Click it and Unblock the Notifications
സൂപ്പർലെഗെര V4 -ന്റെ ഉത്പാദനം ആരംഭിച്ച് ഡ്യുക്കാട്ടി
ഡ്യുക്കാട്ടി സൂപ്പർലെഗെര V4 മോഡലിന്റെ നിർമ്മാണം ആരംഭിച്ചു, ആദ്യത്തെ മോട്ടോർ സൈക്കിൾ ഇറ്റലിയിലെ ബോർഗോ പാനിഗേൽ പ്ലാന്റിൽ നിന്നും പുറത്തിറങ്ങി. പരിമിതവും അക്കമിട്ടതുമായ ശ്രേണിയിൽ ഷെഡ്യൂൾ ചെയ്തിരിക്കുന്ന 500 യൂണിറ്റുകളിൽ ഒന്നാമത്തെ മോട്ടോർസൈക്കിളാണിത്.
ചേസിസ് നമ്പറുമായി പൊരുത്തപ്പെടുന്ന മോട്ടോർസൈക്കിളുകളുടെ (XXX / 500) പുരോഗമന നമ്പറിംഗ് സ്റ്റിയറിംഗ് ഹെഡിലും ഇഗ്നിഷൻ കീയിലും കാണിച്ചിരിക്കുന്നു.
മോട്ടോർസൈക്കിളിനെക്കുറിച്ച് കുറച്ച് പറയുമ്പോൾ, കാർബൺ ഫൈബറിൽ തീർത്ത ഫ്രെയിം, സൈഡ് ഫ്രെയിം, ഫെയറിംഗ്, സ്വിംഗ്ആം, വീലുകൾ എന്നിവ ഉപയോഗിച്ച് റോഡ് ഉപയോഗത്തിനായി അംഗീകരിച്ച ലോകത്തിലെ ഏക മോട്ടോർസൈക്കിൾ ഇതാണ്.
ഇവയുടെ ഉപയോഗം മോട്ടോർസൈക്കിളിന് വെറും 152 കിലോഗ്രാം ഭാരം വരാൻ കാരണമായി. ഇത് ബൈക്കിന് പാനിഗേൽ V4R -നേക്കാൾ 40 കിലോഗ്രാം ഭാരം കുറയ്ക്കുന്നു.
മണിക്കൂറിൽ 270 കിലോമീറ്ററിൽ 50 കിലോഗ്രാം ഡൗൺഫോർസ് നൽകുന്ന ഡ്യുക്കാറ്റിയുടെ മോട്ടോജിപി മെഷീനിൽ നിന്ന് ഉരുത്തിരിഞ്ഞ ബൈ-പ്ലെയിൻ വിംഗ്സിനു പുറമെ സൂപ്പർലെഗെര V4 -ന് അധിക വിംഗ്ലെറ്റുകൾ ലഭിക്കുന്നു.
യാന്ത്രികമായി, സൂപ്പർലെഗെര V4 224 bhp കരുത്തും 115 Nm torque ഉം ഉത്പാദിപ്പിക്കുന്ന ഡെസ്മോസെഡിസി സ്ട്രേഡേൽ V4 എഞ്ചിൻ ഉപയോഗിക്കുന്നു. അക്രപോവിക് ഫുൾ സിസ്റ്റം എക്സ്ഹോസ്റ്റ് കൂട്ടിച്ചേർക്കുമ്പോൾ കരുത്ത് 234 bhp വരെ പവർ വർദ്ധിപ്പിക്കുന്നു. ഇത് V4 R ഉത്പാദിപ്പിക്കുന്നതിനേക്കാൾ 20 bhp കൂടുതലാണ്.
കാർബൺ ഫൈബർ ഓപ്പൺ ക്ലച്ച് കവർ, സ്വിംഗാആം കവർ, ഹെഡ്ലാമ്പ് റീപ്ലേസ്മെന്റ് കിറ്റ്, ടെയിൽ ടൈഡി കിറ്റ്, സൈഡ് സ്റ്റാൻഡ് റിമൂവൽ കിറ്റ്, ബില്ലറ്റ് അലുമിനിയം മിറർ റീപ്ലേസ്മെന്റ് ക്യാപ്സ്, റേസിംഗ് ഫ്യൂവൽ ക്യാപ്, ബ്രേക്ക് ലിവർ പ്രൊട്ടക്ടറുകൾ, മോട്ടോർ സൈക്കിൾ കവർ, ഫ്രണ്ട്, റിയർ സ്റ്റാൻഡ്, ബാറ്ററി ചാർജർ എന്നിവയും റേസിംഗ് കിറ്റിൽ ഉൾപ്പെടുന്നു.
ഇത് കൂടുതൽ രസകരമാക്കുന്നതിന്, ഡ്യുക്കാട്ടി ഓരോ സൂപ്പർലെഗെര V4 ഉപഭോക്താക്കൾക്കും മുഗെല്ലോയിൽ WSBK-സ്പെക്ക് പാനിഗേല V4 R ഓടിക്കാൻ അവസരം നൽകുന്നു.
കൂടാതെ, ആദ്യത്തെ 30 ഉടമകൾക്ക് സർക്യൂട്ടിൽ ഡ്യുക്കാട്ടിയുടെ മോട്ടോജിപി മെഷീൻ ഓടിക്കാനും അവസരം ലഭിക്കും. മോട്ടോർ സൈക്കിൾ ഉടൻ അന്താരാഷ്ട്ര വിപണിയിൽ എത്തും.
കൂടാതെ കമ്പനി ഉടൻ തന്നെ സൂപ്പർലെഗെറയെ ഇന്ത്യൻ വിപണിയിൽ അവതരിപ്പിക്കുമെന്ന് ഞങ്ങൾ പ്രതീക്ഷിക്കുന്നു, പക്ഷേ പരിമിതമായ എണ്ണം മാത്രമാവും രാജ്യത്ത് എത്തുക.
Continue with Google