ഇലക്ട്രിക് ടൂ-വീലർ സബ്സ്ക്രിപ്ഷൻ പദ്ധതിയുമായി ഇബൈക്ഗോ

പ്രതിമാസം 3,600 രൂപ മുതലാവും ഈ സേവനങ്ങളുടെ നിരക്ക് ആരംഭിക്കുന്നത്. വാഹന ഫ്ലീറ്റ് സേവനങ്ങൾ ആവശ്യമുള്ള കോർപ്പറേറ്റ് കമ്പനികൾക്കോ ​​യാത്രാ ആവശ്യങ്ങൾക്കായി ഉപയോഗിക്കാൻ ആഗ്രഹിക്കുന്ന വ്യക്തികൾക്കോ ​​പുതിയ സേവനം ലഭ്യമാണ്.

ലോക്ക്ഡൗൺ കാരണം രാജ്യത്തുടനീളമുള്ള പലമേഖലകളും പ്രവർത്തനരഹിതമായ സമയത്താണ് ഈ പ്രഖ്യാപനം വരുന്നത്. യാത്ര ചെയ്യുമ്പോൾ സാമൂഹിക അകലം പാലിക്കുന്നതിനായി സ്വകാര്യ വാഹനങ്ങൾ സ്വന്തമാക്കുകയോ വാഹനങ്ങൾ ലീസിന് എടുക്കുയോ ചെയ്യുന്നതിന് ഉപഭോക്താക്കളെ ഗൗരവമായി പരിഗണിക്കാൻ ഈ പ്രഖ്യാപനം പ്രേരിപ്പിച്ചു.

MOST READ: നിവസ് അരങ്ങറ്റത്തിന് സജ്ജം; അവസാന ടീസര്‍ പങ്കുവെച്ച് ഫോക്‌സ്‌വാഗണ്‍

വാസ്തവത്തിൽ മഹാമാരിയുടെ ഫലമായി വ്യക്തിഗത മൊബിലിറ്റി സമീപഭാവിയിൽ ഒരു കുതിച്ചുചാട്ടം കാണുമെന്ന് അടുത്തിടെ പുറത്തുവന്ന നിരവധി സർവേകൾ സൂചിപ്പിക്കുന്നു.

ഉപഭോക്താക്കൾക്ക് കുറഞ്ഞത് ഒരു മാസത്തേക്ക് ഒരു ഇലക്ട്രിക് സ്കൂട്ടർ ഒരുമാസം വാടകയ്ക്ക് കൊടുക്കാൻ മുതൽ 18 മാസം സബ്സ്ക്രിപ്ഷനായി നൽകാൻ വരെ അവസരമുണ്ട്.

MOST READ: 2025 അവസാനത്തോടെ പ്രതിവര്‍ഷം ഒരു ലക്ഷം കാറുകളുടെ വില്‍പ്പന ലക്ഷ്യമിട്ട സ്‌കോഡ

ഉപഭോക്താക്കൾക്ക് കമ്പനിയിൽ നിന്ന് ഹെൽമെറ്റുകളും ഫുൾ-ഫെയ്സ് മാസ്കുകളും അധിക ചിലവിൽ വാടകയ്ക്ക് എടുക്കാൻ കഴിയും.

നിലവിൽ, ഇബൈക്ക്ഗോ അതിന്റെ സബ്സ്ക്രിപ്ഷൻ മോഡലിന് കീഴിൽ 300 -ൽ അധികം ഇലക്ട്രിക് സ്കൂട്ടറുകൾ പ്രവർത്തിക്കുന്നു. ഒരൊറ്റ ചാർജിൽ 70 കിലോമീറ്റർ ദൂരം ഇവയ്ക്ക് സഞ്ചരിക്കാൻ കഴിയും.

MOST READ: ഐസിഐസിഐ ബാങ്കുമായി കൈകോര്‍ത്ത് മാരുതി; പുതിയ ഇഎംഐ പദ്ധതികള്‍

പൂർണ്ണമായി ചാർജ് ചെയ്യാൻ എസ്‌കൂട്ടറുകൾക്ക് മൂന്ന് മണിക്കൂർ വരെ സമയം എടുക്കും. മോഡലുകൾക്ക് 200 കിലോ വരെ ഭാരം വഹിക്കാനാവും. വാഹനം തകരാറിലായാൽ 24x7 റോഡ് സൈഡ് അസിസ്റ്റൻസും കമ്പനി വാഗ്ദാനം ചെയ്യുന്നു.

സൊമാറ്റോ, ബിഗ് ബാസ്കറ്റ്, ഡെൽഹിവറി, റെബൽ ഫുഡ്സ്, സ്വിഗ്ഗി, ഗുഡ്ബോക്സ് തുടങ്ങി നിരവധി ഡെലിവറി പ്ലാറ്റ്ഫോമുകളിലേക്ക് ഇബൈക്ഗോ സേവനങ്ങൾ വാഗ്ദാനം ചെയ്യുന്നു.

MOST READ: കളം മാറ്റി ചവിട്ടാൻ റോയൽ എൻ‌ഫീൽഡ്, ഭാവി മോഡലുകൾ ഒരുങ്ങുന്നത് പുത്തൻ പ്ലാറ്റ്ഫോമിൽ

അമൃത്സർ, ബാംഗ്ലൂർ, മുംബൈ, ഡൽഹി, ജയ്പൂർ, ഹൈദരാബാദ്, വിജയവാഡ എന്നിവയുൾപ്പെടെ ഇന്ത്യയിലെ ഏഴ് നഗരങ്ങളിലാണ് കമ്പനി ഇപ്പോൾ പ്രവർത്തിക്കുന്നത്.