ഭിന്നശേഷിക്കാരന് സൊമാറ്റോയുടെ സമ്മാനം, ഇനി ഡെലിവറി ഇലക്ട്രിക് സൈക്കിളിൽ

ഭിന്നശേഷിക്കാരനായ ഈ യുവാവ് ഭക്ഷണം ഡെലിവര്‍ ചെയ്ത് കിട്ടുന്ന വരുമാനത്തിലാണ് ജീവിതം മുന്നോട്ട് കൊണ്ടു പോവുന്നത്. ഓണ്‍ലൈന്‍ ഫുഡ് ഡെലിവറി സ്ഥാപനമായ സൊമാറ്റോയുടെ ഡെലിവറി ബോയ് ആണ് രാമു സാഹു.

കൈ കൊണ്ട് പ്രവര്‍ത്തിപ്പിക്കുന്ന മുച്ചക്ര സൈക്കിളിലായിരുന്നു രാമു ഫുഡ് ഡെലിവര്‍ ചെയ്തിരുന്നത്.

കഠിനാധ്വാനിയായ ഈ യുവാവ്, സൈക്കിളില്‍ ഫുഡ് ഡെലിവര്‍ ചെയ്യുന്ന വീഡിയോ ദൃശ്യങ്ങള്‍ ഏതാനും ദിവസങ്ങള്‍ക്ക് മുമ്പ് സമൂഹ മാധ്യമമായ ട്വിറ്ററില്‍ എത്തിയിരുന്നു.

നിമിഷ നേരം കൊണ്ട് വീഡിയോ വൈറലാവുകയും രാമു സാഹുവിനെ പ്രശംസിച്ച് കൊണ്ട് നിരവധിയാളുകളും രംഗത്ത് വന്നു. ഈ സാഹചര്യത്തിലാണ് സൊമാറ്റോയുടെ സ്ഥാപകനും സിഇഒയുമായ ദീപിന്ദര്‍ ഗോയല്‍ വീഡിയോ കാണുന്നത്.

ഉടന്‍ തന്നെ അദ്ദഹം തന്റെ ട്വിറ്റര്‍ അക്കൗണ്ടില്‍ രാമു സാഹുവിനെ പ്രശംസിക്കുകയും അദ്ദേഹത്തിനൊരു ഇലക്ട്രിക്ക് സൈക്കിള്‍ സമ്മാനമായി നല്‍കുകയാണെന്നും പ്രഖ്യാപിച്ചു.

Most Read: ക്യാന്റീന്‍ ഡിസ്‌കൗണ്ട്‌ തീരും മുന്‍പേ ജീപ്പ് കോമ്പസ് വാങ്ങി നാവികസേനാ മേധാവി

ഒടുവില്‍ ഇക്കഴിഞ്ഞ ചൊവ്വാഴ്ച രാമു സാഹുവിനെ തേടി സൊമാറ്റോയുടെ സമ്മാനമെത്തി. വളരെ സന്തോഷത്തോടെയാണ് സമ്മാനം രാമു സാഹു സ്വീകരിച്ചത്.

Most Read: ജൂണ്‍ നാല് മുതല്‍ എംജി ഹെക്ടര്‍ ബുക്ക് ചെയ്യാം, വീഴുമോ ടാറ്റ ഹാരിയറിന്റെ വിപണി?

പുത്തന്‍ ഇലക്ട്രിക്ക് സൈക്കിളില്‍ രാമു സാഹു തന്റെ ജോലി തുടരുന്ന ചിത്രങ്ങളും വീഡിയോകളും ഇതിനകം തന്നെ സമൂഹ മാധ്യമങ്ങളില്‍ വൈറലായിക്കഴിഞ്ഞു.

Most Read: എസ്‌യുവി വിപണി പിടിക്കാനുറച്ച് മഹീന്ദ്ര, നിക്ഷേപം 18,000 കോടി രൂപയുടേത്‌

കൂടാതെ സൊമാറ്റോ സ്ഥാപകനായ ദീപിന്ദര്‍ ഗോയലും തന്റെ ഔദ്യോഗിക ട്വിറ്റര്‍ അക്കൗണ്ടില്‍ ഇവ പങ്ക് വച്ചിട്ടുണ്ട്. കഠിനാധ്വാനവും ഇച്ഛാശക്തിയുമുണ്ടെങ്കില്‍ ഏത് വെല്ലുവിളിയെയും മറികടക്കാമെന്നതിനൊരു ഉദാഹരണമാവുകയാണ് ഈ യുവാവ്.

Source: Deepinder Goyal