Just In
- 3 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 4 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 5 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 5 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- Movies 'കാക്കേ പറന്നു പോ'; ജാസ്മിന് ജിന്റോയ്ക്കെതിരെ വംശീയ അധിക്ഷേപം നടത്തിയോ? ചൂടേറിയ ചര്ച്ച
- News ഈ രാശിക്കാരാണോ? സുവര്ണനേട്ടങ്ങള് തേടിയെത്തും, സമ്പത്തും ഐശ്വര്യവും ലഭിക്കും; ഭാഗ്യം ഒപ്പമുണ്ടാവും
- Lifestyle ഈ വസ്തുക്കള് വീട്ടില് വെക്കുന്നത് ഐശ്വര്യക്കേട്; കഷ്ടകാലം, ധനനഷ്ടം, മനക്ലേശം എന്നിവയുണ്ടാകും
- Sports IPL 2024: ഹാര്ദിക് എന്തിന് ടീമില്? വീണ്ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ്
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
എൻടോർഖിനെ വെല്ലും! പുതിയ അവെനിസ് സ്കൂട്ടറിനെ വിപണിയിൽ എത്തിച്ച് സുസുക്കി; വില 86,700 രൂപ
അവെനിസ് എന്ന് വിളിക്കപ്പെടുന്ന പുതിയൊരു 125 സിസി സ്പോടർട്ടി സ്കൂട്ടറിനെ ഇന്ത്യയിൽ അവതരിപ്പിച്ച് ജാപ്പനീസ് ഇരുചക്ര വാഹന നിർമാതാക്കളായ സുസുക്കി. സ്റ്റാൻഡേർഡ്, റേസ് എഡിഷൻ എന്നിങ്ങനെ രണ്ട് വേരിയന്റുകളിലായാണ് പുത്തൻ മോഡലിനെ വിപണിയിൽ എത്തിച്ചിരിക്കുന്നത്.
പുതിയ സുസുക്കി അവെനിസിന്റെ സ്റ്റാൻഡേർഡ് മോഡലിന് 86,700 രൂപയും റേസ് എഡിഷന് 87,000 രൂപയുമാണ് ഇന്ത്യയിലെ എക്സ്ഷോറൂം വില. ഈ പുത്തൻ 125 സിസി സ്കൂട്ടർ വൈറ്റ്, ബ്ലാക്ക്, ഓറഞ്ച്, ഫ്ലൂറസെന്റ് ഗ്രീൻ എന്നിങ്ങനെ നാല് നിറങ്ങളിൽ അണിഞ്ഞൊരുങ്ങിയാണ് വിൽപ്പനയ്ക്ക് എത്തുന്നത്.
മെറ്റാലിക് ട്രൈറ്റൺ ബ്ലൂ എന്നറിയപ്പെടുന്ന മോട്ടോജിപി പ്രചോദിതമായ സ്പെഷ്യൽ എഡിഷനും അവെനിസ് നിരയിലുണ്ടെന്നാണ് സുസുക്കി അവകാശപ്പെടുന്നത്. ജാപ്പനീസ് കമ്പനിയുടെ 125 സിസി സ്കൂട്ടർ ശ്രേണിയെ ശക്തിപ്പെടുത്താൻ പുതിയ മോഡൽ ഏറെ സഹായിക്കുമെന്നാണ് കണക്കുകൂട്ടൽ.
ഇതിനകം തന്നെ മികച്ച സ്വീകാര്യതയുള്ള ആക്സസ് 125, ബർഗ്മാൻ സ്ട്രീറ്റ് 125 എന്നിവയുടെ പിൻബലത്തിലാണ് രാജ്യത്തെ സ്കൂട്ടർ സെഗ്മെന്റിൽ സുസുക്കി മുന്നിട്ടു നിൽക്കുന്നത്. തീർച്ചയായും യുവ ഉപഭോക്താക്കളെയാണ് പുതിയ ഓഫറിലൂടെ ബ്രാൻഡ് ലക്ഷ്യമിടുന്നത്. കൂടാതെ ടിവിഎസ് എൻടോർഖ് 125, യമഹ റേ ZR 125, ഹോണ്ട ആക്ടിവ 125 എന്നിവയുമായി ഇത് മാറ്റുരയ്ക്കുകയും ചെയ്യും.
ഡിസൈനിനെ സംബന്ധിച്ചിടത്തോളം ലംബമായി അടുക്കിയ എൽഇഡി ഡേടൈം റണ്ണിംഗ് ലൈറ്റുകൾ, സ്പോർട്ടി ബോഡി ഗ്രാഫിക്സ്, സൈഡ് ബോഡി പാനലുകളിൽ അവെനിസ് ബാഡ്ജിംഗ്, വിശാലമായ സിംഗിൾ പീസ് സീറ്റ്, മുകളിൽ സ്ഥാപിച്ചിരിക്കുന്ന ഇരട്ട ത്രികോണാകൃതിയിലുള്ള എൽഇഡി ടെയിൽ ലാമ്പുകൾ, ട്വിൻ എൽഇഡി ഹെഡ്ലാമ്പുകൾ എന്നിവയുമായാണ് പുതിയ സുസുക്കി അവെനിസ് വരുന്നത്.
ഇതുകൂടാതെ ടേൺ ഇൻഡിക്കേറ്ററുകൾ, സ്പ്ലിറ്റ്-ടൈപ്പ് ഗ്രാബ് റെയിൽ, മുറിവുകളും ക്രീസുകളുമുള്ള മിനുസമാർന്ന ഫ്രണ്ട് ആപ്രോൺ, കോണീയ രീതിയിൽ ഒരു ചെറിയ കറുത്ത വിൻഡ്സ്ക്രീൻ എന്നിവയും അവെനിസിന്റെ സ്പോർട്ടി രൂപത്തെ എടുത്തു കാണിക്കുന്നുണ്ടെന്നു പറയാം.
സുസുക്കിയുടെ റെഗുലർ പാർട്സ് ബിന്നിൽ നിന്നുള്ള ഒരു ജോടി ഇന്റഗ്രേറ്റഡ് ടേൺ സിഗ്നലുകളും സ്വിച്ച് ഗിയറുമാണ് മറ്റ് ശ്രദ്ധേയമായ ഡിസൈൻ ബിറ്റുകൾ. പ്രകടനത്തെ സംബന്ധിച്ചിടത്തോളം അവെനിസ് പരിചിതമായ 124 സിസി സിംഗിൾ-സിലിണ്ടർ ബിഎസ്-VI കംപ്ലയിന്റ് ഫ്യൂവൽ-ഇഞ്ചക്റ്റഡ് എയർ-കൂൾഡ് എഞ്ചിനാണ് ഉപയോഗിക്കുന്നത്.
ഇത് 6,750 rpm-ൽ പരമാവധി 8.58 bhp പവർ ഔട്ട്പുട്ടും 5,500-ൽ 10 Nm torque ഉം വികസിപ്പിക്കാൻ പര്യാപ്തമാണ്. കൂടുതൽ സ്പോർട്ടിയറാക്കാൻ എഞ്ചിൻ റീട്യൂൺ ചെയ്യുമെന്ന് പ്രതീക്ഷിച്ചിരുന്നെങ്കിലും അതുണ്ടായില്ല എന്നത് നിരാശാജനകമാണ്. ആക്സസിലും ബർഗ്മാനിലും ഉള്ളതുപോലെ തന്നെയാണ് ഇപ്പോൾ എഞ്ചിൻ മുന്നോട്ടു കൊണ്ടുപോവുന്നത്.
124 സിസി സിംഗിൾ-സിലിണ്ടർ എഞ്ചിൻ ഒരു സിവിടി ഓട്ടോമാറ്റിക് ഗിയർബോക്സുമായാണ് ജോടിയാക്കിയിരിക്കുന്നത്. സുസുക്കി സ്കൂട്ടർ ഭാരം കുറഞ്ഞതായിരിക്കാം അതിനാൽ കൂടുതൽ വേഗ പുറത്തെടുക്കാനും സഹായകരമായേക്കും.
ടെലിസ്കോപ്പിക് ഫ്രണ്ട് ഫോർക്കുകൾ, സിംഗിൾ റിയർ ഷോക്ക് അബ്സോർബർ, 12 ഇഞ്ച് ഫ്രണ്ട്, 10 ഇഞ്ച് പിൻ ഫൈവ് സ്പോക്ക് ബ്ലാക്ക് അലോയ് വീലുകൾ, ട്യൂബ് ലെസ് ടയറുകൾ, മുൻവശത്ത് ഡിസ്ക് ബ്രേക്ക്, ഡ്രം എന്നിങ്ങനെയുള്ള മെക്കാനിക്കൽ സമാനതകളും സുസുക്കി അവെനിസിനുണ്ട്. കൂടാതെ യുഎസ്ബിചാർജിംഗ് പോർട്ട്, ബ്ലൂടൂത്ത് കണക്റ്റിവിറ്റിയുള്ള ഡിജിറ്റൽ ഇൻസ്ട്രുമെന്റ് ക്ലസ്റ്റർ എന്നിവയാണ് മോഡലിന്റെ മറ്റ് ഹൈലൈറ്റുകൾ.
ആക്സസ്, ബർഗ്മാൻ സ്ട്രീറ്റ് എന്നിവയുടെ കണക്റ്റ് ചെയ്ത വേരിയന്റുകളിൽ നിന്ന് ഉരുത്തിരിഞ്ഞ ഒരു ഓൾ-ഡിജിറ്റൽ ഇൻസ്ട്രുമെന്റ് കൺസോൾ തന്നെയാണിത്. ഈ ഡിസ്പ്ലേ ബ്ലൂടൂത്ത് കണക്റ്റിവിറ്റി ഉപയോഗിച്ച് പ്രവർത്തനക്ഷമമാക്കിയിരിക്കുന്നതിനാൽ ഇത് കോൾ/മെസേജ് അലേർട്ട്, ടേൺ-ബൈ-ടേൺ നാവിഗേഷൻ തുടങ്ങിയ സവിശേഷതകൾ വാഗ്ദാനം ചെയ്യുന്നുണ്ട്.
നാവിഗേഷൻ, കോൾ ഫീച്ചറുകൾ സുസുക്കി റൈഡ് കണക്ട് ആപ്പ് വഴിയാണ് നൽകിയിരിക്കുന്നത്. ഇത് ആൻഡ്രോയിഡിലും ആപ്പിൾ ഐഒഎസിലും ലഭ്യമാണ്. ഇവയ്ക്ക് പുറമെ പ്രായോഗികത വർധിപ്പിക്കാനായി എക്സ്റ്റേണൽ ഫ്യൂവൽ ഫില്ലർ ക്യാപ്, ഇന്റഗ്രേറ്റഡ് എഞ്ചിൻ സ്റ്റാർട്ട്, കിൽ സ്വിച്ച് എന്നിവയും സുസുക്കി അവെനിസിന് സമ്മാനിച്ചിട്ടുണ്ട്.
ചുരുക്കി പറഞ്ഞാൽ ടിവിഎസ് എൻടോർഖിലേക്ക് പോവുന്ന യുവതലമുറയിലെ ഉപഭോക്താക്കളെ ലക്ഷ്യംവെച്ചാണ് പുതിയ അവെനിസിനെ ജാപ്പനീസ് ബ്രാൻഡ് വിപണിയിൽ എത്തിച്ചിരിക്കുന്നതെന്ന് പറയാം. പിൽക്കാലത്ത് ഹോണ്ട ഡിയോ തീർത്ത വിസ്മയമാണ് ഇന്ന് എൻടോർഖ് യുവാക്കൾക്കിടയിൽ സൃഷ്ടിച്ചിരിക്കുന്നത്.
എന്നാൽ മൈലേജിന്റെ പോരായ്മ ടിവിഎസ് ഉപഭോക്താക്കൾ പറയുന്ന വല്യൊരു ദോഷമാണ്. സുസുക്കിയുടെ അവെനിസിന് ഇക്കാര്യത്തിൽ മുന്നേറ്റമുണ്ടാക്കാൻ സാധിച്ചാൽ അതൊരു വിജയമായിരിക്കും.
ജാപ്പനീസ് ഇരുചക്ര വാഹന നിർമാതാക്കൾക്ക് നിലവിൽ രണ്ട് 125 സിസി സ്കൂട്ടറുകളുണ്ടെങ്കിലും ആക്സസും ബർഗ്മാനും കൂടുതൽ കുടുംബ പ്രേക്ഷകരെ ഉന്നംവെച്ചുള്ളതാണ്. വരും ദിവസങ്ങളിൽ ജാപ്പനീസ് സ്കൂട്ടർ വിപണിയിൽ ഒരു തംരഗമുണ്ടാക്കുമെന്നാണ് പ്രതീക്ഷിക്കുന്നത്.