2020 നിഞ്ച 650, Z650 മോഡലുകളുടെ ബുക്കിംഗ് ആരംഭിച്ച് കവാസാക്കി

വാഹനങ്ങൾ പുതിയ എമിഷൻ മാനദണ്ഡങ്ങൾ പാലിക്കുക മാത്രമല്ല സമഗ്രമായ അപ്‌ഡേറ്റുകൾ നേടുകയും ചെയ്യുന്നു. 2020 കവാസാക്കി Z650 ബിഎസ് VI കഴിഞ്ഞ വർഷം ഡിസംബറിൽ 6.25-6.50 ലക്ഷം രൂപ വിലയ്ക്ക് നിർമ്മാതാക്കൾ പ്രഖ്യാപിച്ചിരുന്നു.

എന്നാൽ 2020 നിഞ്ച 650 ജനുവരിയിലാണ് നിർമ്മാതാക്കൾ അവതരിപ്പിച്ചത്. 6.65-6.79 ലക്ഷം രൂപയാണ് വാഹനത്തിന്റെ എക്സ്-ഷോറൂം വില. ഏപ്രിൽ മാസത്തോടെ ബൈക്കുകൾ എത്തുമെന്ന് നിശ്ചയിച്ചിരുന്നെങ്കിലും കൊറോണ വൈറസ് മഹാമാരി കാരണം ലോഞ്ച് വൈകി.

MOST READ: ഇന്ത്യയിലേക്ക് ചുവടുവെക്കാൻ ഒരുങ്ങുന്ന പുത്തൻ കാർ ബ്രാൻഡുകൾ

2020 കവാസാക്കി Z650 ബിഎസ് VI -ന് പുതിയ Z900 പ്രചോദിത ഹെഡ്‌ലാമ്പ് കൗൾ ഉൾപ്പെടെ ധാരാളം അപ്‌ഗ്രേഡുകൾ ലഭിക്കുന്നു. ബൈക്കിന് കൂടുതൽ അഗ്രസീവ് രൂപഭാവം ലഭിക്കുന്നു, കൂടാതെ എൽഇഡി ലൈറ്റിംഗാണ് വാഹനത്തിന് വരുന്നത്.

സ്മാർട്ട്‌ഫോൺ പെയർ ചെയ്യുന്നതിനായി ബ്ലൂടൂത്ത് കണക്റ്റിവിറ്റിയുള്ള പുതിയ TFT ഡിസ്‌പ്ലേയും റൈഡോളജി അപ്ലിക്കേഷനും ബൈക്കിനുണ്ട്. 649 സിസി പാരലൽ-ട്വിൻ മോട്ടോർ 8000 rpm -ൽ 67.3 bhp കരുത്തും 6700 rpm -ൽ 64 Nm torque ഉം ഉത്പാദിപ്പിക്കുന്നനു.

MOST READ: ഒരുമീറ്റര്‍ അകലത്തില്‍ പിന്‍സീറ്റ്; സാമൂഹിക അകലം പാലിച്ച് നിര്‍മ്മിച്ച ഇലക്ട്രിക്ക് ബൈക്ക് ഹിറ്റ്

ബിഎസ് IV എഞ്ചിൻ 67.2 bhp കരുത്തും 65.7 Nm torque ഉം പുറപ്പെടുവിച്ചിരുന്നത്. ഒരേ 6 സ്പീഡ് ഗിയർബോക്സുമായി മോട്ടോർ ജോടിയാക്കിയിരിക്കുന്നു.

2020 ലെ കവാസാക്കി നിഞ്ച 650 ബിഎസ് VI സമാനമായ നവീകരണങ്ങളോടെ പുതിയ അഗ്രസ്സീവ് ഫെയറിംഗ്, പുതിയ ഇന്ധന ടാങ്ക്, പുതുക്കിയ ടെയിൽ സെക്ഷൻ എന്നിവയുൾപ്പെടെ വരുന്നു.

MOST READ: ആപ്പിൾ കാർപ്ലേയും ആൻഡ്രോയിഡ് ഓട്ടോ കണക്റ്റിവിറ്റിയും ലഭ്യമാകുന്ന കുഞ്ഞൻ കാറുകൾ

ഇരട്ട ഹെഡ്‌ലാമ്പുകൾക്ക് ഇപ്പോൾ എൽഇഡി ബൾബുകളാണ് നൽകുന്നത്. 4.3 ഇഞ്ച് TFT സ്‌ക്രീൻ റൈഡോളജി ആപ്ലിക്കേഷനോടുകൂടി 2020 പതിപ്പിലും നിർമ്മാതാക്കൾ ചേർത്തിരിക്കുന്നു.

8000 rpm -ൽ 66.4 bhp കരുത്തും 6700 rpm -ൽ 64 Nm torque ഉം ട്യൂൺ ചെയ്തിട്ടുള്ള 649 സിസി മോട്ടോറാണ് നിഞ്ച 650 -യുടെ ഹൃദയം. സ്പോർട്സ് ടൂറർ മോട്ടോർസൈക്കിളിന്റെ മിഡ് റേഞ്ച് ടോർക്ക് ഔട്ട്പുട്ടിൽ ഒരു പുരോഗതി ലഭിക്കുന്നുണ്ട്.

MOST READ: ലോക്ക്ഡൗണില്‍ അമിതവേഗം; 4.5 ലക്ഷം വാഹന ഉടമകള്‍ക്ക് പിഴ ചുമത്തി പൊലീസ്

മുൻവശത്ത് ഫാറ്റ് ടെലിസ്‌കോപ്പിക് ഫോർക്കുകൾ, പിൻഭാഗത്ത് ഒരു മോണോഷോക്ക് സസ്‌പെൻഷൻ സജ്ജീകരണം എന്നിവ ഉൾപ്പെടെ രണ്ട് ബൈക്കുകളിലും സൈക്കിൾ ഭാഗങ്ങൾ സമാനമായിരിക്കും. ബ്രേക്കിംഗ് സിസ്റ്റത്തിൽ ഇരട്ട-ചാനൽ ABS ഉള്ള പെറ്റൽ ഡിസ്കുകൾ ഉൾപ്പെടുന്നു. വിശാലമായ വിശാലമായ 160/60 R17 പിൻ ടയറുമായാണ് 2020 Z650 വരുന്നത്.

2020 കവാസാക്കി നിഞ്ച 650 ബിഎസ് VI ലൈം ഗ്രീൻ എബണി, പേൾ ഫ്ലാറ്റ് സ്റ്റാർഡസ്റ്റ് വൈറ്റ് എന്നീ രണ്ട് നിറങ്ങളിൽ ലഭിക്കും. Z650 ബിഎസ് VI -ന് സിംഗിൾ മെറ്റാലിക് സ്പാർക്ക് ബ്ലാക്ക് കളർ സ്കീം ലഭിക്കും.

ബിഎസ് IV മോഡലുകളുമായി താരതമ്യപ്പെടുത്തുമ്പോൾ ബൈക്കുകളുടെ വില യഥാക്രമം 55,000 രൂപ വർധിച്ചിട്ടുണ്ട്. ബിഎസ് VI മോഡലുകളുടെ കൃത്യമായ വിലനിർണ്ണയം ലോഞ്ചിനടുത്ത് ലഭ്യമാകും. ബൈക്കുകൾക്കായുള്ള ഡെലിവറികൾ ലോക്ക്ഡൗണിന് ശേഷം മാത്രമേ ആരംഭിക്കൂ.