പിൻസീറ്റിൽ ഇത്രയും യാത്രാസുഖം നൽകുന്ന കാറുകൾ വേറെയില്ല! പരിചയപ്പെടാം ഈ മിടുക്കരെ

കാറുകളിൽ യാത്ര ചെയ്യുക എന്നത് ഏവർക്കും സന്തോഷം നൽകുന്നൊരു കാര്യമാണല്ലേ... കൂടുതൽ ആളുകൾ ഒരുമിച്ച് യാത്ര ചെയ്യുക എന്നത് എപ്പോഴും രസകരമായൊരു അനുഭവമാണ് സമ്മാനിക്കുന്നത്. ഇത്തരം യാത്രകളിൽ എല്ലാവരുടേയും സുഖസൗകര്യങ്ങളും ഒരേപോലെയാവേണ്ടത് അത്യാവിശ്യമായൊരു കാര്യമാണ്. മുൻസീറ്റിലെ കംഫർട്ട് ഒട്ടുമിക്ക കാറുകളിൽ ഒരേപോലെ ആണെങ്കിലും പിൻസീറ്റിലെ കാര്യം അങ്ങനെയല്ല.

പലരും ഡ്രൈവർമാരെ വെച്ച് വാഹനം ഓടിച്ച് പിന്നിൽ ഇരുന്ന് യാത്രകൾ ചെയ്യാനാണ് ആഗ്രഹിക്കുന്നത്. ഡ്രൈവിംഗ് ഹരമാക്കിവരുടെ കാര്യമല്ല കേട്ടോ പറയുന്നത്. ഇന്ത്യയിൽ ഏറ്റവും മികച്ച പിൻസീറ്റ് അനുഭവം നൽകുന്ന മോഡലുകൾ വളരെ വിരളമാണെന്നു വേണം പറയാൻ. എന്നാൽ മുൻസീറ്റിലേക്കാൾ സുഖവും ആഡംബരവും തരുന്ന കാറുകൾ വിപണിയിൽ ഉണ്ടെന്ന കാര്യവും മറക്കേണ്ട. എന്നാൽ അത്തരം മോഡലുകളെ പലർക്കും പരിചിതമല്ല. പിൻസീറ്റ് യാത്രയുടെ കാര്യത്തിൽ ഞങ്ങൾക്ക് ഏറ്റവും മികച്ചതായി തേന്നിയ ചില കിടിലൻ പ്രീമിയം കാറുകളെ നമുക്ക് ഒന്നു പരിചയപ്പെട്ടാലോ?

ഫോക്‌സ്‌വാഗൺ ടിഗുവാൻ

കാഴ്ച്ചയിൽ മാത്രമല്ല മികച്ച പിൻസീറ്റ് യാത്രയുടെ കാര്യത്തിലും ഒരേപോലെ ആഡംബരത്തം നൽകുന്നൊരു കാറാണ് ഫോക്‌സ്‌വാഗൺ ടിഗുവാൻ. പിൻ സീറ്റുകൾ ഉൾപ്പെടെ ക്യാബിന്റെ എല്ലാ മേഖലകളിലും ഇത് വിശാലവും ആഡംബരവുമാണ്. വലിയ ട്രേകൾക്ക് അഞ്ച് ആളുകളെ വരെ സുഖപ്രദമായി ഉൾക്കൊള്ളാൻ കഴിയും. കൂടാതെ ദീർഘദൂര യാത്രയിൽ ഭക്ഷണത്തിനോ പാനീയം സൂക്ഷിക്കാനോ മതിയായ സ്റ്റോറേജ് സ്പേസും വാഹനം നൽകുന്നുണ്ട്.

അതുപോലെ തന്നെ ടുഗുവാന്റെ മുൻവശത്തെ സീറ്റുകളും രൂപകൽപ്പന ചെയ്‌തിരിക്കുന്നത് സുഖസൗകര്യങ്ങൾ കണക്കിലെടുത്താണ്. മണിക്കൂറുകളോളമുള്ള യാത്രയിൽ മുന്നിലും പിന്നിലും ഒരേ അനുഭവം നൽകുമെന്ന് സാരം. എസ്‌യുവിയിലെ സീറ്റുകൾ നിങ്ങൾക്ക് പിന്തുണ നൽകുന്നതായി തോന്നും. അവയുടെ ഭദ്രമായ രൂപകൽപനയും ഡ്രൈവർ സൈഡ് ബേസ് സപ്പോർട്ട് ബാറിലെ കട്ടിയുള്ള പാഡിംഗും കാരണം നഗരത്തിലോ ഹൈവേകളിലോ യാതൊരു പ്രശ്‌നവുമില്ലാതെ വാഹനമോടിക്കുമ്പോൾ നിങ്ങളുടെ പിൻഭാഗം ശരിയായി ക്രമീകരിക്കാനും സഹായിക്കുന്നു.

ജാഗ്വർ XJ

XJ വളരെയധികം സ്പേസുള്ള ഒരു വലിയ കാറാണെന്ന് പുറംകാഴ്ച്ചയിൽ തന്നെ മനസിലാവും. കൂടാതെ ഇതിന് മികച്ച പിൻസീറ്റ് അനുഭവവും ലഭിച്ചതാണ് ഹൈലൈറ്റ്. മുൻ സീറ്റുകൾ ആവശ്യത്തിന് സുഖകരമാണ്. എന്നാൽ പിൻസീറ്റിൽ വിശാലമായ ലെഗ് റൂമാണ് യാത്രക്കാർക്ക് ആസ്വദിക്കാനാവുന്നത്. അതോടൊപ്പം പിന്നിലിരിക്കുന്നവർക്കായി ചില അധിക ഫീച്ചറുകളും ജാഗ്വർ വാഹനത്തിൽ ഒരുക്കിയിട്ടുണ്ട്. അതിൽ സീറ്റ് മസാജറുകൾ പോലുള്ള കിടിലൻ സവിശേഷതകളാണ് ഈ ലക്ഷ്വറി സെഡാനിൽ ലഭ്യമാവുക.

തീരുന്നില്ല, കപ്പ്‌ ഹോൾഡറുകളിൽ ധാരാളം സ്ഥലമുണ്ട്. അതിനാൽ നിങ്ങൾ ദീർഘദൂര യാത്രകൾക്ക് പോകുകയാണെങ്കിൽ ലഘുഭക്ഷണങ്ങൾ കയ്യിൽ സൂക്ഷിക്കാനാവും. ഹെഡ്‌റെസ്റ്റുകൾക്ക് പിന്നിൽ സൺഗ്ലാസുകൾ അല്ലെങ്കിൽ ഫോൺ ചാർജർ പോലുള്ളവ സ്ഥാപിക്കാൻ പോലും ഇടം ജാഗ്വർ XJ ആഡംബര സെഡാനിൽ ഒരുക്കിയിട്ടുണ്ട്. എന്നാൽ ഇപ്പോൾ കാർ നിർത്തലാക്കിയെങ്കിലും യൂസ്ഡ് കാർ വിപണിയിൽ മിതമായ നിരക്കിൽ ഈ അത്ഭുതകരമായ കാർ നിങ്ങൾക്ക് വാങ്ങാനാവും കേട്ടോ. എന്നാൽ ഒരു മോഡൽ കണ്ടെത്തുക അത്ര എളുപ്പമാവില്ലെന്നു മാത്രം.

കിയ കാർണിവൽ

കാഴ്ച്ചയിൽ തന്നെ കിട്ടുന്ന ആഡംബര ഫീലാണ് കിയ കാർണിവലിൽ യാത്ര ചെയ്യുമ്പോഴും കിട്ടുന്നത്. വിശാലമായ ക്യാബിനും മികച്ച ലെഗ് റൂമും വാഗ്ദാനം ചെയ്യുന്ന ഇതിൽ യാത്രക്കാർക്ക് അധിക സൗകര്യം നൽകുന്നതിനായി പിൻസീറ്റിൽ റിക്ലൈനിംഗ് ഫീച്ചറും നൽകുന്നുണ്ട്. കൂടാതെ, ദീർഘദൂര യാത്രകളിൽ സുഖമായിരിക്കാൻ സഹായിക്കുന്ന ക്രമീകരിക്കാവുന്ന ലംബർ സപ്പോർട്ട് സിസ്റ്റവും എംപിവിയിലുണ്ട്. കാറിന്റെ ക്യാബിൻ വിശാലവും എല്ലാ യാത്രക്കാർക്കും സൗകര്യപ്രദവുമാണ്. പൂർണമായി ക്രമീകരിക്കാവുന്ന ഡ്രൈവർ സീറ്റ് ഇതിലുണ്ടെന്നതാണ് മറ്റൊരു പ്രത്യേകത. അത് പരമാവധി സൗകര്യങ്ങൾ നൽകുന്നതിന് എല്ലാ ദിശകളിലേക്കും നീക്കാൻ കഴിയും.

സ്കോഡ ഒക്‌ടാവിയ

വിശാലമായ ഇന്റീരിയർ ഉള്ള ഒരു കാറാണ് നിങ്ങൾ തിരയുന്നതെങ്കിൽ സ്കോഡ ഒക്ടാവിയ മികച്ച ഓപ്ഷനുകളിലൊന്നാണ്. ധാരാളം ലെഗ്‌റൂമും സ്ഥലവും ഉള്ള വലിയ കാറാണിതെന്ന് പുറത്തുനിന്നു നോക്കിയാൽ തന്നെ പിടികിട്ടും. രണ്ട് നിര സീറ്റുകളിലും മസാജ് ഓപ്‌ഷനുകളുണ്ട്. നിങ്ങൾ കാറിൽ എത്ര സമയം ചെലവഴിക്കാൻ ആഗ്രഹിക്കുന്നു എന്നതിനെ ആശ്രയിച്ച് അവ ഓണാക്കാനോ ഓഫാക്കാനോ കഴിയും. ഒരു എസ്‌യുവിയേക്കാളും മിനിവാനേക്കാളും കൂടുതൽ സ്‌പോർട്ടി ലുക്ക് ഉള്ള എന്തെങ്കിലും തിരഞ്ഞെടുക്കുകയാണെങ്കിൽ ഈ വാഹനം തന്നെയാണ് സ്വന്തമാക്കേണ്ടത്. വളരെ എയറോഡൈനാമിക് ബോഡി ഉള്ളതിനാൽ പെർഫോമൻസിന്റെ കാര്യത്തിൽ ഒരു ആശങ്കയും വേണ്ട.

ബിഎംഡബ്ല്യു 7 സീരീസ്

പിൻസീറ്റിന്റെ കാര്യത്തിൽ ഏറ്റവും സുഖകരമായ യാത്ര വാഗ്‌ദാനം ചെയ്യുന്ന മറ്റൊരു കാറാണ് ബിഎംഡബ്ല്യു 7 സീരീസ്. ഇതിന് ധാരാളം ലെഗ്‌റൂം ഉണ്ടെന്നതിനാൽ 5 പേർക്ക് വരെ അനായാസം കാലുംനീട്ടിയിരുന്ന് യാത്ര ചെയ്യാനാവും. ദീർഘദൂര യാത്രയ്ക്ക് ശേഷം വിശ്രമിക്കാൻ സഹായിക്കുന്ന മസാജ് ഫീച്ചറുകളാൽ നിറഞ്ഞതാണ് സീറ്റുകൾ. നിങ്ങളുടെ കാറിന്റെ ഉള്ളിൽ എത്ര ചൂടും തണുപ്പും ലഭിക്കുന്നു എന്നതിനെ ആശ്രയിച്ച് ക്രമീകരിക്കാൻ കഴിയുന്ന കൂൾ എയർ വെന്റുകൾ കാറിലുണ്ട്. കൂടാതെ USB പോർട്ടുകളും ബിൽറ്റ്-ഇൻ സ്പീക്കറുകളും ഉള്ള ഒരു വലിയ ട്രേ ടേബിൾ ഉൾപ്പെടെയുള്ള വിനോദ സംവിധാനവും ഉണ്ടെന്നതിനാൽ തികച്ചും ആഡംബര പൂർണമായ യാത്രയാണ് 7 സീരീസ് നൽകുന്നത്.