Click it and Unblock the Notifications
ട്രയംഫ് ടൈഗര് 900 നിരത്തുകളിലേക്ക്; ഡെലിവറി ആരംഭിച്ചു
ടൈഗര് 900-യുടെ ഡെലിവറി ആരംഭിച്ച് ബ്രിട്ടീഷ് പ്രീമിയം ബൈക്ക് നിര്മ്മാതാക്കളായ ട്രയംഫ്. 2020 ജൂണ് 19-നാണ് പ്രീമിയം അഡ്വഞ്ചര് ശ്രേണിയിലേക്ക് ബൈക്ക് എത്തുന്നത്.
നേരത്തെ ഡീലര്ഷിപ്പില് എത്തിയ ബൈക്കിന്റെ ഡെലിവറി അധികം വൈകാതെ തന്നെ ആരംഭിക്കുമെന്ന് നിര്മ്മാതാക്കള് അറിയിച്ചിരുന്നു. ഇതിനോടകം തന്നെ ബൈക്കിനായുള്ള ബുക്കിങ് കമ്പനി ആരംഭിച്ചിട്ടുണ്ട്.
50,000 രൂപയാണ് ബുക്കിങ് തുകയായി കമ്പനി സ്വീകരിക്കുന്നത്. മൂന്ന് വകഭേദങ്ങളില് എത്തുന്ന ബൈക്കിന്റെ പ്രാരംഭ പതിപ്പിന് 13.70 ലക്ഷം രൂപയും ഉയര്ന്ന പതിപ്പിന് 15.50 ലക്ഷം രൂപയുമാണ് എക്സ്ഷോറും വില.
ഇതുവരെ വില്പ്പനയിലുണ്ടായിരുന്ന ടൈഗര് 800-ന്റെ പിന്ഗാമിയായാണ് ടൈഗര് 900 വില്പ്പനക്കെത്തിയിരിക്കുന്നത്. ട്രയംഫ് ടൈഗര് 900 പൂര്ണ്ണമായും ഇന്ത്യയില് നിര്മ്മിച്ചതാണ്.
കൂടുതല് ഷാര്പ് ആയ ബോഡി പാര്ട്സ് ആണ് ടൈഗര് 900-ന്റെ പ്രധാന ആകര്ഷണം. എല്ഇഡി ഡേ ടൈം റണ്ണിങ് ലാമ്പുകളും, എല്ഇഡി ഹെഡ്ലാമ്പും മുന്വശത്തെ സവിശേഷതകളാണ്. ബ്ലൂടൂത്ത് വഴി സ്മാര്ട്ട്ഫോണിലേക്ക് കണക്ട് ചെയ്യാന് സാധിക്കുന്ന പുതിയ ടിഎഫ്ടി ഇന്സ്ട്രുമെന്റ് ക്ലസ്റ്ററും ബൈക്കില് നല്കിയിട്ടുണ്ട്.
MOST READ: മിനി കൂപ്പറായി രൂപം മാറി പ്രീമിയർ പദ്മിനി
കോളുകള്ക്ക് മറുപടി നല്കാനും സന്ദേശങ്ങള് വായിക്കാനും നാവിഗേഷന് ഉപയോഗിക്കാനും ടിഎഫ്ടി ഡിസ്പ്ലേ റൈഡറിനെ അനുവദിക്കുന്നു. അതോടൊപ്പം തന്നെ ഗോപ്രൊ ആക്ഷന് ക്യാമറയുമായി ബന്ധിപ്പിക്കാവുന്ന സംവിധാനം, റൈഡ്-ബൈ-വയര്, ആറ് റൈഡിങ് മോഡുകള് (റോഡ്, റൈന്, സ്പോര്ട്ട്, ഓഫ്-റോഡ്, ഓഫ്-റോഡ് പ്രോ, റൈഡ്) എന്നിവയാണ് ബൈക്കിലെ മറ്റ് പ്രധാന ഫീച്ചറുകള്.
പുതിയ 888 സിസി ഇന്ലൈന് ത്രീ-സിലിണ്ടര് എഞ്ചിനാണ് ടൈഗര് 900-ന് കരുത്ത് നല്കുന്നത്. ഈ എഞ്ചിന് 8,750 rpm -ല് 94 bhp കരുത്തും 7,250 rpm -ല് 87 Nm torque ഉം സൃഷ്ടിക്കും.
MOST READ: കാത്തിരിപ്പിന് വിരാമിട്ട് പുതുതലമുറ സിറ്റി എത്തുന്നു; തീയതി വെളിപ്പെടുത്തി ഹോണ്ട
സ്വിച്ചബിള് എബിഎസ്, കോര്ണറിംഗ് എബിഎസ്, ട്രാക്ഷന് കണ്ട്രോള് എന്നിവയും ബൈക്കില് ക്രമീകരിച്ചിട്ടുണ്ട്. മുന്വശത്ത് മാര്സോച്ചി 45 mm അപ്സൈഡ് ഡൗണ് ഫോര്ക്കുകളും പിന്നില് മോണോ ഷോക്കുമാണ് ബേസ് മോഡല് ട്രയംഫ് ടൈഗര് 900-ല് നല്കിയിരിക്കുന്നത്.
അതേസമയം റാലി, റാലി പ്രോ മോഡലുകളില് ഷോവയില് നിന്നുള്ള 45 mm അപ്സൈഡ് ഡൗണ് ഫോര്ക്കുകളാണ് അവതരിപ്പിക്കുന്നത്.
Continue with Google