വിശ്വസ്തതയോടെ, ആള്‍ട്ടോ

നമ്മുടെ നാട്ടിലെ റോഡുകള്‍ക്കായി പറഞ്ഞുണ്ടാക്കിച്ചതാണ് ആള്‍ട്ടോ. ഇന്ത്യന്‍ റോഡുകളില്‍ ഏതൊരു വാഹനവും ആള്‍ ടെറെയ്ന്‍ വാഹനമായി പ്രവര്‍ത്തിക്കണം എന്നതാണ് തിയറി. മഴയത്തും വെയിലത്തും കുണ്ടിലും കുഴിയിലും വാടാത്ത ഭംഗി. അതായിരിക്കണം ഇന്ത്യയില്‍ കാര്‍. അതാണ് മാരുതി ആള്‍ട്ടോ കാര്‍.

കൊച്ചി അങ്ങാടി നിലവാരമനുസരിച്ച് മാരുതി ആള്‍ട്ടോയുടെ വില 2,34,695 രൂപ മുതല്‍ 3,30,431 വരെയാണ്.

796 സിസിയാണ് ആള്‍ട്ടോയുടെ എന്‍ജിന്‍ ഡിസ്‍പ്ലേസ്‍മെന്‍റ്. ഓട്ടോമോട്ടീവ് റിസര്‍ച്ച് അസോസിയേഷന്‍ ഓഫ് ഇന്ത്യയുടെ ടെസ്റ്റ് റിപ്പോര്‍ട്ട് പ്രകാരം 20.2 കിമിയാണ് മൈലേജ്. 46.36 കുതിരശക്തിയുള്ല ഈ എന്‍ജിന്‍ പരമാവധി 62 എന്‍ എം ടോര്‍ക്ക് പകരുന്നു. 100 കിമി വേഗത പിടിക്കാന്‍ 20 സെക്കന്‍ഡുകളാണ് എടുക്കുക.

കഴിഞ്ഞ വര്‍ഷമാണ് മാരുതി ആള്‍ട്ടോ കെ10 പതിപ്പുകള്‍ പുറത്തിറങ്ങിയത്. 1.0 ലിറ്റര്‍ കെ 10 എന്‍ജിനാണ് ഈ പതിപ്പുകള്‍ക്കുള്ളത്. മാരുതി ആള്‍ട്ടോയെ സംബന്ധിച്ച് ചിലര്‍ക്കുണ്ടായിരുന്ന പരാതികള്‍ പരിഹരിക്കാന്‍ കെ10-ന് കഴിഞ്ഞിട്ടുണ്ട്. 67.07 കുതിരശക്തിയും 90 എന്‍ എം ടോര്‍ക്കും കെ10-ന് ലഭിക്കും. ആള്‍ട്ടോയെ അപേക്ഷിച്ച് കൂടുതല്‍ വലിയുള്ള വാഹനമാണ് ആള്‍ട്ടോ കെ10. ഭാരത് സ്റ്റേജ് കരിമ്പുക നിര്‍ഗ്ഗമന ചട്ടങ്ങള്‍ പാലിക്കാന്‍ കെ 10-ന് ആവുന്നുണ്ട്. എല്‍ എക്സ് ഐ, വി എക്സ് ഐ പതിപ്പുകളാണ് വിപണിയിലുള്ളത്. 3.03 ലക്ഷം, 3.16 ലക്ഷം എന്നിങ്ങനെയാണ് വില.

ഷെവര്‍ലെയുടെ തീപ്പൊരി