Click it and Unblock the Notifications
എണ്ണലോബികളും ബുഷ് സര്ക്കാരും
കാബ് ഡ്രൈവര്മാരില് നിന്ന് അക്ഷരാര്ത്ഥത്തില് തട്ടിപ്പറിച്ചെടുക്കുകയായിരുന്നു വാഹനങ്ങള്. ഇതിനെതിരെ സാമൂഹ്യ പ്രവര്ത്തകര് സജീവമായി രംഗത്തിറങ്ങി. കാറുകള് തകര്ക്കുവാനായി കാരിയറുകളില് ബലോ പ്രയോഗിച്ച് കയറ്റുന്നതിനെ ചെറുക്കാന് സിനിമാനടന്മാരും നടിമാരും രംഗത്തിറങ്ങി. അലക്സാണ്ഡ്ര പോള്, കൊലെറ്റെ ഡിവൈന് എന്നീ നടിമാര് അറസ്റ്റ് ചെയ്യപ്പെട്ടു.
ഓട്ടോ കമ്പനികള് തിരിച്ചുനല്കാമെന്നു പറഞ്ഞ ലീസ് തുക കാബ് ഡ്രൈവര്മാര്ക്ക് പിന്നീട് ലഭിച്ചില്ല. കാറുകള് ഭൂരിഭാഗവും നശിപ്പിക്കുകയാണുണ്ടായത്. ശേഷിച്ചവ സര്വകലാശാലകള്ക്കും മ്യൂസിയങ്ങള്ക്കും സംഭാവനയായി നല്കി.
എണ്ണക്കമ്പനികള് പ്രചണ്ഡമായ പ്രചാരണമാണ് ഇലക്ട്രിക് കാറുകള്ക്കെതിരെ നടത്തിയത്. കാലിഫോര്ണിയ എഗൈന്സ്റ്റ് യൂട്ടിലിറ്റി അബ്യൂസ് എന്ന പേരില് അവര് മൊബൈല് സര്വീസ് കമ്പനികളുമായി ചേര്ന്ന് കാംപെയ്ന് സംഘടിപ്പിച്ചു. കാംപെയ്നിനു പിന്നില് എണ്ണക്കമ്പനികളാണെന്ന് മറച്ചു പിടിച്ചായിരുന്നു പ്രചാരണം നടത്തിയത്.
ഇലക്ട്രിക് കാറുകള് രംഗം പിടിച്ചടക്കിയാല് തങ്ങളുടെ ബിസിനസ് സാമ്രാജ്യം തകര്ന്നടിയും എന്നത് തന്നെയായിരുന്നു എണ്ണക്കമ്പനികളെ ഈ പ്രചാരണത്തിന് പ്രേരിപ്പിച്ചത്.
Continue with Google