രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

ബൈക്ക് പ്രേമികളുടെ സ്വപ്‌നമാണ് സുസുക്കി ഹയബൂസ. 1999 -ല്‍ പിറന്ന ഹയബൂസയുടെ പേരും പ്രശസ്തിയും കാട്ടുതീപോലെയാണ് ഭൂലോകം മുഴുവന്‍ പടര്‍ന്നത്. ബൂസയോളം പ്രചാരം മറ്റൊരു സൂപ്പര്‍ബൈക്ക് ഇന്ത്യയില്‍ നേടിയിട്ടുണ്ടോയെന്ന കാര്യം സംശയം.

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

ഔദ്യോഗികനാമം GSX-1300R എന്നാണെങ്കിലും ഹയബൂസയെന്നു പറഞ്ഞാല്‍ മാത്രമെ ആളാരാണെന്നു പെട്ടെന്നു മനസില്‍ തെളിയുകയുള്ളൂ. നിലവില്‍ കുറഞ്ഞതു പതിനഞ്ചുലക്ഷം രൂപ മുടക്കണം ഹയബൂസ സ്വന്തമാക്കാന്‍.

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

ഹയബൂസയുടെ കുപ്പായമണിഞ്ഞ ബജാജ് പള്‍സറുകളും ഹീറോ കരിസ്മകളും ഇന്ത്യയില്‍ വിലസി നടക്കാന്‍ കാരണവുമിതുതന്നെ. അടുത്തിടെ ഹയബൂസയാകാന്‍ ഡോമിനാര്‍ നടത്തിയ ശ്രമം വാഹന ലോകത്ത് ശ്രദ്ധനേടുകയാണ്.

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

പതിവുപോലെ കുഞ്ഞന്‍ ബൈക്കുകളെ ബൂസായാക്കി മാറ്റുന്നതില്‍ പ്രാഗത്ഭ്യം തെളിയിച്ചിട്ടുള്ള ജിഎം കസ്റ്റംസാണ് ഡോമിനാറിന്റെ പരിണാമത്തിന് പിന്നിലും. പുതിയ ടയറുകള്‍, പുതിയ സ്വിംഗ്ആം, പരിഷ്‌കരിച്ച മുന്‍ പിന്‍ സസ്‌പെന്‍ഷന്‍ എന്നിവ ഡോമിനാറിന് ഹയബൂസ 'ടച്ച്' നല്‍കുന്നതില്‍ നിര്‍ണ്ണായകമായി മാറുന്നു.

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

ഡോമിനാറിന് ബജാജ് നിര്‍മ്മിച്ചു നല്‍കിയ മുഴുവന്‍ പാനലുകളും ജിഎം കസ്റ്റംസ് രൂപമാറ്റത്തിന് വേണ്ടി നീക്കം ചെയ്തു. പകരം ഹയബൂസയുടെ ബോഡി കിറ്റാണ് ഡോമിനാറിന് ചന്തം ചാര്‍ത്തുന്നത്. കസ്റ്റം നിര്‍മ്മിതമാണ് സ്വിംഗ്ആം.

Most Read: ഐതിഹാസിക തനിമയൊട്ടും ചോരാതെ സുസുക്കി കട്ടാന

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

വീതിയേറിയ ടയറുകളും അലോയ് വീലുകളും ഹയബൂസയെ ഓര്‍മ്മപ്പെടുത്തും. ഹെഡ്‌ലാമ്പിന് മുകളില്‍ ഒരുങ്ങുന്ന ഡിജിറ്റല്‍ - അനലോഗ് ഡിസ്‌പ്ലേയിലും ഹയബൂസയുടെ പ്രഭാവം കാണാം. ഹാന്‍ഡില്‍ബാറില്‍ ബൂസാ ലോഗോ നല്‍കാനും ജിഎം കസ്റ്റംസ് മറന്നിട്ടില്ല.

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

ഹയബൂസയിലേക്കുള്ള ഡോമിനാറിന്റെ പരിണാമം കേവലം പുറംമോടിയില്‍ മാത്രമെയുള്ളൂ. എഞ്ചിന്‍ സാങ്കേതികതയില്‍ തനി ഡോമിനാറാണ് ബൈക്ക്. മോഡലിലുള്ള 373 സിസി ഒറ്റ സിലിണ്ടര്‍ എഞ്ചിന്‍ 35 bhp കരുത്തും 35 Nm torque -മാണ് സൃഷ്ടിക്കുക.

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

അതേസമയം രൂപമാറ്റം ബൈക്കിന്റെ പ്രകടനക്ഷമതയെ ബാധിക്കാന്‍ സാധ്യത കൂടുതലാണ്. ബോഡി കിറ്റിന്റെ പശ്ചാത്തലത്തില്‍ ബൈക്കിന് ഭാരം വര്‍ധിക്കും. ഇതു ഇന്ധനക്ഷമതയും മികവും കുറയ്ക്കും. രണ്ടുലക്ഷം രൂപയാണ് ഡോമിനാര്‍ ഹയബൂസ കുപ്പായമണിഞ്ഞപ്പോള്‍ ഉടമയ്ക്ക് ചിലവായത്.

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

അറിയുമോ സുസുക്കി ഹയബൂയുടെ ചരിത്രം?

ഹോണ്ട ബ്ലാക്‌ബേര്‍ഡുമായുള്ള മത്സരമാണ് ഹയബൂസയുടെ തലവര മാറ്റിക്കുറിച്ചത്. തൊണ്ണൂറുകളില്‍ നിരത്തു അടക്കിവാണ ഹോണ്ട ബ്ലാക്‌ബേര്‍ഡിനെ അട്ടിമറിച്ച ബൂസ ഒരൊറ്റ രാത്രികൊണ്ടു വാര്‍ത്തകളില്‍ നിറഞ്ഞു.

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

ബ്ലാക്‌ബേര്‍ഡ് കുറിച്ച 312 കിലോമീറ്റര്‍ വേഗം ഹയബൂസ നിഷ്പ്രഭമാക്കി. ഇതോടെ 1901 ജനുവരി 01 മുതല്‍ 2000 ഡിസംബര്‍ 31 വരെ ലോകത്തെ ഏറ്റവും വേഗമേറിയ പ്രൊഡക്ഷന്‍ ബൈക്കായി സുസുക്കി ഹയബൂസ അറിയപ്പെട്ടു.

Most Read: സ്വിഫ്റ്റ് സ്‌പോര്‍ട് വരില്ല, പകരം സ്വിഫ്റ്റ് RS പതിപ്പിനെ കൊണ്ടുവരാന്‍ മാരുതി

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

ഇടക്കാലത്ത് നിഞ്ച ZX-12R ഹയബൂസയെ വെല്ലുവിളിച്ചുവന്നെങ്കിലും ഒന്നും സംഭവിച്ചില്ല. വെറുമൊരു സൂപ്പര്‍ബൈക്കല്ല സുസുക്കിയ്ക്ക് ഹയബൂസ. വര്‍ഷങ്ങള്‍ നീണ്ട ഗവേഷണങ്ങളുടെയും പരീക്ഷണങ്ങളുടെയും പരിണിതഫലമാണ് സുസുക്കി ഹയബൂസ.

രണ്ടുലക്ഷം രൂപയ്ക്ക് ഹയബൂസയായി മാറിയ ഡോമിനാര്‍

പ്രാപിടിയന്‍ പക്ഷിയുടെ (പെരിഗ്രീന്‍ ഫാല്‍ക്കണ്‍) ജാപ്പനീസ് നാമമാണ് ഹയബൂസ. കണ്ണഞ്ചുംവേഗത്തില്‍ ഇരയെ കൊത്തിയെടുത്തു പറക്കുന്ന പെരിഗ്രീന്‍ ഫാല്‍ക്കണിന്റെ ആകാരം ഹയബൂസയുടെ രൂപകല്‍പനയില്‍ കമ്പനിക്ക് പ്രചോദനമായി. ഉയര്‍ന്ന വേഗത്തിലും കുറഞ്ഞ വായുപ്രതിരോധം നേരിടുംവിധത്തിലാണ് ഹയബൂസയെ സുസുക്കി നിര്‍മ്മിക്കുന്നത്.

Malayalam
English summary
Bajaj Dominar Modified To Look-like Suzuki Hayabusa. Read in Malayalam.
 
X

ഉടനടി ഓട്ടോ അപ്ഡേറ്റുകള് ഡ്രൈവ്സ്പാര്ക്കില് നിന്നും
Malayalam Drivespark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more