Just In
- 8 min ago സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ
- 1 hr ago വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം
- 1 hr ago 10 പേര്ക്ക് സുഖമായി പോകാം, കിലോമീറ്ററിന് ചെലവ് വെറും 3.5 രൂപ! 'മാജിക്' തുടരാന് ടാറ്റ വാന്
- 2 hrs ago ഹൈലക്സിനെ ആണിയടിച്ച് ചുവരിൽ തൂക്കുമോ ഇസൂസു? 2024 V -ക്രോസിന്റെ പുത്തൻ വിശദാംശങ്ങൾ പുറത്ത്
Don't Miss
- Sports IPL 2024: ഇന്ത്യക്ക് വേണ്ട, പക്ഷെ സഞ്ജുവിന്റെ തുറുപ്പു ചീട്ട്! തന്റെ തന്ത്രം വെളിപ്പെടുത്തി സന്ദീപ്
- Lifestyle ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും
- Movies ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി
- News പൊന്നാനിയില് കളിവിട്ട് കാര്യത്തിലേക്ക്; അടിയൊഴുക്കുകള്ക്ക് ശ്രമം, പറഞ്ഞതില് മാറ്റമില്ലെന്ന് ജിഫ്രി തങ്ങള്
- Finance മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..?
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
അധികമാരും അറിയാതിരുന്ന പെർഫെക്ട് സ്മോൾ കാർ; മാരുതി സുസുക്കി സെലേറിയോ ഡീസൽ
മാരുതി സുസുക്കി ഡീസൽ കാറുകളോട് ബൈ പറഞ്ഞതു മുതൽ ബജറ്റ് കാർ സെഗ്മെന്റിലെ ഉപഭോക്താക്കളെല്ലാം സിഎൻജിയിലേക്കും പെട്രോൾ കാറുകളിലേക്കുമെല്ലാം ചേക്കേറി. എങ്കിലും ഇന്നും ഡീസൽ സ്വിഫ്റ്റിനും റിറ്റ്സിനുമെല്ലാം യൂസ്ഡ് കാർ വിപണിയിൽ വൻ ഡിമാന്റാണുള്ളത്.
അതിനിടിയിൽ വിപണിയിലെത്തി അധിക കാലം അരങ്ങുവാഴാത്ത ഒരു കുഞ്ഞു മിടുക്കൻ ഡീസൽ കാർ കൂടി ഇന്ത്യയിൽ മാരുതിക്കുണ്ടായിരുന്നു. ഇന്ത്യൻ വിപണിയിൽ 2015-ൽ മാരുതി സുസുക്കി തങ്ങളുടെ ഏറ്റവും പ്രതീക്ഷയോടെ കാത്തിരുന്ന സെലേറിയോ ഡീസൽ ഹാച്ച്ബാക്ക് പുറത്തിറക്കിയിരുന്നു.
കമ്പനിയുടെ 63 വർഷത്തെ ചരിത്രത്തിൽ സുസുക്കി ആദ്യമായി സ്വന്തമായി വികസിപ്പിച്ചെടുത്ത ഡീസൽ എഞ്ചിനാണ് ഈ സെലേറിയോയിൽ ഉപയോഗിച്ചിരുന്നത് എന്നതാണ് ഏറ്റവും വലിയ പ്രത്യേകത. അതുവരെ സ്വിഫ്റ്റിലും റിറ്റ്സിലുമെല്ലാം ഫിയറ്റിൽ നിന്നുള്ള ഡീസൽ എഞ്ചിനുകളെയാണ് മാരുതി ആശ്രയിച്ചിരുന്നത്.
സെലേറിയോയിൽ ആ പാരമ്പര്യം മാറ്റാൻ മാരുതി തീരുമാനിച്ചത് വളരെ സ്വീകാര്യമായ നടപടിയായാണ് വിപണി അതിനെ കണ്ടത്. സുസുക്കിയുടെ 793 സിസി രണ്ട് സിലിണ്ടർ ഡീസൽ എഞ്ചിനാണ് കോംപാക്ട് ഹാച്ച്ബാക്കിലേക്ക് എത്തിയത്. ഇത് പരമാവധി 47 bhp കരുത്തിൽ 125 Nm torque വരെ ഉത്പാദിപ്പിക്കാൻ വരെ ശേഷിയുള്ളതായിരുന്നു.
എന്നിരുന്നാലും ഈ പവർ, ടോർക്ക് കണക്കുകൾ വലിയ വിൽപ്പന സംഖ്യ കൊണ്ടുവരാൻ പ്രാപ്തമല്ലായിരുന്നിങ്കിലും പകരം വാങ്ങുന്നവരെ ആകർഷിക്കാൻ ബ്രാൻഡ് സെലേറിയോ ഡീസലിന്റെ അതിശയകരമായ മൈലേജ് കണക്കുകൾ മുന്നോട്ടുവെച്ചു. ARAI പരീക്ഷിച്ച 27.62 കിലോമീറ്റർ ഇന്ധനക്ഷമതയാണ് മാരുതി സുസുക്കി സെലേറിയോയിൽ പ്രഖ്യാപിച്ചത്.
എന്നാൽ ഈ എഞ്ചിന്റെ പെർഫോമൻസ് കണക്കുകൾ പലരെയും ആശങ്കപ്പെടുത്തുന്നതായതിനാൽ ജനഹൃദയങ്ങളിലേക്ക് ചേക്കേറാൻ സെലേറിയോ ഡീസലിന് സാധിക്കാതെ പോയി. 100 കിലോമീറ്റർ വേഗത കൈവരിക്കാൻ ഹാച്ച്ബാക്കിന് നീണ്ട സമയം വേണ്ടി വന്നു. പവർ ബാൻഡ് കണ്ടെത്താൻ നിരന്തരം ഗിയർഷിഫ്റ്റുകളും വേണ്ടിവന്നു.
സെലേറിയോ ഡീസലിന് ഏകദേശം 900 കിലോഗ്രാം ഭാരമായിരുന്നു ഉണ്ടായിരുന്നത്. ആയതിനാൽ ഓവർടേക്കിംഗിൽ ഇവനൊരു പാവമായിരുന്നുവെന്നു വേണം പറയാൻ. എങ്കിലും 5 സ്പീഡ് മാനുവൽ ഗിയർബോക്സുമായി ജോടിയാക്കിയ ഡീസൽ സെലേറിയോ മാരുതിയിൽ നിന്നും തന്നെയുള്ള സ്വിഫ്റ്റ് ഡിസയർ ഫെയ്സ്ലിഫ്റ്റിനെ പിന്തള്ളി ഇന്ത്യയിലെ ഏറ്റവും ഇന്ധനക്ഷമതയുള്ള കാറായി മാറി.
പെട്രോൾ സെലേറിയോയെ അപേക്ഷിച്ച് നോക്കിയാൽ ഡീസൽ വകഭേദത്തിന് കാര്യമായ ഒരു ഡിസൈൻ മാറ്റവും ഉണ്ടായിരുന്നില്ല. അകത്തളങ്ങളിലും മാറ്റങ്ങളൊന്നും തന്നെയില്ലായിരുന്നുവെന്നു വേണം പറയാൻ. ഡീസൽ വേരിയന്റുകളിൽ പെട്രോൾ പതിപ്പുകളുടേതിനു സമാനമായ സവിശേഷതകളും മുന്നോട്ടു കൊണ്ടുപോയി.
ഫ്രണ്ട് പാസഞ്ചർ എയർബാഗും എബിഎസും ചേർക്കുന്ന സുരക്ഷാ സവിശേഷതയും ഹാച്ചിന്റെ ZDi വേരിയന്റിൽ കമ്പനി അവതരിപ്പിച്ചു. വിശ്വസനീയവും പ്രായോഗികവും ഒതുക്കമുള്ളതും ഇന്റീരിയർ സ്പേസും ഉള്ള കാറുകൾ നിർമിക്കുന്ന മാരുതി സുസുക്കിയുടെ മോഡസ് പ്രവർത്തനരീതിയാണ് പുതിയ സെലേറിയോ കോംപാക്ട് ഹാച്ച്ബാക്കും പിന്തുടരുന്നത്.
മാരുതി സുസുക്കി ഈ കാറിന്റെ രൂപകൽപ്പനയും വൃത്തിയായും സൂക്ഷിച്ചിട്ടുണ്ട്. പുറത്തു നിന്നു നോക്കിയാൽ മുമ്പുപറഞ്ഞതു പോലെ അടിമുടി പെട്രോൾ പതിപ്പാണെന്നു തോന്നും ഡീസൽ സെലേറിയോയുടെ ഡിസൈൻ കണ്ടാൽ. DDis ബാഡ്ജ് ഒഴികെ മറ്റ് പരിഷ്ക്കാരങ്ങളോ മാറ്റങ്ങളോ വാഹനത്തിൽ കണ്ടെത്താനാവുമായിരുന്നില്ല.
സാധാരണ പെട്രോൾ അല്ലെങ്കിൽ സിഎൻജി സെലേറിയോയ്ക്ക് സമാനമായ ബമ്പർ-ടു-ബമ്പർ കാഴ്ച്ചയാണ് വാഹനം ഒരുക്കിയത്. ടയറും റിമ്മും പോലും കൃത്യമായി സമാനമാണ്. നിർഭാഗ്യവശാൽ കുറഞ്ഞ വിൽപ്പന സംഖ്യകൾ മാത്രമാണ് ഈ ഓയിൽ ബർണർ കാറിന് കണ്ടെത്താനായത്. വിപണിയിൽ എത്തി ഒരു വർഷം കൊണ്ട് മാരുതി സുസുക്കി ഡീസൽ സെലേറിയോയുടെ വിൽപ്പന അവസാനിപ്പിക്കുകയും ചെയ്തു.
പെട്രോൾ പതിപ്പുകളേക്കാൾ അൽപം ഉയർന്ന വിലയും പവർ ഇല്ലായ്മയും സെലേറിയോയുടെ പരാജയത്തിന് കാരണമായി. ഡീസലിനെ അപേക്ഷിച്ച് പോക്കറ്റു കാലിയാക്കാതെ തന്നെ കുറഞ്ഞ മുതൽ മുടക്കിൽ ആളുകൾ പെട്രോൾ വേരിയന്റിനെ ആളുകൾ ഇഷ്ടപ്പെടുകയും ചെയ്തു.