കള്ളത്താക്കോലിട്ടാലും പണിയൊന്നും നടക്കില്ല! എന്താണ് എഞ്ചിൻ ഇമോബിലൈസർ എന്നറിയാം

ഏതൊരു വ്യക്തിക്കും ഏറ്റവും വിലപ്പെട്ട വസ്തുവാണ് അവരുടെ വാഹനങ്ങൾ. മോഷണത്തിൽ നിന്നും കേടുപാടുകളിൽ നിന്നും ഇവയെ സംരക്ഷിക്കാൻ നമ്മൾ ഓരോരുത്തരും പരമാവധി ശ്രമിക്കുന്നതിന്റെ കാരണവും ഇതു തന്നെയാണല്ലേ... ഡാഷ് ക്യാമുകൾ മുതൽ ഗിയർ ലോക്കുകൾ വരെ പ്രിയപ്പെട്ട വാഹനത്തിന്റെ സുരക്ഷ ഉറപ്പാക്കുന്നതിനായി നാം ഉപയോഗിക്കാറുമുണ്ട്.

ആയതിനാൽ ഇവയൊന്നും വാഹന ഉടമകൾക്ക് ഒരിക്കലും അവഗണിക്കാനാകാത്ത ഒന്നാണ്. ആധുനിക വാഹനങ്ങളിലെ സുരക്ഷയുടെ പ്രധാന ഘടകമെന്ന നിലയിൽ സുരക്ഷയുടെ ഏറ്റവും അവിഭാജ്യ ഘടകങ്ങളിലൊന്നാണ് എഞ്ചിൻ ഇമോബിലൈസർ. അതിനാൽ ഒരു എഞ്ചിൻ ഇമേബിലൈസറിനെ കുറിച്ച് നിങ്ങൾ അറിയേണ്ട കുറച്ചു കാര്യങ്ങളുണ്ട്. അസംബ്ലി ലൈനിൽ നിന്ന് ഇതിനകം തന്നെ മിക്കവാറും എല്ലാ ആധുനിക കാറുകളിലും ഒരു സ്റ്റാൻഡേർഡ് ഇമോബിലൈസർ സജ്ജീകരിച്ചിട്ടുണ്ട്. പണ്ടുള്ള കാറുകളിൽ ഈ സവിശേഷത കാണാനാവില്ലെന്നും ഓർമിക്കേണം.

എന്താണ് എഞ്ചിൻ ഇമോബിലൈസർ എന്ന് നമുക്ക് ആദ്യം നോക്കാം. ലോകമെമ്പാടുമുള്ള കോടിക്കണക്കിന് ആധുനിക വാഹനങ്ങൾ ഉപയോഗിക്കുന്ന ഇലക്ട്രോണിക് സുരക്ഷാ ഉപകരണമാണ് ഒരു എഞ്ചിൻ ഇമോബിലൈസർ എന്ന് വളരെ ലളിതമായി പറയാം. ആരെങ്കിലും ഒരു ഡൂപ്ലീക്കേറ്റ് കീ ഉപയോഗിച്ച് കാർ സ്റ്റാർട്ട് ചെയ്യാൻ ശ്രമിച്ചാൽ അത് തടയുന്നതിനുള്ള സംവിധാനമാണിത്. 1900-കളുടെ തുടക്കത്തിൽ സെന്റ് ജോർജ്ജ് ഇവാൻസും എഡ്വേർഡ് ബിർക്കൻബ്യൂലും കണ്ടുപിടിച്ച എൻജിൻ കൺട്രോൾ യൂണിറ്റിൽ നിർമ്മിച്ച ആന്റി-തെഫ്റ്റ് സിസ്റ്റമാണ് എഞ്ചിൻ ഇമോബിലൈസർ.

സ്‌മാർട്ട് കീ കോഡുകൾ മനസിലാക്കാനും നിങ്ങളുടെ വാഹനത്തിലെ ഇഗ്നിഷൻ ഓണാക്കാനും വാഹനത്തിന്റെ ഇസിയുവിൽ ഉൾച്ചേർത്ത ഒരു ഇലക്ട്രോണിക് ചിപ്പ് എഞ്ചിൻ ഇമോബിലൈസർ സാങ്കേതികമായി ഉപയോഗിക്കുന്നു. എഞ്ചിൻ എഞ്ചിൻ കൂളന്റ് ടെംപ്രേച്ചർ സെൻസറിൽ അത്യാധുനികമായി നിർമിച്ചിരിക്കുന്ന ഒരു ആന്റി-തെഫ്റ്റ് സിസ്റ്റം എന്ന നിലയിൽ, വാഹനത്തിന്റെ ആധികാരികവും അംഗീകൃതവുമായ കീകളുടെ അഭാവത്തിൽ എഞ്ചിൻ ആരംഭിക്കുന്നതിൽ നിന്ന് എഞ്ചിൻ ഇമോബിലൈസർ തടയുന്നു. ഒരു ഇമോബിലൈസർ പ്രത്യേകം രൂപകൽപ്പന ചെയ്ത ഡിജിറ്റൽ കോഡഡ് കീ ഉപയോഗിക്കുന്നതാണ് ഇതിനു കാരണമാവുന്നത്. ഇവയെ പലപ്പോഴും സ്മാർട്ട് കീകൾ എന്നാണ് വിളിക്കാറുള്ളതും.

ഈ കീകളിൽ വാഹനത്തിന്റെ പാസ്‌വേഡ് പോലെ മനസിലാക്കാവുന്ന ഇലക്ട്രോണിക് സുരക്ഷ സംഭരിക്കുന്ന ഒരു ട്രാൻസ്‌പോണ്ടർ ചിപ്പ് അടങ്ങിയിരിക്കുന്നു. കാർ സ്റ്റാർട്ട് ചെയ്യുന്നതിനായി കീ തിരിക്കുമ്പോൾ വാഹനത്തിന്റെ ഇസിയുവിൽ ഉൾച്ചേർത്തിട്ടുള്ള സ്‌മാർട്ട് കീയുടെ ചിപ്പിലെ സുരക്ഷാ കോഡ് ഇമോബിലൈസർ പ്രോസസ് ചെയ്യുന്നു. ഒരു തികഞ്ഞ പൊരുത്തം സ്ഥാപിച്ചുകഴിഞ്ഞാൽ എഞ്ചിൻ ഇമോബിലൈസർ ഇന്ധന സംവിധാനവും ഇഗ്നിഷൻ സർക്യൂട്ടും സജീവമാക്കുകയും ചെയ്യും. ഈ പൊരുത്തം സമാനമല്ലെങ്കിൽ ഫ്യുവഷ സംവിധാനം സജീവമാക്കുന്നതിൽ ഇസിയു പരാജയപ്പെടുന്നു.

അതുവഴി വാഹനം സ്റ്റാർട്ടാവുകയുമില്ല. അങ്ങനെ കാറുകൾ മോഷ്‌ടിക്കപ്പെടാനുള്ള സാധ്യതയും ഇല്ലാതാവുന്നു. അതേസമയം കീലെസ് എൻട്രിയോ എഞ്ചിൻ സ്റ്റാർട്ട്/സ്റ്റോപ്പ് ഫീച്ചറോ ഉള്ള ആധുനിക കാലത്തെ വാഹനങ്ങളിൽ പോർട്ടബിൾ സ്മാർട്ട് കീകൾ ഇസിയുവിനുള്ളിലെ കോഡ് പ്രോസസറിലേക്ക് ഒരു സുരക്ഷാ കോഡ് കൈമാറുകയാണ് ചെയ്യുന്നത്. അത് രണ്ടും പൊരുത്തപ്പെടുത്തുകയും അതുവഴി സ്റ്റാർട്ട്/സ്റ്റോപ്പ് ഫംഗ്‌ഷൻ പ്രവർത്തിക്കാൻ അനുവദിക്കുകയും ചെയ്യുന്നു. സാങ്കേതികവിദ്യ വികസിക്കുമ്പോൾ, പരമ്പരാഗത ഇമോബിലൈസറുകൾ റോളിംഗ്/മാറ്റുന്ന സുരക്ഷാ കോഡുകൾ ഉപയോഗിക്കുന്ന വിപുലമായ ഇലക്ട്രോണിക് എഞ്ചിൻ ഇമോബിലൈസർ സിസ്റ്റങ്ങളായി വികസിപ്പിച്ചെടുത്തിട്ടുണ്ട്.

സ്ഥിരമായ ഒരു കോഡും മാറുന്ന അധിക കോഡും അടങ്ങുന്ന ടു-ടയർ സെക്യൂരിറ്റി ലെവലുകൾ ഈ സിസ്റ്റത്തിൽ അടങ്ങിയിരിക്കുന്നു. ഓരോ തവണയും കീ ഇഗ്നീഷൻ സ്റ്റാർട്ട് ചെയ്യുമ്പോൾ ഇന്റലിജന്റ് സിസ്റ്റം രണ്ടാമത്തെ കോഡ് മാറ്റി കീയിലേക്ക് തള്ളുന്നു. ഇഗ്നിഷൻ ഓഫാക്കുമ്പോഴെല്ലാം ഇമോബിലൈസർ ആദ്യം വ്യക്തിഗത കോഡ് പ്രോസസ് ചെയ്യുകയും രണ്ടാമത്തെ റോളിംഗ് കോഡ് പ്രോസസ് ചെയ്യുകയും ചെയ്യും. രണ്ട് കോഡുകളും പൊരുത്തപ്പെടുമ്പോൾ മാത്രമേ എഞ്ചിൻ സ്റ്റാർട്ട് ചെയ്യാൻ ഇവ അനുവദിക്കൂ. പൊരുത്തക്കേട് അല്ലെങ്കിൽ രണ്ടാമത്തെ സുരക്ഷാ കോഡിന്റെ അഭാവത്തിൽ, ആരെങ്കിലും ഇഗ്നിഷൻ സർക്യൂട്ട് ഷോർട്ട് സർക്യൂട്ട് ചെയ്യാൻ ശ്രമിച്ചാലും എഞ്ചിൻ സ്റ്റാർട്ട് ചെയ്യുന്നത് പരാജയപ്പെടും.

ഈ നൂതന സാങ്കേതികവിദ്യ കാരണം കാർ മോഷണങ്ങൾ ഒരു പരിധി വരെയെങ്കിലും തടയാനായിട്ടുണ്ടെന്നു വേണം പറയാൻ. കോഡുകൾ ഓൺബോർഡ് സ്മാർട്ട് കീകളും ഇസിയുവും എളുപ്പത്തിൽ ഡ്യൂപ്ലിക്കേറ്റ് ചെയ്യാൻ കഴിയില്ല. താക്കോൽ അല്ലെങ്കിൽ കീ നഷ്ടപ്പെട്ടാൽ, നഷ്ടപ്പെട്ട കീ നിർജീവമാക്കാൻ അംഗീകൃത ഡീലർമാർക്ക് മാത്രമേ കഴിയൂ. ആയതിനാൽ ഇന്നത്തെ കാലഘട്ടത്തിൽ ഒഴിച്ചുകൂടാനാവാത്ത ഒരു ഫീച്ചറായി ഇത് മാറിയിരിക്കുന്നു. പ്രത്യേകിച്ചും കാറുകൾ, ട്രക്കുകൾ, മോട്ടോർ ബൈക്കുകൾ തുടങ്ങിയ എല്ലാത്തവരും വാഹനങ്ങളിലും ഇപ്പോൾ എഞ്ചിൻ ഇമോബിലൈസർ ഉണ്ട്.