സീരീസ് വൺ; 450 X കളക്ടേർസ് എഡിഷൻ പുറത്തിറക്കി ഏഥർ

2020 ജനുവരി 28 -ന് ഏഥർ 450 X -ന്റെ ദേശീയ ലോഞ്ചിന് മുമ്പ് സ്‌കൂട്ടർ മുൻകൂട്ടി ഓർഡർ ചെയ്ത ഏഥർ എനർജി പ്രേമികൾക്ക് മാത്രമേ ഈ പരിമിത പതിപ്പ് സ്കൂട്ടർ ലഭ്യമാകൂ.

സീരീസ് വൺ ഏഥർ 450 X -ന്റെ വിപുലീകരിച്ച പ്രകടനം ആഘോഷിക്കുന്നതിനായി കമ്പനി രൂപകൽപ്പന ചെയ്ത മോഡലാണ്.

MOST READ: ഗ്ലോസ്റ്റർ എത്തുന്നത് നാല് വേരിയന്റുകളിൽ; മോടിയേകാൻ നാല് കളർ ഓപ്ഷനുകളും

വിഭാഗത്തിൽ 450 X -ന്റെ മികച്ച ക്ലാസ് പവർ, ടോർക്ക്, ആക്സിലറേഷൻ, പ്രീമിയം കളർ ഫിനിഷ്, ലൈറ്റ് ഹൈബ്രിഡ് അലുമിനിയം ഫ്രെയിം ചാസി, ഇന്ത്യൻ റോഡുകളിലെ ആദ്യ ട്രാന്‍സ്‌ലൂസന്‌റ്‌ പാനലുകൾ എന്നിവ വാഹനം ഉൾക്കൊള്ളുന്നു.

മേക്ക് ഇൻ ഇന്ത്യ ഉൽപ്പന്നങ്ങൾ എന്ന നിലയിൽ നിർമ്മാതാക്കളുടെ സീരീസ് വണ്ണിന്റെ യഥാർത്ഥ സവിശേഷത പിന്നിലെ ട്രാന്‍സ്‌ലൂസന്‌റ്‌ പാനലുകളാണ്. അത് സ്കൂട്ടറിനുള്ളിലേക്ക് ഒന്ന് എത്തിനോക്കാൻ അനുവദിക്കുന്നു.

MOST READ: പ്രവര്‍ത്തനങ്ങള്‍ വിപുലീകരിക്കുന്നു; ഇന്ത്യയില്‍ 1,000 കോടി രൂപ നിക്ഷേപിക്കുമെന്ന് എംജി

സീറ്റിനും ട്രെല്ലിസ് ഫ്രെയിമിനുമിടയിൽ ഏഥറിന്റെ കാസ്റ്റ് അലുമിനിയം ചാസി ദൃശ്യമാണ്, അത് ഏഥർ സ്‌കൂട്ടറുകളുടെ വേറിട്ട സവിശേഷതയാണ്. സ്കൂട്ടറിന്റെ സീരീസ് വൺ പതിപ്പ് എഞ്ചിനീയറിംഗ്, സാങ്കേതിക വൈദഗ്ദ്ധ്യം, ഏഥർ 450 പ്രൊഡക്റ്റ് ലൈനിന്റെ പ്രകടനം എന്നിവ ആഘോഷിക്കുന്നു.

നിലവിലുള്ള ഗ്രേ, വൈറ്റ്, പുതിന ഗ്രീൻ നിറങ്ങളിൽ‌ നിന്നും തികച്ചും വ്യത്യസ്തമായി, സീരീസ് വൺ ഉയർന്ന ഗ്ലോസ്സ് മെറ്റാലിക് ബ്ലാക്ക് ബോഡി കളറുനും, റെഡ് ആക്സന്റുകൾ‌ക്കൊപ്പം വരുന്നു. സീരീസ് വൺ സ്കൂട്ടറുകൾക്ക് 7.0 ഇഞ്ച് ടച്ച്‌സ്‌ക്രീൻ ഡാഷ്‌ബോർഡിലും ഈ സിഗ്നേച്ചർ നിറങ്ങൾ ഉൾക്കൊള്ളുന്നു.

MOST READ: പ്രീമിയം എസ്‌യുവി ശ്രേണിയിലെ പുത്തൻ താരോദയം; എംജി ഗ്ലോസ്റ്ററിന്റെ ആദ്യ ഡ്രൈവ് വിശേഷം

സീരീസ് വൺ പതിപ്പിന് ആറ് കിലോവാട്ട് PMSM ഇലക്ട്രിക് മോട്ടോർ ഉണ്ടായിരിക്കും, ഇത് സ്റ്റാൻഡേർഡ് ഏഥർ 450 X പോലെ 2.9 കിലോവാട്ട്സ് ലിഥിയം അയൺ ബാറ്ററിയിൽ നിന്ന് ഊർജ്ജം നേടുന്നു. ഇക്കോ, റൈഡ്, സ്‌പോർട്, ഉയർന്ന പ്രകടനമുള്ള 'വാർപ്പ്' മോഡ് എന്നീ സമാന റൈഡ് മോഡുകളും ഇതിലുണ്ടാകും.

ആന്തരിക പരിശോധനകൾ അനുസരിച്ച്, 40 കിലോമീറ്റർ വേഗത വെറും 3.3 സെക്കൻഡ് കൊണ്ട് സ്കൂട്ടറിന് കൈവരിക്കാനാവും. ഇന്ത്യയിലെ 125 സിസി പെർഫോമെൻസ് വിഭാഗങ്ങളിലെ അതിവേഗ ഇലക്ട്രിക് സ്കൂട്ടറുകളിൽ ഒന്നാണ് ഏഥർ 450 X.

MOST READ: റൂഫ് റെയിലുകളും, ബ്ലാക്ക് ക്ലാഡിംഗും; പരീക്ഷണയോട്ടം നടത്തി ടാറ്റ ടിയാഗൊ ടര്‍ബോ

ബാംഗ്ലൂർ, ചെന്നൈ, ഹൈദരാബാദ്, കൊച്ചി, കോയമ്പത്തൂർ, കോഴിക്കോട്, മുംബൈ, ഡൽഹി NCR, പൂനെ, അഹമ്മദാബാദ്, കൊൽക്കത്ത എന്നീ 11 നഗരങ്ങളിലും സീരീസ് വണ്ണിന്റെ ഡെലിവറികൾ 2020 നവംബറോടെ ആരംഭിക്കും.

2020 ജനുവരി 28 -ന് മുമ്പ് ഏഥർ 450 X മുൻകൂട്ടി ഓർഡർ ചെയ്ത ഉപയോക്താക്കൾക്ക് സീരീസ് വൺ തിരഞ്ഞെടുക്കാൻ അർഹതയുണ്ട്. സീരീസ് വൺ സ്കൂട്ടറുകളുടെ പ്രാരംഭ ബാച്ചുകൾ കറുത്ത പാനലുകൾ ഉപയോഗിച്ച് അയയ്ക്കുകയും 2021 മെയ് മാസത്തിൽ ട്രാന്‍സ്‌ലൂസന്‌റ്‌ പാനലുകളിലേക്ക് അപ്ഗ്രേഡ് ചെയ്യുകയും ചെയ്യും.