Click it and Unblock the Notifications
ചേതക് ഇലക്ട്രിക്കിനായുള്ള ബുക്കിങ് ഉടന് ആരംഭിച്ചേക്കുമെന്ന് റിപ്പോര്ട്ട്
2019 ഒക്ടോബര് മാസത്തിന്റെ തുടക്കത്തിലാണ് ബജാജ് തങ്ങളുടെ നിരയിലെ ആദ്യ ഇലക്ട്രിക്ക് സ്കൂട്ടറിനെ വിപണിയില് അവതരിപ്പിച്ചത്. വിപണിയില് അവതരിപ്പിച്ചെങ്കിലും വില സംബന്ധിച്ചോ, മെക്കാനിക്കല് സവിശേഷതകള് സംബന്ധിച്ചോ ഒന്നും തന്നെ കമ്പനി വെളിപ്പെടുത്തിയിട്ടില്ല.
എന്നാല് സ്കൂട്ടറിനായുള്ള ബുക്കിങ് 2019 നവംബര് മാസം മുതല് ആരംഭിക്കുമെന്നാണ് റിപ്പോര്ട്ട്. ഇതു സംബന്ധിച്ചകമ്പനിയുടെ ഔദ്യോഗിക അറിയിപ്പുകള് ഒന്നും തന്നെ എത്തിയിട്ടില്ല.ഏകദേശം ഒരു ലക്ഷം രൂപ വരെ ഇലക്ട്രിക്ക് സ്കൂട്ടറിന് വില പ്രതീക്ഷിക്കാമെന്നും റിപ്പോര്ട്ടില് വ്യക്തമാക്കിയിട്ടുണ്ട്. അതേസമയം ബുക്കിങ് തുക എത്രയെന്ന് കമ്പനി അറിയിച്ചിട്ടില്ല.
അടുത്ത മാസം ബുക്കിങ് ആരംഭിക്കുമെങ്കിലും 2020 ജനുവരിയില് മാത്രമോ വാഹനം വിപണിയില് എത്തുകയുള്ളു. ബംഗളൂരു, പുനെ നഗരങ്ങളിലാണ് സ്കൂട്ടര് ആദ്യം വില്പ്പനയ്ക്ക് എത്തുക. കെടിഎം ഡീലര്ഷിപ്പിലൂടെയാകും വാഹനത്തിന്റെ വില്പ്പനയെന്നും റിപ്പോര്ട്ടില് വ്യക്തമാക്കിയിട്ടുണ്ട്.
ഇതിന്റെ ഭാഗമായി തെരഞ്ഞെടുത്ത ചില ഡീലര്ഷിപ്പുകള് പ്രീമിയം നിലവാരത്തില് നവീകരിക്കുമെന്നും കമ്പനി അറിയിച്ചു. 1.10 ലക്ഷം രൂപ മുതല് 1.30 ലക്ഷം രൂപ വരെ സ്കൂട്ടറിന് വില പ്രതീക്ഷിക്കാം.
2019 സെപ്തംബര് 25 -ന് ബജാജിന്റെ ചകന് പ്ലാന്റിലാണ് ചേതക് ഇലക്ട്രിക്ക് സ്കൂട്ടറിന്റെ നിര്മാണം കമ്പനി ആരംഭിച്ചത്. പഴയ ചേതക് സ്കൂട്ടറുകളെ ഓര്മ്മപ്പെടുത്തുന്ന വിധമാണ് പുതിയ ഇലക്ട്രിക്ക് സ്കൂട്ടറുകളെയും കമ്പനി ഡിസൈന് ചെയ്തിരിക്കുന്നത്.
ഇതേ പേരില് അവതരിപ്പിക്കുന്നതോടെ കൂടുതല് ഉപഭോക്താക്കളെ ലഭിക്കുമെന്നാണ് കമ്പനിയുടെ പ്രതീക്ഷ. റെട്രോ ഡിസൈന് പ്രാധാന്യം നല്കിയാണ് വാഹനത്തിന്റെ രൂപകല്പന. ആറ് നിറങ്ങളിലാണ് സ്കൂട്ടര് വില്പ്പനയ്ക്ക് എത്തുന്നത്. എന്സിഎ (NCA) സെല്ലുകളോടുകൂടിയ IP67 റേറ്റിങ്ങുള്ള ഹൈ-ടെക് ലിഥിയം അയണ് ബാറ്റികളാണ് വാഹനത്തിന്റെ കരുത്ത്.
സ്റ്റാന്റേര്ഡ് 5-15 amp ഇലക്ട്രിക്ക് ഔട്ട്ലെറ്റ് വഴി വാഹനം ചാര്ജ് ചെയ്യാം. അതേസമയം ഇതിലെ ഇലക്ട്രിക്ക് മോട്ടോര്, പവര് എന്നിവ സംബന്ധിച്ച വിവരങ്ങള് ഒന്നും തന്നെ ബജാജ് വ്യക്തമാക്കിയിട്ടില്ല. സിറ്റി, സ്പോര്ട്സ് എന്നീ രണ്ട് ഡ്രൈവിങ് മോഡുകളില് വാഹനം ഓടിക്കാം.
Most Read: പള്സര് 150 നിയോണിനെ പരിഷ്ക്കരിച്ച് ബജാജ്
സിറ്റി മോഡില് ഒറ്റചാര്ജില് 95-100 കിലോമീറ്റര് ദൂരവും സ്പോര്ട്സ് മോഡില് 85 കിലോമീറ്റര് ദൂരവും സഞ്ചരിക്കാന് സാധിക്കും. എല്ഇഡി ഹെഡ്ലാമ്പ്, വീതിയേറിയ സീറ്റുകള്, എല്ഇഡി ടെയില് ലാമ്പ്, 12 ഇഞ്ച് അലോയി വീലുകള്, ഡിജിറ്റല് ഇന്സ്ട്രുമെന്റ് ക്ലസ്റ്റര്, ഉയര്ന്ന സ്റ്റോറേജ് എന്നിവയാണ് ഇലക്ട്രിക്ക് ചേതകില് ലഭിക്കുന്ന ഫീച്ചറുകള്.
Most Read: ഹാരിയറിന്റെ ഓട്ടോമാറ്റിക് പതിപ്പിനെ അവതരിപ്പിക്കാനൊരുങ്ങി ടാറ്റ
പുതിയ സുരക്ഷ സജ്ജീകരണമായ സിബിഎസും സ്കൂട്ടറില് ഉള്പ്പെടുത്തിയേക്കാം. വിഭജിച്ച രീതിയിലാണ് പുറകിലെ എല്ഇഡി ടെയില് ലാമ്പുകള് ഡിസൈന് ചെയ്തിരിക്കുന്നത്. സ്മാര്ട്ട് ഫോണുമായി കണക്റ്റ് ചെയ്ത് നിരവധി കണക്റ്റഡ് ഫീച്ചേഴ്സും സ്കൂട്ടറിലുണ്ട്.
Most Read: വർഷങ്ങളായി വെളിച്ചം കാണാതെ ലോക്സഭാ സ്പീക്കറിനായി വാങ്ങിയ ജാഗ്വാർ
വിപണിയില് ഓകിനാവ സ്കൂട്ടറുകള്, ഹീറോ ഇലക്ട്രിക്ക്, ഏഥര് 450, ആമ്പിയര് ഇലക്ട്രിക്ക് വെഹിക്കിള്സ് എന്നിവരാണ് ചേതക്കിന്റെ എതിരാളികള്.
Continue with Google