Click it and Unblock the Notifications
WR155-നെ തായ്ലാന്ഡില് അവതരിപ്പിച്ച് യമഹ
ഒഫ് റോഡ് മോഡലായ WR 155R-നെ തായ്ലാന്ഡില് അവതരിപ്പിച്ച് ജാപ്പനീസ് നിര്മ്മാതാക്കളായ യമഹ. കഴിഞ്ഞ വര്ഷം ഇന്തോനേഷ്യയിലും ഈ പതിപ്പിനെ കമ്പനി അവതരിപ്പിച്ചിരുന്നു.
ബ്രാന്ഡിന്റെ തന്നെ YZF-R15 V3.0 -ല് കണ്ട അതേ എഞ്ചിനാണ് ബൈക്കിലും നിര്മ്മാതാക്കള് നല്കിയിരിക്കുന്നത്. പക്ഷേ ട്യുണിങ്ങില് വ്യത്യാസമുണ്ട്. 155 സിസി സിംഗിള് സിലിണ്ടര് ലിക്വിഡ്-കൂള്ഡ് എഞ്ചിന് 16.7 bhp കരുത്തും 14.3 Nm torque ഉം ഉത്പാദിപ്പിക്കും.
ആറ് സ്പീഡാണ് ഗിയര്ബോക്സ്. യമഹയുടെ മറ്റ് മോഡലുകളില് നിന്നും വ്യത്യസ്തമായ പ്ലാറ്റ്ഫോമിലാകും ഈ ബൈക്കിനെ കമ്പനി വിപണിയില് അവതരിപ്പിക്കുക.
MOST READ: ഡീസല് വാഹനങ്ങളുടെ അസാന്നിധ്യം മറികടക്കണം; ശ്രദ്ധ ചെറു സിഎന്ജി കാറുകളിലെന്ന് മാരുതി
മുന്നില് 21 ഇഞ്ച് ടയറുകളും പിന്നില് 18 ഇഞ്ച് ടയറുകളുമാകും ഇടംപിടിക്കുക. അതോടൊപ്പം തന്നെ മുന്നില് 41 mm ഫോര്ക്കുകളും പിന്നില് പ്രീ-ലോഡ് അഡ്ജസ്റ്റബിള് ആയിട്ടുള്ള മോണോഷോക്കുമാണ് സസ്പെന്ഷന് കൈകാര്യം ചെയ്യുക.
സുരക്ഷയ്ക്കായി മുന്നില് 240 mm സിംഗിള് ഡിസ്ക് ബ്രേക്കും പിന്നില് 220 mm ഡിസ്ക് ബ്രേക്കുകളും ആകും ഇടംപിടിക്കുക. ആഗേള വിപണിയില് വില്പ്പനയ്ക്ക് എത്തുന്ന മോഡലിന് എബിഎസ് ലഭിക്കുന്നില്ല.
MOST READ: അവന്റഡോർ SVJ റോഡ്സ്റ്റർ സാഗോ പതിപ്പ് പുറത്തിറക്കി ലംബോർഗിനി
888 mm ആണ് ബൈക്കിന്റെ സീറ്റ് ഉയരമുണ്ട്. ശരാശരി വലുപ്പമുള്ള ആളുകള്ക്ക് സവാരി ചെയ്യാന് വളരെ അനുയോജ്യമാണെന്നും കമ്പനി അവകാശപ്പെടുന്നു. 8.1 ലിറ്ററാണ് ഫ്യുവല് ടാങ്ക് കപ്പാസിറ്റി.
245 mm ആണ് ബൈക്കിന്റെ ഗ്രൗണ്ട് ക്ലിയറന്സ്. റിപ്പോര്ട്ട് അനുസരിച്ച് ബൈക്കിനെ നിര്മ്മാതാക്കള് ഇന്ത്യന് വിപണിയിലും അവതരിപ്പിച്ചേക്കുമെന്നാണ് സൂചന. വിപണിയില് എത്തിയാല് ഹീറോ എക്സ്പള്സ് 200, റോയല് എന്ഫീല്ഡ് ഹിമാലയന് എന്നിവരാകും എതിരാളികള്.
MOST READ: ജൂലൈ മാസത്തിലും വിവിധ മോഡലുകള്ക്ക് കൈ നിറയെ ഓഫറുമായി മാരുതി
ഇതിനായുള്ള സാധ്യത പഠനങ്ങളും കമ്പനി ആരംഭിച്ചതായി നേരത്തെ റിപ്പോര്ട്ടുകള് വന്നിരുന്നു. പഠനത്തില് പോസിറ്റീവ് ഫീഡ്ബാക്ക് ലഭിച്ചാല് ഇന്ത്യന് വിപണിയിലേക്കുള്ള വാഹനത്തിന്റെ അരങ്ങേറ്റത്തിന് വലിയ കാലതാമസം ഉണ്ടാകില്ലെന്നും റിപ്പോര്ട്ടില് പറയുന്നു.
Continue with Google