫോഗ് ചെയ്യുന്നത് എളുപ്പമാകും. വിൻഡ്‌ഷീൽഡിൽ നിന്ന് ഫോഗ് കൈകൊണ്ട് തുടയ്ക്കുന്നില്ലെന്നും ഉറപ്പാക്കേണ്ടതുണ്ട്. കാരണം ഇതുഗ്ലാസ് വൃത്തികേടാവാനെ കാരണമാവൂ.