ഹയാബൂസയുടെ ബിഎസ്-IV യൂണിറ്റുകൾ പൂർണമായും വിറ്റഴിച്ച് സുസുക്കി

300 കിലോമീറ്റർ വേഗത കൈവരിക്കാൻ ശേഷിയുളള ബൈക്കാണ് സുസുക്കി ഹയാബൂസ. ജാപ്പനീസ് സംസാരിക്കുന്ന 'പെരെഗ്രിൻ ഫാൽക്കൺ' എന്ന പക്ഷിയിൽ നിന്നുമാണ് ഈ പേര് ഉരുതിരിഞ്ഞുവന്നത്. ഇന്ത്യയിൽ, ഒരു വലിയ ആരാധകവൃന്ദമുണ്ട് ബൂസയ്ക്ക് 2017 ൽ ഇന്ത്യയിൽ ഒത്തുചേരുന്ന ആദ്യത്തെ സുസുക്കി ബിഗ് ബൈക്ക് കൂടിയാണിത്.

1,340 സിസി, ലിക്വിഡ്-കൂൾഡ്, ഇൻ-ലൈൻ ഫോർ സിലിണ്ടർ എഞ്ചിനാണ് ബൂസയുടെ കരുത്ത്. 9,500 rpm-ൽ 197 bhp കരുത്തും 7,200 rpm-ൽ 155 എൻ‌എം Nm torque ഉം ഉത്പാദിപ്പിക്കാൻ ബൈക്കിന് ശേഷിയുണ്ട്. വെറും 2.74 സെക്കൻഡിനുള്ളിൽ 0 മുതൽ 100 കിലോമീറ്റർ വരെ വേഗത കൈവരിക്കാനും ഉയർന്ന വേഗത 299 കിലോമീറ്റർ ആയി പരിമിതപ്പെടുത്തിയതുമാണ് സുസുക്കി ഹയാബൂസ.

ശരിക്കും 320 കിലോമീറ്റർ വേഗത കൈവരിക്കാൻ കഴിയും സുസുക്കി ഹയാബൂസക്ക്. 'ബൂസ' ഒരു ഐതിഹാസിക മോട്ടോർസൈക്കിളാണ്. വർഷങ്ങൾ കടന്നുപോയിട്ടും വാഹനത്തിന്റെ പഴയ രൂപം അതേപടി സൂക്ഷിക്കാനും സുസുക്കിക്ക് സാധിച്ചിട്ടുണ്ട്.

2019 ഡിസംബറിൽ കമ്പനി വളരെ പരിമിതമായ ബിഎസ്-VI മോഡലിനെ ഇന്ത്യയിലേക്ക് കൊണ്ടുവന്നു. പുതിയ നിറങ്ങൾക്കൊപ്പം ഒരു പുതിയ ഫ്രണ്ട് ബ്രേക്ക് കാലിപ്പറും ഹയാബൂസയിൽ അവതരിപ്പിച്ചു. ആഭ്യന്തര വിപണിയിൽ വിറ്റ ഹയാബൂസയുടെ അവസാന ബാച്ച് അതായിരുന്നു. ബിഎസ്-IV മോഡലുകളെല്ലാം വിറ്റഴിക്കാനും കമ്പനിക്ക് സാധിച്ചു.

എഞ്ചിൻ യൂറോപ്യൻ മലിനീകരണ മാനദണ്ഡങ്ങൾക്ക് അനുസൃതമല്ലാത്തതിനാൽ, യൂറോപ്പിലും സുസുക്കി വിൽപ്പന നിർത്തി. ഈയൊരു ഐതിഹാസിക മോഡലിനെ ഉപേക്ഷിക്കാൻ തീരുമാനിച്ചത് മോട്ടോർസൈക്കിൾ വിപണിയെ ഞെട്ടിച്ചെന്നു തന്നെ പറയാം.

എന്നാൽ ബൂസ ആരാധകർക്ക് സന്തോഷിക്കാനുള്ള വകയും സുസുക്കി ബാക്കിവെക്കുന്നുണ്ട്. പൂർണമായും നവീകരിച്ച ഒരു ഹയാബൂസ മോഡലിൽ സുസുക്കി എഞ്ചിനീയർമാർ പ്രവർത്തിച്ചു വരികയാണ്. പേറ്റന്റ് ചിത്രങ്ങൾ ഇതിനോടകം തന്നെ‌ ഇൻറർ‌നെറ്റിൽ‌ പ്രത്യക്ഷപ്പെട്ടിട്ടുണ്ട്. ഇത്‌ സുസുക്കി ഹയാബൂസയുടെ നവീകരിച്ച മോഡലിലേക്ക് വിരൽ ചൂണ്ടുന്നു.

എഞ്ചിൻ‌ വാസ്‌തുവിദ്യ പ്രധാനമായും അതേപടി നിലനിൽക്കുന്നു. എന്നാൽ പുതിയ റിപ്പോർ‌ട്ടുകൾ‌ പ്രകാരം, എഞ്ചിൻ ശേഷിയിൽ 1,440 സിസി വരെ വർധനവുണ്ടാകാം. ഇത് സമാന പ്രകടനം നിലനിർത്താൻ സുസുക്കിയെ‌ സഹായിക്കും. പക്ഷേ ടോർക്ക് ഔട്ട്‌പുട്ടിലും സവാരി മേൻമയിലും വർധനവുണ്ടാകും.

2020-ൽ ടോക്കിയോ മോട്ടോർ ഷോയിൽ അല്ലെങ്കിൽ 2021 മോഡലായി EICMA 2020-യിൽ ബൈക്കിന്റെ പ്രൊഡക്ഷൻ പതിപ്പിന്റെ അവതണം ഉണ്ടായേക്കാമെന്ന് പ്രതീക്ഷിക്കുന്നു. ഇന്ത്യന്‍ വിപണിയില്‍ കവസാക്കി നിഞ്ച ZX-14R മോഡലാണ് ഹയാബൂസയുടെ പ്രധാന എതിരാളി. നിലവിൽ 13.75 ലക്ഷം രൂപയാണ് വാഹനത്തിന്റെ എക്‌സ്‌ഷോറൂം വില.