പുതിയ അവെൻജർ ഹാർലി ഡേവിസനെ കോപ്പിയടിച്ചോ?

കാവസാക്കി ബജാജ് എലിമിനേറ്റർ എന്ന പേരിൽ ഇന്ത്യയിൽ വിറ്റിരുന്ന എഎൽ175 മോഡലിന്റെ പിൻഗാമിയാണ് ബജാജ് അവെൻജർ‌ എന്നു പറയാം.

നിലവിൽ 220സിസി ശേഷിയുള്ള എൻജിൻ ഘടിപ്പിച്ചാണ് ബജാജ് അവെൻജർ വിപണിയിലെത്തുന്നത്. 95,000 രൂപയാണ് ഈ മോഡലിന്റെ ഏകദേശ ഓൺറോഡ് വില.

ഇപ്പോൾ വരുത്തിയിരിക്കുന്ന ഡിസൈൻ മാറ്റങ്ങൾ ഹാർലി ഡേവിസൺ സ്ട്രീറ്റ് 750 ഡാർക്ക് കസ്റ്റം മോഡലിനോട് ചേർന്നു നിൽക്കുന്ന വിധത്തിലുള്ളതാണെന്നു കാണാം.

ഇപ്പോൾ ലഭിച്ചിട്ടുള്ള ചിത്രങ്ങളിൽ മാറ്റ് ബ്ലാക്ക് നിറത്തിലാണ് ബജാജ് അവെൻജർ വരുന്നത്. ടാങ്കിൽ റെഡ് ഗ്രാഫിക്സ് നൽകിയിരിക്കുന്നതായി കാണാം.

എക്സോസ്റ്റ് പൈപ്പിന്റെ ഡിസൈനിൽ വരുത്തിയിട്ടുള്ള മാറ്റങ്ങളും ശ്രദ്ധേയമാണ്. പൈപ്പിലെ ഹീറ്റ് ഷീൽഡിന് സിൽവർ നിറം നൽകിയിരിക്കുന്നു. മാറ്റ് ബ്ലാക്ക് അലോയ് വീലുകളാണ് ഘടിപ്പിച്ചിരിക്കുന്നത്.

പുതിയ അവെഞ്ജറിൽ സാങ്കേതികമായി വലിയ മാറ്റങ്ങളുണ്ട്. പൾസർ 200എൻഎസ് ബൈക്കിലുപയോഗിക്കുന്ന എൻജിനായിരിക്കും 2015 അവെഞ്ജർ മോഡലിൽ ഉപയോഗിക്കുക.

ബജാജ് കെടിഎമ്മിൽ നിന്നും കടംകൊണ്ടതാണ് ഈ എൻജിൻ. പൾസർ നേക്കഡ് സ്പോർട് ബൈക്കിൽ ആദ്യമായി ഉപയോഗിച്ച ഈ കെടിഎം എൻജിൻ ഗുണനിലവാരത്തിന്റെ കാര്യത്തിൽ ഉപഭോക്താക്കളുടെ ഇഷ്ടം പിടിച്ചുപറ്റിയിട്ടുണ്ട്.

200സിസി ശേഷിയുള്ള ഈ ലിക്വിഡ് കൂൾഡ് സിംഗിൾ സിലിണ്ടർ എൻജിൻ 9500 ആർപിഎമ്മിൽ 23 കുതിരശക്തിയാണ് ഉൽപാദിപ്പിക്കുന്നത്. 8000 ആർപിഎമ്മിൽ 18.3 എൻഎം ആണ് പരമാവധി ടോർക്ക്.

കൂടുതൽ

സ്ട്രീറ്റ് 750ക്ക് ഗാംഭീര്യം ചേര്‍ക്കുന്ന ആക്‌സസറികള്‍

ഹോണ്ടയുടെ സങ്കരയിനം കണ്‍സെപ്റ്റ്

കുടയോളം പോന്ന 'സാദ' സൈക്കിൾ

ജോഹമ്മര്‍: ഭാവികാലത്തിന്റെ സ്വപ്‌നബൈക്ക്‌