Just In
- 39 min ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
- 1 hr ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 2 hrs ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- 3 hrs ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
Don't Miss
- Movies മുക്ത എട്ടാം ക്ലാസില് പഠിക്കുമ്പോള് കള്ളം പറഞ്ഞാണ് സിനിമയില് അഭിനയിച്ചത്; സലിം കുമാര്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
- Sports IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Technology മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട്
- Travel ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
ഇന്ത്യയിലെ മാക്സി സ്കൂട്ടർ ശ്രേണിയിലേക്ക് Yamaha Aerox 155 എത്തുന്നു
ഇന്ത്യൻ വിപണിയിൽ പുതിയ ഉൽപന്ന തന്ത്രത്തിലൂടെ കൂടുതൽ സജീവമാകാൻ ഒരുങ്ങുകയാണ് ജനപ്രിയ ജാപ്പനീസ് ഇരുചക്രവാഹന നിർമാതാക്കളായ യമഹ. FZ-X 155, MT-15, FZS എന്നിവയുടെ മോട്ടോജിപി എഡിഷനുകൾ അവതരിപ്പിച്ച കമ്പനി പുതിയൊരു 155 സിസി പ്രീമിയം മാക്സി സ്കൂട്ടറിനെ കൂടി രാജ്യത്ത് പരിചയപ്പെടുത്താൻ തയാറെടുക്കുകയാണ്.
ആഗോളതലത്തിൽ പ്രചാരത്തിലുള്ള Yamaha Aerox 155 മോഡലുമായാണ് പുതിയ പരീക്ഷണത്തിന് ബ്രാൻഡ് ഒരുങ്ങുന്നത്. ഇന്ത്യയിൽ പ്രീമിയം സ്കൂട്ടറുകൾക്ക് വർധിച്ചുവരുന്ന ഡിമാന്റ് കണക്കിലെടുത്താണ് ഈ തീരുമാനം. മാത്രമല്ല Suzuki Burgman Street, Aprilia SXR മാക്സി സ്കൂട്ടറുകൾക്ക് ലഭിക്കുന്ന സ്വീകാര്യതയും പുതിയ മോഡലിന്റെ അരങ്ങേറ്റത്തിന് പ്രചോദനമായിട്ടുണ്ട്.
അടുത്ത ഏതാനും മാസങ്ങൾക്കുള്ളിൽ നമ്മുടെ വിപണിയിൽ Yamaha Aerox 155 അവതരിപ്പിക്കപ്പെടും. വാസ്തവത്തിൽ മാക്സി സ്കൂട്ടറിനായുള്ള ഹോമോലോഗേഷനും കമ്പനി പൂർത്തിയാക്കിയിട്ടുണ്ട്. ജാപ്പനീസ് ഇരുചക്ര വാഹന നിർമാതാക്കൾ ഇതിനകം തന്നെ പ്രീമിയം വിഭാഗത്തിൽ ശ്രദ്ധ കേന്ദ്രീകരിക്കുമെന്ന് പ്രഖ്യാപിച്ചിട്ടുണ്ട് എന്നതും പുതിയ മോഡലിന്റെ അവതരണത്തിലേക്ക് കൂടുതൽ ശ്രദ്ധയാകർഷിക്കുന്നുണ്ട്.
കൂടാതെ 150 സിസി മുതൽ 250 സിസി വരെയുള്ള ശ്രേണിയിൽ വിപുലമായ ഉൽപ്പന്നങ്ങളും Yamaha പുറത്തിറക്കും. പുതിയ R15 V3.0 സ്പോർട്സ് മോട്ടോർസൈക്കിളിന്റെ എഞ്ചിൻ പ്ലാറ്റ്ഫോമിനെ അടിസ്ഥാനമാക്കിയാണ് പുതിയ Yamaha Aerox 155 നിർമിച്ചിരിക്കുന്നത് എന്നകാര്യവും കൂടുതൽ ഉപഭോക്താക്കളെ ആകർഷിക്കാൻ സഹായിക്കും.
യമഹയുടെ ബ്ലൂ കോർ സാങ്കേതികവിദ്യയോടുകൂടിയ 155 സിസി, സിംഗിൾ സിലിണ്ടർ, ലിക്വിഡ്-കൂൾഡ് എഞ്ചിനിലാണ് ഇത് പ്രവർത്തിക്കുന്നത്. യമഹ R15 V3 മോഡലിൽ പ്രവർത്തിക്കുന്ന അതേ എഞ്ചിനാണിത്. Aerox മാക്സി സ്കൂട്ടറിലേക്ക് എത്തുമ്പോൾ 155 സിസി യൂണിറ്റ് 8,000 rpm-ൽ പരമാവധി 15.4 bhp കരുത്തും 6,500 rpm-ൽ 13.9 Nm torque ഉം ഉത്പാദിപ്പിക്കാൻ പ്രാപ്തമായിരിക്കും.
R15 മോട്ടോർസൈക്കിളിൽ കാണുന്ന ആറ് സ്പീഡ് ഗിയർബോക്സിൽ നിന്ന് വ്യത്യസ്തമായി എയറോക്സിന് ഒരു സിവിടി യൂണിറ്റാണ് ലഭിക്കുന്നത്. പുതുക്കിയ Yamaha Aerox അടുത്തിടെ തായ്ലൻഡിലും കമ്പനി പരിചയപ്പെടുത്തിയിരിക്കുന്നു. ഇതേ പരിഷ്ക്കരിച്ച പതിപ്പായിരിക്കും ഇന്ത്യയിലും എത്തുക. പുതിയ 155 സിസി സ്കൂട്ടറിന് 125 കിലോഗ്രാം ഭാരമാണുള്ളത്. കൂടാതെ വലിയ 5.5 ലിറ്റർ ഫ്യുവൽ ടാങ്കും സ്വാഗതാർഹമാണ്.
ബ്രേക്കിംഗിനായി സ്കൂട്ടറിന് മുന്നിൽ സിംഗിൾ ഡിസ്കും പിന്നിൽ ഡ്രം ബ്രേക്കുമാകും ലഭിക്കുക. അതോടൊപ്പം മുന്നിലും പിന്നിലും യഥാക്രമം 110/80, 140/70 സെക്ഷൻ ടയറുകളിൽ പൊതിഞ്ഞ 14 ഇഞ്ച് വീലുകളാണ് Yamaha Aerox 155 മോഡലിന് സമ്മാനിച്ചിരിക്കുന്നത്.
വലിപ്പത്തിന്റെ കാര്യത്തിലേക്ക് നോക്കിയാൽ പുതിയ Yamaha Aerox 155 മാക്സി സ്കൂട്ടറിന് 1,980 മില്ലീമീറ്റർ നീളവും 700 മില്ലീമീറ്റർ വീതിയും 1,150 മില്ലീമീറ്റർ ഉയരവും 1,350 മില്ലീമീറ്റർ നീളമുള്ള വീൽബേസുമാണുള്ളത്. സ്കൂട്ടറിൽ യമഹയുടെ വൈ-കണക്ട് സംവിധാനവും സ്റ്റാൻഡേർഡ് ആയി സജ്ജീകരിച്ചിട്ടുണ്ട്.
ഇത് അനുബന്ധ ആപ്ലിക്കേഷൻ ഉപയോഗിച്ച് റൈഡറുടെ സ്മാർട്ട്ഫോണുമായി ബന്ധിപ്പിക്കാൻ റൈഡറിന് കഴിയും. ഈ ആപ്ലിക്കേഷൻ ഉപയോഗിച്ച് സർവീസ് ഇടവേളകൾ, തകരാറുകൾ സംബന്ധിച്ച അറിയിപ്പുകൾ, മൈലേജ്, ബാറ്ററി നില, പാർക്കിംഗ് ലൊക്കേഷൻ തുടങ്ങിയ പ്രവർത്തനങ്ങൾ റൈഡറിന് നിരീക്ഷിക്കാനാകും.
വൈ-കണക്റ്റ് ഉള്ള സ്മാർട്ട്ഫോണിന് ഒരു സെക്കൻഡറി ഇൻസ്ട്രുമെന്റ് പാനലായി പ്രവർത്തിക്കാനും ടാക്കോമീറ്ററും മറ്റ് പ്രവർത്തനങ്ങളും പ്രദർശിപ്പിക്കുകയും അതേസമയം കോളുകളും സന്ദേശ അറിയിപ്പും കാണിക്കാനും സാധിക്കുമെന്ന കാര്യവും ശ്രദ്ധേയമാണ്.
മറ്റ് സവിശേഷതകളുടെ കാര്യത്തിൽ Yamaha Aerox 155 എൽഇഡി ലൈറ്റിംഗ് സംവിധാനമാണ് ഒരുക്കിയിരിക്കുന്നത്. അതിൽ എൽഇഡി ഡിആർഎല്ലുകളുള്ള ഇരട്ട എൽഇഡി ഹെഡ്ലാമ്പുകളും പുതിയ എൽഇഡി ടെയിൽ ലൈറ്റുകളും ഒരു പുതിയ എൽസിഡി ഡിജിറ്റൽ ഇൻസ്ട്രുമെന്റ് കൺസോളും ഉൾപ്പെടും.
ഷാർപ്പ് ഡിസൈനുള്ള സ്കൂട്ടറിന് ചെറുതായി ഉയർത്തിയ ബ്ലാക്ക്-ഔട്ട് എക്സ്ഹോസ്റ്റ്, ആകർഷകമായ ഗ്രാഫിക്സ്, ഉയർന്ന ടെയിൽ സെക്ഷൻ, ബോഡി-കളർ അലോയ് വീലുകൾ എന്നിവയെല്ലാം പ്രത്യേകതയാകും. കളർ ഓപ്ഷനുകളിൽ മാറ്റ് ഗ്രീൻ, യെല്ലോ ഹോർനെറ്റ്, ബ്ലാക്ക് റാവൻ എന്നിവയായിരിക്കും തെരഞ്ഞെടുക്കാൻ സാധിക്കുക.
സ്കൂട്ടറിന് സീറ്റിനടിയിൽ 25 ലിറ്റർ സ്റ്റോറേജ് കമ്പാർട്ട്മെന്റുണ്ട്. സസ്പെൻഷൻ സജ്ജീകരണത്തിനായി സ്കൂട്ടറിന് ടെലിസ്കോപിക് ഫ്രണ്ട് ഫോർക്കുകളും പിന്നിൽ ഇരട്ട ഷോക്ക് അബ്സോർബറുകളുമാണ് Yamaha വാഗ്ദാനം ചെയ്യുന്നത്. പുതിയ മാക്സി സ്കൂട്ടർ ഇന്ത്യയിൽ എത്തുമ്പോൾ ഏകദേശം 1.53 ലക്ഷം രൂപയോളമായിരിക്കും എക്സ്ഷോറൂം വിലയായി മുടക്കേണ്ടി വരിക. നിലവിൽ Yamaha ഇന്ത്യയിലെ സ്കൂട്ടർ നിരയിൽ ഫാസിനോ, റേ ZR തുടങ്ങിയ 125 സിസി മോഡലുകൾ മാത്രമാണുള്ളത്.