കെടിഎം കരുത്തിൽ പുതിയ സിഎഫ് മോട്ടോ 1250TR-G ടൂറർ വിപണിയിൽ

കെടിഎം സോഴ്‌സ്ഡ് LC8 ട്വിൻ സിലിണ്ടർ മോട്ടോർ മോട്ടോർസൈക്കിളിന്റെ ഒരു പ്രധാന ആകർഷണം തന്നെയാണ്. ബ്രാൻഡിൽ നിന്നുള്ള ഏറ്റവും പുതിയ ഉൽപ്പന്നം ചൈനയിൽ നടന്ന സിമാ ഷോയിലാണ് കമ്പനി അനാച്ഛാദനം ചെയ്തത്.

ബ്രെംബോ-സോഴ്‌സ്ഡ് കാലിപ്പറുകളും WP സസ്‌പെൻഷൻ സജ്ജീകരണവും അടങ്ങുന്ന ടോപ്പ്-സ്പെക്ക് പ്രീമിയം ഹാർഡ്‌വെയറാണ് മോട്ടോർസൈക്കിളിൽ സിഎഫ് മോട്ടോ ഉപയോഗിച്ചിരിക്കുന്നത്.

MOST READ: 2021 ഫോർച്യൂണർ ലെജൻഡറിന്റെ ഫീച്ചറുകൾ വെളിപ്പെടുത്തി ടൊയോട്ട; വീഡിയോ

ബ്രേക്കിംഗ് സജ്ജീകരണത്തിൽ മുൻവശത്ത് ഇരട്ട ഡിസ്കുകളും പിന്നിൽ ഒരു റോട്ടറും ഉൾപ്പെടുന്നു. മുൻവശത്തെ ഇൻവേർട്ടഡ് ടെലിസ്‌കോപ്പിക് ഫോർക്കുകളും പിന്നിൽ ഒരു മോണോ ഷോക്കും ഉപയോഗിച്ചാണ് 250TR-G ടൂറർ മോട്ടോർസൈക്കിളിന്റെ സസ്പെൻഷൻ കൈകാര്യം ചെയ്തിരിക്കുന്നത്.

JBL സ്റ്റീരിയോ സിസ്റ്റവും പൂർണ കളർ ഡിസ്‌പ്ലേയും മോട്ടോർസൈക്കിളിൽ വാഗ്‌ദാനം ചെയ്യുന്നത് പ്രശംസനീയമാണ്. ഡിസ്‌പ്ലേ മൾട്ടിമീഡിയ നിയന്ത്രണങ്ങൾ, റൈഡിംഗ് മോഡുകൾ, സസ്‌പെൻഷൻ ക്രമീകരണങ്ങൾ, ടയർ പ്രഷർ എന്നിവയിലേക്കുള്ള ആക്‌സസും ഇത് പ്രദർശിപ്പിക്കും.

MOST READ: അത്ര പ്രിയം പോര, വെന്യുവിന്റെ മാനുവൽ ഗിയർബോക്‌സ് വേരിയന്റിനെ പിൻവലിച്ച് ഹ്യുണ്ടായി

ടൂറിംഗ് ഫോക്കസ്ഡ് ഹാർഡ്‌വെയറിൽ ഹീറ്റഡ് ഗ്രിപ്പുകൾ, ഹീറ്റഡ് സീറ്റുകൾ, ഇലക്ട്രിക്കലി ക്രമീകരിക്കാവുന്ന വിൻഡ്‌സ്ക്രീൻ എന്നിവയും ഉൾപ്പെടുന്നു.

സെമി ഫെയറിംഗ് ഡിസൈൻ, എൽഇഡി ലൈറ്റിംഗ്, ഉയരമുള്ള വിൻഡ്‌സ്ക്രീൻ, ടോപ്പ് ബോക്സ് മൗണ്ട് ചെയ്ത പില്യൺ ബാക്ക് റെസ്റ്റ് എന്നിവയാണ് പ്രീമിയം ടൂററിന്റെ സ്റ്റൈലിംഗിനായി കമ്പനി ഒരുക്കിയിരിക്കുന്നത്.

MOST READ: വരാനിരിക്കുന്നത് പ്രീമിയം സ്‌കൂട്ടറുകളുടെ രാജാവ്; പുതിയ ഫോർസ 750 മോഡലിന്റെ ടീസർ വീഡോയോയുമായി ഹോണ്ട

1250TR-G യിലെ 1279 സിസി, എൽ-ട്വിൻ, ലിക്വിഡ്-കൂൾഡ് എഞ്ചിൻ 140 bhp കരുത്ത് വികസിപ്പിക്കാൻ പ്രാപ്‌തമാണ്. ചൈനീസ് അരങ്ങേറ്റത്തിനുശേഷം മോട്ടോർസൈക്കിളിനെ അന്താരാഷ്ട്ര വിപണികളിലേക്ക് കൊണ്ടുവരാൻ സിഎഫ് മോട്ടോയ്ക്ക് ലക്ഷ്യമുണ്ട്.

എന്നാൽ ആഗോള വിപണികളിലേക്ക് ബൈക്ക് എപ്പോൾ എത്തുമെന്ന സ്ഥിരീകരണങ്ങളൊന്നും കമ്പനി നടത്തിയിട്ടില്ല. ഇന്ത്യയും സിഎഫ് മോട്ടോയുടെ ഒരു പ്രധാന വിപണിയാണ് എന്നതിനാൽ തന്നെ സമീപഭാവിയിൽ 1250TR-G നമുക്കും ലഭ്യമായേക്കും. ടൂററിനു പുറമെ കെടിഎം 790 അഡ്വഞ്ചർ അധിഷ്ഠിത ടൂറർ മോട്ടോർസൈക്കിളിലും ബ്രാൻഡ് പ്രവർത്തിക്കുന്നുണ്ട്.