R18 ക്രൂയിസർ പുറത്തിറക്കി ബിഎംഡബ്ല്യു മോട്ടോറാഡ്

18.90 ലക്ഷം രൂപ ആരംഭ എക്സ്-ഷോറൂം വിലയിൽ ആരംഭിക്കുന്ന മോട്ടോസൈക്കിളിന്റെ ബുക്കിംഗ് കമ്പനി ഇപ്പോൾ ബിഎംഡബ്ല്യു മോട്ടോറാഡ് ഡീലർ നെറ്റ്‌വർക്ക് വഴി ആരംഭിച്ചു.

സ്റ്റാൻഡേർഡ് ഫസ്റ്റ് എഡിഷൻ എന്നിങ്ങനെ രണ്ട് വേരിയന്റുകളിലാണ് മോട്ടോർസൈക്കിൾ വരുന്നത്. ഫസ്റ്റ് എഡിഷന് 21.90 ലക്ഷം രൂപയാണ് എക്സ്-ഷോറൂം വില. പൂർണ്ണമായും ബിൽറ്റ്-അപ്പ് യൂണിറ്റായി (CBU) ഇത് ഇന്ത്യയിലേക്ക് ഇറക്കുമതി ചെയ്യും.

MOST READ: മിഡ്-സൈസ് എസ്‌യുവി ശ്രേണിയിലെ പുത്തൻ താരോദയം; ഫോക്‌സ്‌വാഗൺ ടാവോസ്

1930 -കളുടെ അവസാനത്തിൽ ഉൽ‌പാദനത്തിലുണ്ടായിരുന്ന ബി‌എം‌ഡബ്ല്യു R5 -ൽ‌ നിന്നും പ്രചോദനം ഉൾക്കൊണ്ടതാണ് ഈ ആധുനിക ഹെവിവെയ്റ്റ് ക്രൂയിസർ.

ഇതിന് വൃത്താകൃതിയിലുള്ള ഹെഡ്‌ലാമ്പ്, വൈഡ് ഹാൻഡിൽബാറുകൾ, ക്രോമിൽ പൂർത്തിയാക്കിയ എക്‌സ്‌ഹോസ്റ്റ് പൈപ്പ്, സ്‌പോക്ക്ഡ് വീലുകൾ എന്നിവയും അതിലേറെയും റെട്രോ സ്റ്റൈലിംഗ് ഘടകങ്ങൾ ലഭിക്കും.

MOST READ: ഓഫ്-റോഡ് കഴിവുകൾ തെളിയിച്ച് പുത്തൻ ഥാർ; കാണാം ടീസർ വീഡിയോ

R18 -ന്റെ പതിവ് മോഡൽ ബ്ലാക്ക്ഔട്ട് പതിപ്പാണ്, ഫസ്റ്റ് എഡിഷൻ യൂണിറ്റിന് കൂടുതൽ വൈറ്റ് പിൻസ്ട്രൈപ്പുകളും ക്രോം ഘടകങ്ങളും ലഭിക്കുന്നു.

കൂടാതെ സീറ്റ് ബാഡ്ജും 'ഫസ്റ്റ് എഡിഷൻ' കൈപ്പിടിയും, ടാങ്കിൽ ബ്രോൺസ്-ലെറ്ററുകളുള്ള ലോഗോ, ബ്ലാക്ക്സ്റ്റോം മെറ്റാലിക് കളർ എന്നിവയും ലഭിക്കും.

MOST READ: റോയല്‍ എന്‍ഫീല്‍ഡ് മെറ്റിയര്‍ 350-യുടെ അരങ്ങേറ്റം വൈകും; കൂടുതല്‍ വിവരങ്ങള്‍ ഇങ്ങനെ

സവിശേഷതകളെ സംബന്ധിച്ചിടത്തോളം, ബി‌എം‌ഡബ്ല്യു R18 ക്രൂയിസർ ബൈക്കിൽ പൂർണ്ണ എൽഇഡി ലൈറ്റിംഗ് സെറ്റപ്പ്, അനലോഗ് ഇൻസ്ട്രുമെന്റ് ക്ലസ്റ്റർ, ഹീറ്റഡ് ഗ്രിപ്പുകളും ഓപ്ഷണൽ റിവേർസ് ഗിയറും, ABS, ട്രാക്ഷൻ കൺട്രോൾ, ഹിൽ-ഹോൾഡ് അസിസ്റ്റ്, സ്വിച്ചബിൾ ഓട്ടോമാറ്റിക് സ്റ്റെബിലിറ്റി കൺട്രോൾ (ASC), റെയിൻ, റോൾ, റോക്ക് എന്നീ മൂന്ന് റൈഡിംഗ് മോഡുകളും വരുന്നു.

സസ്‌പെൻഷനായി മുൻവശത്ത് ടെലിസ്‌കോപ്പിക് ഫോർക്കുകളും പിന്നിൽ ഒരു മോണോ-ഷോക്ക് യൂണിറ്റും ലഭിക്കുന്നു. മുൻവശത്ത് ഇരട്ട-ഡിസ്ക് ബ്രേക്കും പിന്നിൽ ഒരു ഡിസ്ക് ബ്രേക്കും നാല് പിസ്റ്റൺ ഫിക്സഡ് ക്യാലിപ്പറുകളും ബ്രേക്കിംഗ് സിസ്റ്റത്തിൽ അടങ്ങിയിരിക്കുന്നു.

MOST READ: മിഡ്-സൈസ് എസ്‌യുവിയുടെ അവതരണം അടുത്ത വർഷം തുടക്കത്തോടെയെന്ന് സ്ഥിരീകരിച്ച് സ്കോഡ

1,802 സിസി ബോക്‌സർ-ട്വിൻ, എയർ-കൂൾഡ് & ഓയിൽ-കൂൾഡ് എഞ്ചിനാണ് മോട്ടോർസൈക്കിളിന്റെ ഹൃദയം. 4,750 rpm -ൽ‌ 89.75 bhp കരുത്തും 3,000 rpm -ൽ‌ 158 Nm torque ഉം വികസിപ്പിക്കാനും എഞ്ചിന് കഴിയും. എഞ്ചിൻ ആറ്-സ്പീഡ് ഗിയർബോക്സുമായി ഇണചേരുന്നു. കൂടാതെ, റിവേർസ് ഗിയർ ഓപ്‌ഷണലായി ലഭ്യമാണ്.