ബിഎംഡബ്ല്യു-ടിവിഎസ് സഖ്യത്തിന്റെ സ്റ്റണ്ട് ജി 310 ബൈക്ക്

സ്റ്റണ്ട് ജി 310

സ്റ്റണ്ട് ജി 310 എന്നു പേരായ ഒരു കൺസെപ്റ്റ് രൂപത്തിലാണ് ഈ ബിഎംഡബ്ല്യൂ ബൈക്ക് ഇപ്പോഴുള്ളത്. ടിവിഎസ്സുമായി ചേർന്നാണ് ഈ വാഹനത്തിനു വേണ്ട ഗവേഷണവികസന പ്രവർത്തനങ്ങൾ ബിഎംഡബ്ല്യു നടത്തിയത്.

സ്റ്റണ്ട് ബൈക്കർ ക്രിസ് ഫീഫർ

യൂറോപ്യൻ സ്റ്റണ്ട് താരമായ ക്രിസ് ഫീഫറിന്റെ സഹായം കൂടി തേടിയിട്ടുണ്ട് ഈ പെർഫോമൻസ് ബൈക്ക് നിർമിക്കുവാൻ. നാലുതവണ ലോകചാമ്പ്യനും അത്രയും തന്നെ തവണ യൂറോപ്യൻ ചാമ്പ്യനുമായ ആളാണ് പുള്ളി.

അവതരണം

സ്റ്റണ്ട് ജി 310 മോഡലിന്റെ അവതരണം നടക്കുക അമേരിക്കയിലായിരിക്കും. സ്റ്റണ്ട് ബൈക്കിങ്ങിന് അനുയോജ്യമായ ബൈക്ക് നിർമിക്കുക എന്നത് പ്രയാസം നിറഞ്ഞ ഒരു പണിയാണെന്നും മോട്ടോറാഡും ടിവിഎസ്സും ഇത് നന്നായി ചെയ്തിട്ടുണ്ടെന്നുമാണ് ക്രിസ് ഫീഫർ പറയുന്നത്.

ഡിസൈൻ

കാഴ്ചയിൽ കൃത്യമായി അഗ്രസ്സീവാണ് സ്റ്റണ്ട് ജി 310 എന്നു പറയാം. മികച്ച ഡിസൈൻ പണികളാണ് ബിഎംഡബ്ല്യു-ടിവിഎസ് ടീം എടുത്തിരിക്കുന്നത്.

ലോഞ്ച്

രണ്ടായിരത്തിപ്പതിനാറാമാണ്ടോടെ ഈ വാഹനം നിരത്തിലെത്തുമെന്നാണ് അറിയുന്നത്. രണ്ട് ബാഡ്ജുകളിലാണ് ബൈക്ക് വിൽക്കുക എന്നും കേൾക്കുന്നു. ഒരെണ്ണം ടിവിഎസ് ബാഡ്ജും മറ്റൊന്ന് ബിഎംഡബ്ല്യു മോട്ടോറാഡ് ബാഡ്ജും ധരിക്കും.

കെടിഎം ഡ്യൂക്ക് 390, ബജാജിന്റെ വരാനിരിക്കുന്ന സിഎസ്400 എന്നീ ബൈക്കുകളാണ് സ്റ്റണ്ട് ജി 310യുടെ എതിരാളികളായി വിപണിയിലുണ്ടാവുക.

കൂടുതൽ

പുതിയ അവെൻജർ ഹാർലി ഡേവിസനെ കോപ്പിയടിച്ചോ?

മഹീന്ദ്ര മോജോയെക്കുറിച്ച് അറിയേണ്ടതെല്ലാം