650 സിസി എഞ്ചിൻ, 45 bhp കരുത്ത്; ബിഎസ്‌എ ഗോൾഡ് സ്റ്റാറിന്റെ കൂടുതൽ വിശദാംശങ്ങൾ പുറത്ത്

2018-ൽ കമ്പനി ജാവ ബ്രാൻഡിന് പുതുജീവനേകി ഇന്ത്യയിലെ ക്ലാസിക് മോട്ടോർസൈക്കിൾ ശ്രേണിയിൽ തങ്ങളുടേതായ സ്ഥാനവും പയ്യെ കണ്ടെത്തി. തുടക്കകാലത്ത് കാര്യമായ ചലനങ്ങൾ സൃഷ്‌ടിക്കാനായില്ലെങ്കിലും ന്യായമായ വിജയം നേടി ജനഹൃദയങ്ങളിലേക്ക് ചേക്കേറാൻ ജാവയ്ക്ക് സാധിച്ചു.

ഏറെ നാളത്തെ കാത്തിരിപ്പിനൊടുവിൽ ഏവരേയും അമ്പരിപ്പിച്ചുകൊണ്ട് ബിഎസ്എ തങ്ങളുടെ ഏറ്റവും പ്രശസ്തമായ ഗോൾഡ്‌സ്റ്റാറിന്റെ പുത്തൻ പതിപ്പ് അവതരിപ്പിച്ചുകൊണ്ട് കഴിഞ്ഞ ദിവസം തിരിച്ചെത്തുകയും ചെയ്‌തു. പുതിയ 650 സിസി മോട്ടോർസൈക്കിൾ ജനപ്രിയരായ റോയൽ എൻഫീൽഡ് 650 ട്വിൻ മോഡലുകളുമായാകും മാറ്റുരയ്ക്കുക.

ഔദ്യോഗികമായി ഗോൾഡ് സ്റ്റാർ 650 എന്ന് പേരിട്ടിരിക്കുന്ന ഈ ബൈക്ക് യുകെയിലെ ബർമിംഗ്ഹാമിൽ നടന്ന ഒരു പ്രത്യേക പരിപാടിയിലാണ് ആദ്യമായി പ്രത്യക്ഷപ്പെട്ടത്. നിലവിലുള്ള ബിഎസ്എ മോട്ടോർസൈക്കിളിന്റെ അവകാശം 2016-ൽ ഏകദേശം 28 കോടി രൂപയ്ക്ക് ക്ലാസിക് ലെജൻഡ്സ് വാങ്ങിയത്.

പുതിയ ബൈക്ക് ഒരു ആധുനിക ക്ലാസിക് മോട്ടോർസൈക്കിളിന്റെ റെട്രോ-സ്റ്റൈൽ ഡിസൈൻ ശൈലിയുമായാണ് നിരത്തിലേക്ക് എത്തുന്നത്. ഒറ്റനോട്ടത്തിൽ ചില ഘടകങ്ങൾ, പ്രത്യേകിച്ച് ടെയിൽലൈറ്റ് ഒഴികെയുള്ള പിൻഭാഗം അതിന്റെ 300 സിസി ജാവ എതിരാളികളുമായി അപരിചിതമായി തോന്നിയേക്കാം.

കൂടാതെ ബീഫി സൈഡ് പാനലുകൾ, സിംഗിൾ പീസ് ഹാൻഡിൽബാർ, സിംഗിൾ പീസ് ബെഞ്ച് സീറ്റ്, റൗണ്ട് ഹെഡ്‌ലാമ്പ്, വൃത്താകൃതിയിലുള്ള ടേൺ ഇൻഡിക്കേറ്ററുകൾ, ഫോർക്ക് ഗെയ്‌റ്ററുകൾ എന്നിവ 650 സിസി റോഡ്‌സ്റ്റാറിന്റെ ചില പ്രധാന ഡിസൈൻ ഹൈലൈറ്റുകളിൽ ഉൾപ്പെടുന്നുമുണ്ട്.

ഹെഡ്‌ലാമ്പ് മുതൽ ഇന്ധന ടാങ്ക് വരെ എക്‌സ്‌ഹോസ്റ്റ് പൈപ്പും എഞ്ചിൻ കേസിംഗും വരെ നീളുന്ന ക്രോമിന്റെ ശരീരത്തിലുടനീളം ക്രോമിന്റെ വിപുലമായ ഉപയോഗം ഗോൾഡ് സ്റ്റാർ കാണിക്കുന്നുണ്ട്. ടിയർഡ്രോപ്പ് ആകൃതിയിലുള്ള ഫ്യുവൽ ടാങ്കും വീതിയേറിയ ഫ്രണ്ട്, റിയർ ഫെൻഡറുകളും ബൈക്കിന്റെ റെട്രോ അപ്പീലിന് പ്രാധാന്യം നൽകുന്നു. ഈ ഘടകങ്ങളിൽ പലതും ക്ലാസിക് ബോണവില്ലെ ഇരട്ടകളിൽ നിന്ന് പ്രചോദനം ഉൾക്കൊണ്ടതായും തോന്നിയേക്കാം.

ഇൻസ്ട്രുമെന്റ് ക്ലസ്റ്ററിൽ ഇരട്ട-പോഡ് അനലോഗ് ഡയലുകളാണ് സമ്മാനിച്ചിരിക്കുന്നത്. ഈ ക്ലാസ് മോട്ടോർസൈക്കിളുകളിൽ വ്യക്തമായി കാണപ്പെടും. വീതിയേറിയ ഹാൻഡിൽബാറും മിഡ്-സെറ്റ് ഫൂട്ട്പെഗുകളും ഉപയോഗിച്ച് റൈഡിംഗ് എർഗണോമിക്സും മികച്ചതാകുമെന്നാണ് കരുതപ്പെടുന്നത്.

സിംഗിൾ എക്‌സ്‌ഹോസ്റ്റ് പൈപ്പ് സൂചിപ്പിക്കുന്നത് ഒരു സിംഗിൾ സിലിണ്ടർ എഞ്ചിനായിരിക്കും പുതിയ ബിഎസ്എ ഗോൾഡ്സ്റ്റാറിന് തുടിപ്പേകുകയെന്നാണ്. എഞ്ചിൻ, വാസ്തവത്തിൽ ബൈക്കിന്റെ ഏറ്റവും വലിയ ഹൈലൈറ്റ് ആകും.

അതായത് 45 bhp കരുത്തിൽ 55 Nm torque ഉത്പാദിപ്പിക്കുന്ന സിംഗിൾ സിലിണ്ടർ 652 സിസി എഞ്ചിനാണ് പുതിയ ബിഎസ്എ ഗോൾഡ്സ്റ്റാർ 650 ഉപയോഗിക്കുകയെന്ന് സാരം. 5 സ്പീഡ് ഗിയർബോക്സുമായാകും എഞ്ചിൻ ജോടിയാക്കുക. എഞ്ചിൻ സൂക്ഷ്മമായി പരിശോധിക്കുമ്പോൾ, ബി‌എം‌ഡബ്ല്യു F650 ഫണ്ടുറോ അഡ്വഞ്ചർ ബൈക്കിനെ പവർ ചെയ്യുന്ന റോട്ടാക്‌സ് യൂണിറ്റിനെ ഒരു പരിധിവരെ അനുസ്മരിപ്പിക്കുന്നതാണ് കേസിംഗ് ഡിസൈൻ.

650 സിസി സിംഗിൾ-സിലിണ്ടർ DOHC യൂണിറ്റിൽ കൂളിംഗ് ഫിനുകൾ ഉണ്ടെന്നതും ശ്രദ്ധേയമാണ്. എഞ്ചിനിൽ നിന്ന് ഒരു ബ്ലാക്ക് ഹോസ് ഉയർന്നുവരുന്നതും കൗതുകമുണർത്തിയേക്കാം. അത് സാമാന്യം വലിയ റേഡിയേറ്ററിലേക്ക് നയിക്കുന്നത്. ഒരു ഫ്യൂവൽ ഇൻജക്‌ടർ കവറും ദൃശ്യമാണ്.

ഇത് ഒരു എയർ-കൂൾഡ് യൂണിറ്റ് പോലെ കാണപ്പെടാൻ ലക്ഷ്യമിടുന്നുണ്ടെങ്കിലും ഫ്രെയിം ഡൗൺട്യൂബിന് സമീപമുള്ള ലിക്വിഡ് കൂളിംഗിനുള്ള പൈപ്പിംഗ് സൂചിപ്പിക്കുന്നത് ഇത് ഒരു ലിക്വിഡ്-കൂൾഡ് മോട്ടോർ ആയിരിക്കുമെന്നാണ്. സിംഗിൾ സിലിണ്ടർ യൂണിറ്റ് മാത്രമാണെങ്കിലും എഞ്ചിനിൽ നിന്ന് കൂടുതൽ ഊംഫ് പുറത്തെടുക്കാൻ ബൈക്കിനെ ഇത് സഹായിക്കും.

മറ്റ് ഹാർഡ്‌വെയറിനെ സംബന്ധിച്ചിടത്തോളം ബൈക്കിന് മുന്നിൽ ടെലിസ്‌കോപിക് ഫോർക്കുകളും സസ്പെൻഷൻ ചുമതലകൾ നിർവഹിക്കുന്നതിന് പ്രീലോഡ് ക്രമീകരിക്കാവുന്ന ഇരട്ട പിൻ ഷോക്ക് അബ്സോർബറുകളും ലഭിക്കുന്നു. ബ്രേക്കിംഗ് സജ്ജീകരണത്തിൽ രണ്ട് അറ്റത്തും ഡിസ്ക് ബ്രേക്കുകളാണ് ഇടംപിടിച്ചിരിക്കുന്നത്.

അവയ്ക്ക് ഡ്യുവൽ-ചാനൽ എബിഎസ് സഹായിക്കും. റോയൽ എൻഫീൽഡ് 650 സിസി ട്വിൻസിൽ കാണപ്പെടുന്നതിന് സമാനമായ ഓൾഡ് സ്‌കൂൾ പിറെല്ലി ഫാന്റം സ്‌പോർട്‌സ്‌കോംപ് ട്യൂബ് ടയറുകളാണ് പരമ്പരാഗത വയർ-സ്‌പോക്ക് വീലുകൾക്ക് നൽകിയിരിക്കുന്നത്.

ബിഎസ്എ ഗോൾഡ്സ്റ്റാർ 650 ഇന്ത്യയിൽ വികസിപ്പിച്ചുകൊണ്ടിരിക്കുമ്പോൾ ക്ലാസിക് ലെജൻഡ്‌സ് അതിന്റെ റിസേർച്ച് ആൻഡ് ഡെവലെപ്മെന്റ് ബിഎസ്‌എ-ബ്രാൻഡഡ് മോഡൽ തുടക്കത്തിൽ യുണൈറ്റഡ് കിംഗ്ഡത്തിലെ ഉപഭോക്താക്കൾക്ക് സേവനം നൽകും. വരാനിരിക്കുന്ന ബൈക്കിന്റെ അസംബ്ലി മിഡ്‌ലാൻഡിലെ ബിഎസ്‌എയുടെ ഫെസിലിറ്റിയിൽ നടക്കുമെന്നാണ് പ്രതീക്ഷിക്കുന്നതും. തുടർന്ന് പിന്നീടുള്ള ഘട്ടത്തിൽ ഗോൾഡ് സ്റ്റാർ ഇന്ത്യയിലും അവതരിപ്പിക്കപ്പെടും.