Just In
- 1 hr ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- 12 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 14 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 15 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
Don't Miss
- News 'കോൺഗ്രസിന്റെ യുവരാജാവ് വടക്കേ ഇന്ത്യ വിട്ട് തെക്കേ ഇന്ത്യയിലേക്ക് ഓടി'; രാഹുലിനെ വിമർശിച്ച് നരേന്ദ്ര മോദി
- Finance കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ
- Travel നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ്
- Movies 'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും'
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
- Sports IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം?
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
ഒറ്റ ചാര്ജില് 90 കിലോമീറ്റര്, ബാറ്ററി ഇ-സ്കൂട്ടര് വിപണിയില്
ഇലക്ട്രിക് വാഹന വിപണിയിലേക്ക് പുതിയൊരു കമ്പനി കൂടി. ജയ്പൂര് കേന്ദ്രമായി പ്രവര്ത്തിക്കുന്ന സ്റ്റാര്ട്ടപ്പ് കമ്പനി - ബാറ്ററി ഇലക്ട്രിക് മൊബിലിറ്റി (BattRE Electric Mobility), തങ്ങളുടെ ആദ്യ ഇ-സ്കൂട്ടറിനെ ഇന്ത്യയില് അവതരിപ്പിച്ചു. 63,555 രൂപയാണ് ബാറ്ററി ഇ-സ്കൂട്ടറിന് വില. ഒറ്റ ചാര്ജില് 90 കിലോമീറ്റര് ദൂരം സ്കൂട്ടര് ഓടും.
നിലവില് നാഗ്പൂര്, ഹൈദരാബാദ്, അനന്ത്പുര്, കുര്നൂല് നഗരങ്ങളിലാണ് മോഡല് വില്പ്പനയ്ക്കെത്തുന്നത്. ജൂണ് അവസാനവാരം പൂനെയിലും വിശാഖപട്ടണത്തും വാറങ്ങലിലും ഡീലര്ഷിപ്പുകള് സ്ഥാപിക്കുമെന്ന് കമ്പനി അറിയിച്ചിട്ടുണ്ട്. ഈ വര്ഷം ഡിസംബറോടെ രാജ്യത്തെ അന്പതു പ്രധാന നഗരങ്ങളില് ഡീലര്ഷിപ്പുകള് തുറക്കാനാണ് ബാറ്ററി ഇലക്ട്രിക് മൊബിലിറ്റി ലക്ഷ്യമിടുന്നത്.
അഞ്ചു നിറങ്ങളില് പുതിയ ബാറ്ററി ഇ-സ്കൂട്ടര് ലഭ്യമാണ്. പൂര്ണ്ണ എല്ഇഡി ഹെഡ്ലാമ്പ്, എല്ഇഡി ടെയില്ലാമ്പ്, ഇന്ഡിക്കേറ്ററുകള് എന്നിവയുടെ ആഢംബരം സ്കൂട്ടറിനുണ്ട്. സ്കൂട്ടറിന് ക്ലാസിക് ഭാവം നല്കാന് കമ്പനി നടത്തിയ ശ്രമമാണ് വട്ടത്തിലുള്ള മിററുകള്. ഹാന്ഡില്ബാറിലെ കറുത്ത ഫ്ളൈ സ്ക്രീനും മോഡലില് പരാമര്ശിക്കണം.
പൂര്ണ്ണ ഡിജിറ്റല് ഇന്സ്ട്രമെന്റ് ക്ലസ്റ്ററാണ് ബാറ്ററി ഇ-സ്കൂട്ടറില് ഒരുങ്ങുന്നത്. കീലെസ് ഇഗ്നീഷന്, ആന്റി - തെഫ്റ്റ് അലാറം, യുഎസ്ബി ചാര്ജര് എന്നീ സംവിധാനങ്ങളും സ്കൂട്ടറിലുണ്ട്. ബാറ്ററി ഉപയോഗം, വേഗം, താപം, ഓഡോമീറ്റര് തുടങ്ങിയ വിവരങ്ങള് ഇന്സ്ട്രമെന്റ് ക്ലസ്റ്ററിലെ ഡിസ്പ്ലേ വെളിപ്പെടുത്തും.
പ്രായോഗികത കൂട്ടാനായി മുന് ഏപ്രണിന് പിന്നില് ബോട്ടില് ഹോള്ഡര് കമ്പനി സ്ഥാപിച്ചിട്ടുണ്ട്. 10 ഇഞ്ചാണ് അലോയ് വീലുകള്ക്ക് വലുപ്പം. ടയര് അളവ് 90/100-10. 150 mm ഗ്രൗണ്ട് ക്ലിയറന്സും സ്കൂട്ടര് അവകാശപ്പെടുന്നു. മണിക്കൂറില് 25 കിലോമീറ്ററാണ് ബാറ്ററി ഇ-സ്കൂട്ടറിന്റെ പരമാവധി വേഗം.
48V 30Ah ശേഷിയുള്ള ലിഥിയം അയോണ് ബാറ്ററി സംവിധാനമാണ് മോഡലിന് ആവശ്യമായ ഊര്ജ്ജം പകരുന്നത്. ബാറ്ററി യൂണിറ്റിന്റെ ഭാരം 12 കിലോ. സ്കൂട്ടറിന്റെ ആകെ ഭാരമാകട്ടെ 64 കിലോയും. ഇന്ത്യയില് വില്പ്പനയ്ക്ക് വരുന്ന ഏറ്റവും ഭാരം കുറഞ്ഞ ഇലക്ട്രിക് സ്കൂട്ടറുകളില് ഒന്നാണ് ബാറ്ററി ഇ-സ്കൂട്ടര്.
Most Read: ട്യൂബ്ലെസ് കഴിഞ്ഞു, ഇനി എയര്ലെസ് ടയറുകളുടെ കാലം
രണ്ടായിരം തവണ ബാറ്ററി യൂണിറ്റ് ചാര്ജ് ചെയ്യാമെന്ന് ബാറ്ററി ഇലക്ട്രിക് മൊബിലിറ്റി വാഗ്ദാനം ചെയ്യുന്നുണ്ട്. ബാറ്ററി പാക്ക് ഊരിമാറ്റി സാധാരണ പ്ലഗ്ഗുകളില് കുത്തി ചാര്ജ് ചെയ്യാം. ഇ-സ്കൂട്ടറുകള്ക്കായി പ്രത്യേക ചാര്ജിങ് ശൃഖല കമ്പനി സ്ഥാപിച്ചിട്ടില്ല.
Most Read: വാഹനങ്ങളുടെ തേര്ഡ് പാര്ട്ടി ഇന്ഷുറന്സ് പ്രീമിയം കൂടി, പുതിയ നിരക്കുകള് ഇങ്ങനെ
മുന്നില് ടെലിസ്കോപിക് ഫോര്ക്കുകളും പിന്നില് മോണോഷോക്ക് യൂണിറ്റുമാണ് മോഡലില് സസ്പെന്ഷന് നിറവേറ്റുക. ഇരു ടയറുകളിലും ഡിസ്ക്കുകള് ബ്രേക്കിങ് നിറവേറ്റും. ഇതേസമയം, കേന്ദ്ര സര്ക്കാരിന്റെ രണ്ടാംഘട്ട FAME സബ്സിഡി ആനുകൂല്യങ്ങള് ബാറ്ററി ഇ-സ്കൂട്ടറിന് ലഭിക്കില്ല.
Most Read: ചൂടത്ത് ഫുൾടാങ്ക് പെട്രോൾ അടിച്ചാൽ കുഴപ്പമുണ്ടോ?
കുറഞ്ഞ ശേഷിയുള്ള ഫ്ളാഷ് LI, ഒപ്റ്റിമ LI, ആംപിയര് റിയോ, ആംപിയര് V48 തുടങ്ങിയ മോഡലുകളുമാണ് ബാറ്ററി ഇ-സ്കൂട്ടറിന്റെ മത്സരം.