വരവറിയിച്ച് പുതിയ യമഹ MT-15 — വീഡിയോ

പുതിയ നെയ്ക്കഡ് ബൈക്കിനെ അവതരിപ്പിക്കാനുള്ള ഒരുക്കങ്ങള്‍ യമഹ പൂര്‍ത്തിയാക്കി. മാര്‍ച്ച് 15 -ന് യമഹ MT-15 ഇന്ത്യയില്‍ വില്‍പ്പനയ്ക്ക് വരും. മൂന്നാംതലമുറ R15 -ന്റെ നെയ്ക്കഡ് പതിപ്പാണെന്ന തിരിച്ചറിവ് മോഡലിനെ കുറിച്ചുള്ള ആകാംഷ ആരാധകരില്‍ വര്‍ധിപ്പിക്കുന്നു. ഔദ്യോഗികമായി കടന്നുവരാന്‍ ദിവസങ്ങള്‍ മാത്രം ശേഷിക്കെ MT-15 -ന്റെ ആദ്യ ടീസര്‍ യമഹ പുറത്തുവിട്ടിരിക്കുകയാണ്.

വരവറിയിച്ച് പുതിയ യമഹ MT-15 — വീഡിയോ

രാജ്യാന്തര മോഡലില്‍ നിന്നും ചെറിയ വ്യത്യാസങ്ങളോടെയാണ് ബൈക്ക് ഇങ്ങെത്തുക. കമ്പനിയുടെ വിഖ്യാത സാമുറായി ഡിസൈന്‍ ശൈലി MT-15 -ല്‍ ശ്രദ്ധയാകര്‍ഷിക്കും. സമകാലിക ഡിസൈന്‍ പാഠങ്ങള്‍ തിരുത്തി മൂന്നു പാളികള്‍ കൊണ്ടാണ് ഹെഡ്‌ലാമ്പ് ക്ലസ്റ്റര്‍. എല്‍ഇഡി പൊസിഷന്‍ ലാമ്പുകള്‍ക്ക് നടുവില്‍ പ്രൊജക്ടര്‍ ഹെഡ്‌ലാമ്പ് ബൈക്കില്‍ ഒരുങ്ങും. ഹെഡ്‌ലാമ്പും എല്‍ഇഡി യൂണിറ്റുതന്നെ.

വരവറിയിച്ച് പുതിയ യമഹ MT-15 — വീഡിയോ

താരതമ്യേന ബൈക്കിന് പിറകില്‍ നീളം കുറവാണ്. ഇക്കാരണത്താല്‍ കൂടുതല്‍ അക്രമണോത്സുകമായ ബോഡി പ്രൊഫൈല്‍ MT-15 അവകാശപ്പെടും. നെയ്ക്കഡ് മോഡലായതുകൊണ്ട് ബോഡി പാനലുകളുടെ ധാരാളിത്തം MT-15 -ല്‍ പ്രതീക്ഷിക്കേണ്ട. വെട്ടിവെടിപ്പാക്കിയ ഇന്ധനടാങ്ക് മോഡലിന് സ്‌പോര്‍ടി പരിവേഷം കല്‍പ്പിക്കുന്നതില്‍ നിര്‍ണായകമാവും.

Most Read: ബൈക്കില്‍ കോഹ്‌ലിയുടെ അഭ്യാസം, സുരക്ഷ കാറ്റില്‍ പറത്തിയെന്ന് പുതിയ വിവാദം

വരവറിയിച്ച് പുതിയ യമഹ MT-15 — വീഡിയോ

പൂര്‍ണ്ണ ഡിജിറ്റല്‍ ഇന്‍സ്ട്രമെന്റ് ക്ലസ്റ്റര്‍, ഇരു ടയറുകളിലും ഡിസ്‌ക്ക് ബ്രേക്ക്, ഇരട്ട ചാനല്‍ എബിഎസ്, എല്‍ഇഡി ടെയില്‍ലാമ്പ് എന്നിങ്ങനെ നീളും മറ്റു വിശേഷങ്ങള്‍. അപ്‌സൈഡ് ഡൗണ്‍ ഫോര്‍ക്കുകളും അലൂമിനിയം സ്വിംഗ്ആമും രാജ്യാന്തര വിപണിയില്‍ യമഹ MT-15 -ന് ലഭിക്കുന്നുണ്ട്.

വരവറിയിച്ച് പുതിയ യമഹ MT-15 — വീഡിയോ

എന്നാല്‍ ഇന്ത്യയിലെത്തുന്ന ബൈക്കിന് ഈ ഘടകങ്ങളുണ്ടായിരിക്കില്ല. പകരം ടെലിസ്‌കോപിക് ഫോര്‍ക്കുകളാണ് തല്‍സ്ഥാനത്ത് ഒരുങ്ങുക. ബൈക്കിന്റെ വില പിടിച്ചുനിര്‍ത്താന്‍ ഈ നടപടി സഹായിക്കും.

R15 -ല്‍ നിന്നും വ്യത്യസ്തമായി സുഖകരമായ റൈഡിനാണ് MT-15 -ല്‍ മുന്‍ഗണന. സീറ്റ് ഘടനയും റൈഡിംഗ് പൊസിഷനും അപ്രകാരംതന്നെ. അതേസമയം ട്രാക്ക് റൈഡിംഗിന് പ്രധാന്യം കല്‍പിച്ചാണ് R15 വിപണിയിലെത്തുന്നത്.

Most Read: ഹെക്‌സയെക്കാളും കേമനായി പുതിയ ടാറ്റ ബസെഡ്, അറിയണം ഇക്കാര്യങ്ങള്‍

മൂന്നാംതലമുറ R15 -ന്റെ എഞ്ചിന്‍ പുതിയ MT-15 -നും കരുത്തു പകരും. ലിക്വിഡ് കൂളിംഗ് ശേഷിയുള്ള എഞ്ചിന്‍ 19.2 bhp കരുത്തും 15 Nm torque -മാണ് പരമാവധി കുറിക്കുക. ആറു സ്പീഡ് ഗിയര്‍ബോക്‌സിന് സ്ലിപ്പര്‍ ക്ലച്ച് പിന്തുണ പ്രതീക്ഷിക്കാം.

ഇന്ത്യയില്‍ നാലു നിറങ്ങളിലാവും യമഹ MT-15 വില്‍പ്പനയ്ക്ക് വരിക. ബ്ലൂ, ബ്ലാക്ക്, ഗ്രെയ്-ബ്ലാക്ക്, ബ്ലൂ-ബ്ലാക്ക് നിറപ്പതിപ്പുകള്‍ മോഡലില്‍ അണിനിരക്കുമെന്നാണ് വിവരം. എന്തായാലും ശ്രേണിയില്‍ മറ്റു കമ്മ്യൂട്ടര്‍ മോഡലുകളെക്കാള്‍ വിലയേറിയ താരമായിരിക്കും MT-15.

Most Read Articles

Malayalam
കൂടുതല്‍... #യമഹ #yamaha
English summary
Yamaha MT-15 Official Teaser Video Released. Read in Malayalam.
 
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X