ഐബൈക്ക് എന്ന നഗരവാഹനം

ചെറിയ ആക്സിലറേഷനില്‍ തന്നെ ഐബൈക്ക് ഇലക്ട്രിക് മോട്ടോറിന്‍റെ ശേഷി ബോധ്യപ്പെടും. പരമാവധി ടോര്‍ക്ക് ആദ്യ ആക്സിലറേഷനില്‍ തന്നെ പകരുന്നു. ഈ വാഹനത്തിന്‍റെ പരമാവധി വേഗത 40 കിലോമീറ്ററാണ്. കുറഞ്ഞ സെക്കന്‍ഡികള്‍ കൊണ്ട് ഈ വേഗത പിടിക്കാന്‍ സ്കൂട്ടറിന് കഴിയുന്നുണ്ട്.

40 കിമി വേഗത പോര എന്ന പരാതി ഉന്നയിക്കുന്നതില്‍ അര്‍ത്ഥമില്ല. സൂപ്പര്‍ബൈക്ക് ചിന്തകള്‍ ഒഴിവാക്കുക. ഇത് സിറ്റി റൈഡിന് എന്തുകൊണ്ടും യോജിച്ച ഒരു വാഹനമാണ്. ട്രാഫിക് സിഗ്നലുകളോട് പ്രതികരിക്കാന്‍ പാകത്തിലാണ് പവര്‍ ഡെലിവറി വേഗത കൂട്ടിയിരിക്കുന്നത്.

പൂര്‍ണമായി ചാര്‍ജ്ജ് നിറയ്ക്കാന്‍ ആറ് മണിക്കൂര്‍ നേരം വേണം. ഒരു ചാര്‍ജ്ജിംഗിന് പരമാവധി അഞ്ച് രൂപയേ ആകുന്നുള്ളൂ. ഈ പവറില്‍ 60 കിമി വരെ ദൂരം പോകാമെന്ന് കമ്പനി പറയുന്നു. ഇത് 50 കിമി വരെ നമുക്ക് സങ്കല്‍പിക്കാം. അഞ്ച് രൂപയ്ക്ക് അമ്പത് കുലോമീറ്റര്‍! ഹെഡ്‍ലൈറ്റ്, ഹോണ്‍, ഇന്‍ഡിക്കേറ്ററുകള്‍ എന്നിവ ഉപയോഗിക്കുമ്പോള്‍ പവര്‍ നഷ്ടം സംഭവിക്കുന്നതു കൂടി കണക്കിലെടുക്കണം എന്നതിനാലാണ് വൈദ്യുതിക്ഷമത 50 കിമിയായി പരിമിതപ്പെടുത്തിയത്.