Click it and Unblock the Notifications
650 ഇരട്ടകള്ക്കും ഇനി അധികം മുടക്കണം; വില വര്ധിപ്പിച്ച് റോയല് എന്ഫീല്ഡ്
മീറ്റിയോര് 350, ക്ലാസിക് 350, ബുള്ളറ്റ് 350 എന്നിവയ്ക്ക് പിന്നാലെ ജനപ്രീയ മോഡലുകളായ ഇന്റര്സെപ്റ്റര് 650, കോണ്ടിനെന്റല് ജിടി എന്നിവയ്ക്കും വില വര്ധനവുമായി റോയല് എന്ഫീല്ഡ്.
2018-ലാണ് ഇരുമോഡലുകളെയും കമ്പനി വിപണിയില് അവതരിപ്പിക്കുന്നത്. ബ്രാന്ഡിനായി അന്താരാഷ്ട്ര വിപണികളില് പോലും വലിയ വില്പ്പന നേടിക്കൊടുക്കുന്ന മോഡലുകളാണ് 650 ഇരട്ടകള്. വില വര്ധനവ് മോഡലുകളുടെ വില്പ്പനയെ ബാധിക്കുമോ എന്നത് കാത്തിരുന്ന് കാണണം.
ലഭ്യമായ റിപ്പോര്ട്ട് അനുസരിച്ച് 3,009 രൂപ മുതല് 3,379 രൂപ വരെയാണ് വില വര്ധിപ്പിച്ചിരിക്കുന്നത്. വില വര്ധനവ് നടപ്പാക്കി എന്നതൊഴിച്ചാല് മറ്റ് മാറ്റങ്ങള് ബൈക്കുകളില് പ്രകടമല്ല. പുതിയ വില വിവരങ്ങളാണ് ചുവടെ നല്കിയിരിക്കുന്നത്.
| Model / Variant Colours | New Price | Old Price | Difference |
| Interceptor 650 Mark Three/ Orange Crush/ Silver Spectre | Rs2,69,764 | Rs2,66,755 | Rs3,009 |
| Interceptor 650 Ravishing Red/ Baker Express/ | Rs2,77,732 | Rs2,74,643 | Rs3,089 |
| Interceptor 650 Glitter and Dust | Rs2,91,007 | Rs2,87,787 | Rs3,220 |
| Continental GT 650 Ventura Blue/ Black Magic | Rs2,85,680 | Rs2,82,513 | Rs3,167 |
| Continental GT 650 Ice Queen / Dr. Mayhem | Rs2,93,648 | Rs2,90,401 | Rs3,247 |
| Continental GT 650 Mr. Clean | Rs3,06,923 | Rs3,03,544 | Rs3,379 |
MOST READ: കുടുംബത്തിലെ പുതിയ അതിഥി; ഥാര് സ്വന്തമാക്കിയ സന്തോഷം പങ്കുവെച്ച് വിജയ് ബാബു
ബിഎസ് VI-ലേക്ക് നവീകരിച്ച 648 സിസി പാരലല് ട്വിന് സിലിണ്ടര് എഞ്ചിനാണ് ബൈക്കുകള്ക്ക് കരുത്ത് നല്കുന്നത്. ഈ എഞ്ചിന് 47 bhp കരുത്തും 52 Nm torque ഉം ആണ് ഉത്പാദിപ്പിക്കുന്നത്.
ആറ് സ്പീഡ് ഗിയര്ബോക്സിനൊപ്പം സ്ലിപ്പ് അസിസ്റ്റ് ക്ലച്ച്, ഡ്യുവല് ചാനല് എബിഎസ് എന്നീ സംവിധാനങ്ങളും വാഹനത്തിലുണ്ട്. ഇരുമോഡലിന്റെയും നവീകരിച്ച പതിപ്പിനെ അധികം വൈകാതെ വില്പ്പനയ്ക്ക് എത്തിക്കുമെന്ന് കമ്പനി വ്യക്തമാക്കിയിട്ടുണ്ട്.
MOST READ: 2020 -ൽ യൂറോപ്യൻ വിപണിയിലെ താരമായി ഫോക്സ്വാഗൺ ഗോൾഫ്
ഡിസൈനിലോ, എഞ്ചിനിലോ മാറ്റങ്ങള് വരുത്തില്ലെങ്കിലും പുതിയ കുറച്ച് ഫീച്ചറുകളാകും ഇരട്ടകളിലെ ഹൈലൈറ്റ്. മീറ്റിയോര് 350-യില് അവതരിപ്പിച്ച ട്രിപ്പര് നാവിഗേഷന് എന്ന ഫീച്ചറാണ് ബൈക്കുകളിലെ പ്രധാന ഫീച്ചറായി ഇടംപിടിക്കുക.
ട്രിപ്പര് എന്ന പ്രത്യേക പോഡ് വഴി ബ്ലൂടൂത്തും നാവിഗേഷന് സഹായവും ലഭിച്ച ആദ്യത്തെ മോട്ടോര്സൈക്കിളാണ് റോയല് എന്ഫീല്ഡ് മീറ്റിയോര്. ഈ ആക്സസറി ഉടന് തന്നെ വലിയ ഇന്റര്സെപ്റ്റര് 650, കോണ്ടിനെന്റല് ജിടി 650 എന്നിവയിലേക്ക് ഒരു ആക്സസറി ഫിറ്റ്മെന്റായി നല്കുമെന്നാണ് കമ്പനി അറിയിച്ചിരിക്കുന്നത്.
MOST READ: പുതിയ അവൻസ ഈ വർഷം തന്നെ വിപണിയിലെത്തിക്കാനൊരുങ്ങി ടൊയോട്ട
650 സിസി ബൈക്കിന്റെ ഇരട്ട-പോഡ് ഇന്സ്ട്രുമെന്റ് കണ്സോള് സജ്ജീകരണത്തിന് അടുത്തായി ട്രിപ്പര് പോഡ് ഇന്സ്റ്റാള് ചെയ്യും. മോട്ടോര് സൈക്കിള് ബാറ്ററിയില് നിന്ന് ഇത് പവര് എടുക്കും.
ട്രിപ്പര് നിങ്ങളുടെ സ്മാര്ട്ട്ഫോണുമായി ബ്ലൂടൂത്ത് വഴി സമന്വയിപ്പിക്കുകയും അതിന്റെ കളര് ടിഎഫ്ടി സ്ക്രീന് വഴി ദിശകളും ദൂരങ്ങളും പ്രദര്ശിപ്പിക്കുന്നതിന് ഗൂഗുിള് മാപ്സ് ഉപയോഗിക്കുകയും ചെയ്യും.
MOST READ: വാഹന ലോകത്തേക്കുള്ള ആപ്പിളിന്റെ ചുവടുവെപ്പ് ഹ്യുണ്ടായിയുടെ കൈപ്പിടിച്ച്; സാധ്യതകൾ ഇങ്ങനെ
ബ്രാന്ഡില് നിന്നുള്ള മറ്റ് വാര്ത്തകള് പരിശോധിച്ചാല് 650 ശ്രേണി നിര്മ്മാതാക്കള് വിപുലീകരിച്ചേക്കുമെന്നാണ് സൂചന. ഈ ശ്രേണിയിലേക്ക് ഒരു പുതിയ ക്രൂയിസര് ബൈക്കിനെ അവതരിപ്പിച്ചേക്കുമെന്നാണ് സൂചന.
പരീക്ഷണയോട്ടം നടത്തുന്ന ബൈക്കിന്റെ ചിത്രങ്ങള് പുറത്തുവരുകയും ചെയ്തിരുന്നു. 2018-ല് മിലാനില് നടന്ന EICMA മോട്ടോര്സൈക്കിള് ഷോയില് ബ്രാന്ഡ് ഒരു KX ബോബറിനെ പരിചയപ്പെടുത്തിയിരുന്നു.
ഇതിനെ അടിസ്ഥാനമാക്കിയാണ് പുതിയ 650 സിസി ക്രൂയിസര് ബൈക്ക് ഒരുങ്ങുന്നതെന്നാണ് സൂചന. എന്നാല് ഇതുമായി ബന്ധപ്പെട്ട ഔദ്യോഗിക വിവരങ്ങളൊന്നും റോയല് എന്ഫീല്ഡ് പങ്കുവച്ചിട്ടില്ല.
Continue with Google