Click it and Unblock the Notifications
വില്പ്പനയില് യമഹ MT-15 -നെ കടത്തിവെട്ടി കെടിഎം ഡ്യൂക്ക് 125
ജൂലായിലെ ഇന്ത്യന് ഇരുചത്ര വാഹന വിപണിയുടെ വില്പ്പന കണക്കുകള് പുറത്തു വരുമ്പോള് യമഹ MT-15 -നെ വള്ളപ്പാട് അകലെയാക്കി കെടിഎം ഡ്യൂക്ക് 125. ഈ വര്ഷം ആദ്യം പുറത്തിറങ്ങിയ ഡ്യൂക്ക് 125 ജൂലായില് 2,786 യൂണിറ്റുകളുടെ വില്പ്പനയാണ് കാഴ്ച്ച വയ്ച്ചത്. 1,400 യൂണിറ്റുകള് വില്പ്പന മാത്രമേ MT-15 -ന് നേടാന് കഴിഞ്ഞത്.
തുടര്ച്ചയായി മൂന്നാം മാസമാണ് വില്പ്പനയില് കെടിഎം യമഹയേ പിന്തള്ളുന്നത്. മിതമായ വിലയില് കൂടുതല് ഫീച്ചറുകള് പ്രധാനം ചെയ്യുന്നതാണ് കെടിഎം ഡ്യൂക്ക് 125 -ന്റെ വില്പ്പന മികവിന്റെ പ്രധാന കാരണം.
ഡ്യൂക്ക് 125 -ന്റെ മൂത്ത സഹോദരനായ ഡ്യൂക്ക് 200 -ല് നിന്ന് കടം കൊണ്ടതാണ് വാഹനത്തിലെ മിക്ക ഫീച്ചറുകളും. പൂര്ണ്ണ ഡിജിറ്റല് ഇന്സ്ട്രമെന്റ് ക്ലസ്റ്റര്, അപ്പ്സൈഡ് ഡൗണ് ഫോര്ക്കുകള്, അഡ്ജസ്റ്റ് ചെയ്യാന് കഴിയുന്ന പിന് മോണോ-ഷോക്ക് സസ്പെന്ഷന്, സംഗില് ചാനല് ABS സംവിധാനവുമായി വരുന്ന മുന് പിന് ഡിസ്ക് ബ്രേക്കുകള്, എല്ഇഡി ടെയില് ലാമ്പുകള്.
MT-15 -ല് ഇവയിലെ മിക്ക ഫീച്ചറുകളും വരുന്നുണ്ട് എങ്കിലും ഒന്ന് രണ്ടെണ്ണം വിട്ടു പോവുന്നു. വാഹങ്ങളുടെ വില്പ്പനയേ ബാധിക്കുന്ന മറ്റൊരു പ്രധാനം ഘടകം വിലയാണ്.
രണ്ട് വില വര്ദ്ധനവിന് ശേഷം 1.29 ലക്ഷം രൂപയാണ് ഡ്യൂക്ക് 125 -ന്റെ നിലവിലെ വില. ബൈക്ക് ആദ്യം വിപണിയില് അവതരിപ്പിച്ചപ്പോള് 1.19 ലക്ഷം രൂപയായിരുന്നു വില.
എന്നാല് മരുപുറത്ത് MT-15 -ന് 1.37 ലക്ഷം രൂപയാണ് യമഹ നല്കുന്നത്. 125 സിസി എതിരാളിയേക്കാള് കുറവ് ഫീച്ചറുകള് പ്രധാനം ചെയ്യുമ്പോള് അതിലും ഉയര്ന്ന വിലയാണ് വാഹനം ഈടാക്കുന്നത്.
Most Read: ജൂലായില് ഏറ്റവുമധികം വില്പ്പന ലഭിച്ച ബൈക്കുകള്
എന്നാല് ഡ്യൂക്കിനേക്കാള് കൂടുതല് കരുത്തുറ്റ എഞ്ചിനും, കരുത്തും, ഉയര്ന്ന ടോര്ക്കും MT-15 നല്കുന്നു. 155 സിസി ലിക്വിഡ് കൂള്ഡ് സിംഗിള് സിലണ്ടര് എഞ്ചിനാണ് യമഹ വാഹനത്തില് നല്കിയിരിക്കുന്നത്. 19 bhp കരുത്തും 14.3 Nm torque ഉം പരമാവധി സൃഷ്ടിക്കാനാവുന്ന എഞ്ചിന് ആറ് സ്പീഡ് ഗിയര്ബോക്സുമായിട്ടാണ് ഘടിപ്പിച്ചിരിക്കുന്നത്.
Most Read: ഡ്യൂക്ക് 790 നെ ഡീലര്ഷിപ്പുകളില് എത്തിച്ച് കെടിഎം
മറുപുറത്ത് കെടിഎം ഡ്യൂക്ക് 125 -ല് താരതമ്യേന ചെറുതായ 124 സിസി സിംഗിള് സിലണ്ടര് ലിക്വിഡ് കൂള്ഡ് എഞ്ചിനാണ്. 15 bhp കരുത്തും 12 Nm torque ഉം പരമാവധി ഉത്പാദിപ്പുക്കുന്ന എഞ്ചിന് യൂണിറ്റിന് ആറ് സ്പീഡ് ഗിയര്ബോക്സാണ് നിര്മ്മാതാക്കള് നല്കിയിരിക്കുന്നത്. MT-15 വരുന്ന സ്ലിപ്പര് ക്ലെച്ചും ഡ്യൂക്ക് 125 -ന് ലഭിക്കുന്നില്ല.
Most Read: ഇന്ത്യൻ വിപണിക്കായി ഒരുങ്ങിയിരിക്കുന്ന 400 സിസിയിൽ താഴെയുള്ള ബൈക്കുകൾ
ജൂണ് മാസത്തില് കെടിഎം ഡ്യൂക്ക് 125 2,108 യൂണിറ്റുകള് വിറ്റഴിച്ച സ്ഥാനത്ത് 1,368 യൂണിറ്റ് MT-15 ബൈക്കുകള് മാത്രമാണ് യമഹയ്ക്ക് വില്ക്കാനായത്. ടിവിഎസ് അപ്പാച്ചെ RTR 160 4V, ബജാജ് പള്സര് 160NS, സുസുക്കി ജിക്സര് എന്നിവയാണ് നേക്കഡ് സ്ട്രീറ്റ് ഫൈറ്റര് ശ്രേണിയിലെ മറ്റ് പ്രധാന എതിരാളികള്
Continue with Google