ഇസിയു തകരാർ; നിഞ്ച ZX-10R തിരിച്ചുവിളിച്ച് കവസാക്കി

ഉയർന്ന rpm-ൽ‌ റൈഡർ‌ ക്വിക്ക് ഷിഫ്റ്റർ‌ ഉപയോഗിക്കുമ്പോൾ തിരിച്ചടിക്കുന്ന പ്രശ്നത്തിന് കാരണമാകും. നാഷണൽ ഹൈവേ ട്രാൻസ്പോർട്ടേഷൻ സേഫ്റ്റി അഡ്മിനിസ്ട്രേഷൻ (NHTSA) പ്രസിദ്ധീകരിച്ച നോട്ടീസ് പ്രകാരം 1,529 മോട്ടോർസൈക്കിളുകളെ ഈ തിരിച്ചുവിളിക്കൽ ബാധിക്കും.

2019-2020 കവസാക്കി നിഞ്ച ZX-10R, 2019-2020 കവസാക്കി നിഞ്ച ZX-10R ABS, 2019-2020 കവസാക്കി നിഞ്ച ZX-10RT ABS KRT എഡിഷൻ എന്നീ മോഡലുകളെയാണ് ഈ പ്രശ്നം ബാധിച്ചിരിക്കുന്നത്.

MOST READ: ബിഎംഡബ്ല്യു R18 ക്രൂയിസർ നവംബർ മാസത്തോടെ വിപണിയിലേക്ക് എത്തും

തെറ്റായ ഇസിയു പ്രോഗ്രാമിംഗ് 998 സിസി, ഇൻ-ലൈൻ നാല് സിലിണ്ടർ എഞ്ചിൻ ബാക്ക്ഫയർ ചെയ്യുന്നതിന് കാരണമാകുമെന്നും ജാപ്പനീസ് ബ്രാൻഡ് വ്യക്തമാക്കുന്നു.

ആവർത്തിച്ചുള്ള ബാക്ക്ഫയറിംഗ് എഞ്ചിൻ ഉത്പാദിപ്പിക്കുന്ന മലിനീകരണം കുറയ്ക്കാൻ സഹായിക്കുന്ന ഒരു ഘടകമായ എയർ സക്ഷൻ വാൽവിന്റെ രൂപഭേദത്തിന് അല്ലെങ്കിൽ തകരാറിന് കാരണമാകും.

MOST READ: കാത്തിരിപ്പിന് വിരാമം, പുതിയ ടൊയോട്ട ഫോർച്യൂണർ ഫെയ്‌സ്‌ലിഫ്റ്റ് വിപണിയിൽ

നീണ്ട ഉപയോഗത്തിലൂടെ സക്ഷൻ വാൽവ് തകർന്നാൽ എക്‌സ്‌ഹോസ്റ്റ് വാതകങ്ങൾ എക്‌സ്‌ഹോസ്റ്റ് സിസ്റ്റത്തിലേക്ക് പിന്നിലേക്ക് പ്രവഹിക്കുകയും അതിന്റെ ഉയർന്ന താപനില മറ്റ് ഘടകങ്ങൾ ഉരുകുകയും ചെയ്യുതിലേക്ക് നയിക്കും. ഏറ്റവും തീവ്രമായ കേസുകളിൽ ഈ പ്രശ്‌നം തീപിടുത്തത്തിന് കാരണമായേക്കാമെന്ന് കവസാക്കി അഭിപ്രായപ്പെടുന്നു.

തിരിച്ചുവിളിക്കൽ പ്രക്രിയ 2020 ജൂൺ എട്ടിന് ആരംഭിക്കുമെന്ന് പ്രതീക്ഷിക്കുന്നു. കാവസാക്കി ബാധിത മോട്ടോർസൈക്കിളുകളുടെ ഉടമകളുമായി ഇ-മെയിൽ വഴി ആശയവിനിമയം നടത്തുകയും അവരുടെ കവസാക്കി ഡീലർഷിപ്പുമായി കൂടിക്കാഴ്‌ച നടത്താൻ അവരെ ക്ഷണിക്കുകയും ചെയ്യും.

MOST READ: വിൻഫാസ്റ്റ് ഇലക്‌ട്രിക് കാർ നിർമിക്കാൻ മഹീന്ദ്രയുടെ കീഴിലുള്ള പിനിൻ‌ഫറീനയും

ഡീലർ ഇസിയുവിനെ റീപ്രോഗ്രാം ചെയ്യുകയും എയർ സക്ഷൻ വാൽവും ചുറ്റുമുള്ള ഘടകങ്ങളും പരിശോധിക്കുകയും ചെയ്യും. ഏതെങ്കിലും ഭാഗങ്ങൾ‌ക്ക് കേടുപാടുകൾ‌ സംഭവിച്ചാൽ‌, അവയെല്ലാം സൗജന്യമായി മാറ്റിസ്ഥാപിക്കും.

പ്രശ്ന ബാധിത മോട്ടോർസൈക്കിളുകളുടെ ഉത്പാദന തീയതികളും വെഹിക്കിൾ ഐഡൻറിഫിക്കേഷൻ നമ്പറുകളും (VIN) NHTSA വെബ്‌സൈറ്റിൽ പട്ടികപ്പെടുത്തിയിട്ടുണ്ട്.