Click it and Unblock the Notifications
Xtreme 160R സ്റ്റെല്ത്ത് 2.0 എഡിഷന് പുറത്തിറക്കി Hero; വില 1.30 ലക്ഷം രൂപ
പുതിയ എക്സ്ട്രീം 160R സ്റ്റെല്ത്ത് 2.0 പതിപ്പ് പുറത്തിറക്കിയതോടെ ഹീറോ മോട്ടോര്കോര്പ്പ് അതിന്റെ പോര്ട്ട്ഫോളിയോ വിപുലീകരിച്ചിരിക്കുകയാണ്. 1.30 ലക്ഷം രൂപ എക്സ്ഷോറൂം വിലയിലാണ് മോട്ടോര്സൈക്കിള് അവതരിപ്പിച്ചിരിക്കുന്നത്.
ഹീറോ എക്സ്ട്രീം 160R സ്റ്റെല്ത്ത് 2.0 പതിപ്പ് പുറത്തിറങ്ങുന്നതോടെ ഉത്സവ സീസണില് നിലനില്ക്കുന്ന വാങ്ങല് വികാരം മെച്ചപ്പെടുത്താനാണ് കമ്പനി ലക്ഷ്യമിടുന്നത്. ഈ വില ശ്രേണിയില്, അപ്പാച്ചെ RTR 160 4V, ഹോണ്ട X-ബ്ലേഡ്, ബജാജ് പള്സര് N160 തുടങ്ങിയ മറ്റ് സ്പോര്ട്ടി കമ്മ്യൂട്ടര് മോട്ടോര്സൈക്കിളുകള്ക്കെതിരെയാകും ഇത് മത്സരിക്കുന്നു.
രൂപഭാവം അനുസരിച്ച്, ഹീറോ എക്സ്ട്രീം 160R സ്റ്റെല്ത്ത് 2.0 പതിപ്പ് മറ്റ് 160R മോഡലുകളില് നിന്ന് തികച്ചും വ്യത്യസ്തമാണ്. ടെലിസ്കോപ്പിക് ഫോര്ക്കുകളിലും ഫ്രെയിമിലും പില്യണ് ഗ്രിപ്പിലും ശ്രദ്ധേയമായ റെഡ് ആക്സന്റുകളോടെ ഇതിന് മാറ്റ് ബ്ലാക്ക് ഷേഡ് ലഭിക്കുന്നു.
കൂടാതെ, മറ്റ് 160R വേരിയന്റുകളില് ലഭ്യമല്ലാത്ത ഒരു പുതിയ ബെല്ലി ആവരണവും കൂടുതല് സംരക്ഷണത്തിനായി നക്കിള് ഗാര്ഡുകളും ലഭിക്കുന്നുണ്ട്.
മെക്കാനിക്കലായി, ഹീറോ എക്സ്ട്രീം 160R സ്റ്റെല്ത്ത് 2.0 എഡിഷന്, 163 സിസി പ്രോഗ്രാംഡ്-ഫ്യുവല്-ഇഞ്ചക്ഷന് (PFI) എയര്-കൂള്ഡ് എഞ്ചിനാണ് ഇതിന് കരുത്തേകുന്നത്.
ഈ എഞ്ചിന് 6,500 rpm-ല് 15.2 bhp കരുത്തും 14 Nm ടോര്ക്കും നല്കുന്നു. എക്സ്ട്രീം 160R-ന്റെ പ്രധാന ഗുണം അതിന്റെ 139 കിലോഗ്രാം ഭാരമായിരുന്നു, അത് ഇന്നും സമാനതകളില്ലാത്തതാണ്.
4.7 സെക്കന്ഡിനുള്ളില് മണിക്കൂറില് 0-60 കിലോമീറ്റര് വേഗത കൈവരിക്കാന് സഹായിക്കുന്ന 5-സ്പീഡ് ഗിയര്ബോക്സാണ് ട്രാന്സ്മിഷന് ചുമതലകള് കൈകാര്യം ചെയ്യുന്നത്. ഹീറോ എക്സ്ട്രീം 160R സ്റ്റെല്ത്ത് 2.0 പതിപ്പിന് ബ്ലൂടൂത്ത് കണക്റ്റിവിറ്റി ലഭിക്കുന്നില്ല, എന്നാല് ക്ലൗഡ് വഴി ബന്ധിപ്പിക്കുന്ന ഹീറോ കണക്ട് ആപ്പ് കണക്റ്റിവിറ്റി ഇതില് ഉള്പ്പെടുന്നു.
ജിയോ-ഫെന്സ് അലേര്ട്ട്, സ്പീഡ് അലേര്ട്ട്, ടോപ്പിള് അലേര്ട്ട്, ടൗ എവേ അലേര്ട്ട്, അണ്പ്ലഗ് അലേര്ട്ടുകള് തുടങ്ങിയ ഫീച്ചറുകളിലേക്ക് ഇത് നിങ്ങള്ക്ക് ആക്സസ് നല്കുന്നു. 2021 ഒക്ടോബറിലാണ് സ്റ്റെല്ത്ത് എഡിഷന്റെ ആദ്യ പതിപ്പിനെ കമ്പനി അവതരിപ്പിക്കുന്നത്.
''ഈ പുതിയ സ്റ്റെല്ത്ത് പതിപ്പും സ്മാര്ട്ടും ആണ്, ചുവന്ന ആക്സന്റുകളാല് ഒപ്പിട്ട കറുത്ത ലിവറി, വികാരാധീനരായ റൈഡര്മാര്, സാങ്കേതിക വിദഗ്ദ്ധരായ ഉപഭോക്താക്കള്ക്കായി തങ്ങളുടെ ക്ലൗഡ് കണക്റ്റഡ് സിസ്റ്റം കണക്റ്റ്, ഇതാണ് ഹീറോ എക്സ്ട്രീം സ്റ്റെല്ത്ത് 2.0 എന്നാണ്'' ഹീറോ മോട്ടോകോര്പ്പിന്റെ സ്ട്രാറ്റജി ആന്ഡ് ഗ്ലോബല് പ്രൊഡക്റ്റ് പ്ലാനിംഗ് മേധാവി മാലോ ലെ മാസണ് പറഞ്ഞത്.
''പെര്ഫോമന്സ് മോട്ടോര്സൈക്കിളിംഗ് മെച്ചപ്പെടുത്തുന്നതിനും പ്രീമിയംവല്ക്കരണത്തിലേക്കുള്ള തങ്ങളുടെ യാത്രയെ കൂടുതല് ശക്തിപ്പെടുത്തുന്നതിനുമായി ക്ലാസ്-ലീഡിംഗ് ടെക്നോളജി നല്കുന്നതിനുള്ള പാരമ്പര്യം മോട്ടോര്സൈക്കിള് ഉയര്ത്തിപ്പിടിക്കുമെന്ന് തങ്ങള്ക്ക് ഉറപ്പുണ്ട്.
തങ്ങളുടെ പ്രീമിയം ഓഫറിന്റെ പുതിയ കൂട്ടിച്ചേര്ക്കല് തീര്ച്ചയായും ഉത്സവ സീസണിനെ കൂടുതല് സന്തോഷകരമാക്കുമെന്നാണ്''ഹീറോ മോട്ടോകോര്പ്പിന്റെ ചീഫ് ഗ്രോത്ത് ഓഫീസര് രഞ്ജിത് സിംഗ് അഭിപ്രായപ്പെട്ടത്.
നിലവില് ഇന്ത്യയില് ഏറ്റവുമധികം വില്ക്കുന്ന മോട്ടോര്സൈക്കിള് നിര്മാതാക്കളാണ് ഹീറോ മോട്ടോകോര്പ്പ്. സ്പ്ലെന്ഡര്, HF ഡീലക്സ് സീരീസ് പോലുള്ള ബജറ്റ് കമ്മ്യൂട്ടറുകള്ക്കൊപ്പം, ഹീറോ മുന്നോട്ട് പോകുകയാണ്. രാജ്യത്തെ ഓരോ ടൂ-വീലര് നിര്മാതാക്കളും, ദസറ, ദീപാവലി ഉത്സവ സീസണുകളിലെ വില്പ്പനയ്ക്ക് ഒരുങ്ങുകയാണ്.
പുതിയ എക്സ്ടീം 160R സ്റ്റെല്ത്ത് 2.0 പതിപ്പ് പുറത്തിറക്കിയതോടെ വില്പ്പന വര്ദ്ധിപ്പിക്കാമെന്ന പ്രതീക്ഷയാണ് ഹീറോയ്ക്കുള്ളത്. പുതിയ മോഡലുകളും വേരിയന്റുകളും അവതരിപ്പിക്കുന്നതിനൊപ്പം നിര്മ്മാതാക്കള് നിലവിലുള്ള മോഡലുകളില് ഡിസ്കൗണ്ടുകളും ബോണസുകളും ആനുകൂല്യങ്ങളും മറ്റ് സാമഗ്രികളും വാഗ്ദാനം ചെയ്യുന്നുണ്ട്.
Continue with Google