മുംബൈ ഇന്ത്യന്‍സിനെ ഞെട്ടിച്ച് അംബാനിയുടെ കാര്‍ ശേഖരം

എന്നാല്‍ ടീം അംഗങ്ങളെ മാത്രമല്ല, കാഴ്ചക്കാരെയും ഞെട്ടിക്കുന്നതാണ് വീഡിയോയിലെ ദൃശ്യങ്ങള്‍. ലോകത്തെ മികച്ച ആഢംബര കാറുകളാണ് വീഡിയോയില്‍ കാണാനാവുന്നത്. ആന്റിലിയ എന്ന അംബാനിയുടെ വീട്ടിലെ പാര്‍ക്കിംഗ് സ്‌പെയ്‌സിലാണ് ആ കാറുകളുള്ളത്. ഏകദേശം 168 കാറുകള്‍ വരെ ഉള്‍ക്കൊള്ളാന്‍ ശേഷിയുള്ളതാണ് ഇവിടം.

വീഡിയോയുടെ ആദ്യ ഫ്രെയിമില്‍ നമുക്ക് കാണാനാവുക ആഢംബര എസ്‌യുവികളുടെ നിരയാണ്. ഇതില്‍ ബെന്റ്‌ലി ബെന്റേഗ, മുന്‍തലമുറ മെര്‍സിഡീസ് ബെന്‍സ് E-ക്ലാസ്, മെര്‍സിഡീസ് G63 AMG, വൈറ്റ് നിറത്തിലുള്ള ബെന്റ്‌ലി മ്യൂള്‍സെയ്ന്‍, റേഞ്ച് റോവര്‍ എസ്‌യുവി, റോള്‍സ് റോയ്‌സ് ഫാന്റം ഡ്രോപ്പ്‌ഹെഡ് കൂപ്പെ, പോര്‍ഷ കയെന്‍, വേറൊരു റേഞ്ച് റോവര്‍ എസ്‌യുവി എന്നിവയെല്ലാം ഇതില്‍ ഇടം പിടിച്ചിരിക്കുന്നു.

Most Read:രണ്ടാമതൊരു ലംബോര്‍ഗിനി കൂടി കേരളത്തിലേക്ക്, ആദ്യത്തേത് പൃഥ്വിരാജിന്റെ പക്കല്‍

എന്നാല്‍ ഗരാജിലെ സൂപ്പര്‍സ്റ്റാറായ ബിഎംഡബ്ല്യു i8 ദൃശ്യങ്ങള്‍ എത്തിയത് പിന്നെയാണ്. നീല നിറത്തിലുള്ള i8 അംബാനി കുടുംബം സ്വന്തമാക്കിയവയില്‍ വച്ച് ഏറ്റവും മികച്ച സ്‌പോര്‍ടി കാറാണ്.

വൈദ്യുത മോട്ടോറിനോട് കൂടിയ 1.5 ലിറ്റര്‍ ശേഷിയുള്ള പെട്രോള്‍ എഞ്ചിനാണ് ബിഎംഡബ്ല്യു i8 -ലുള്ളത്. ഇത് 357 bhp കരുത്തും 570 Nm torque ഉം പരമാവധി കുറിക്കുന്നതാണ്. കാറുകളോടുള്ള അംബാനിയുടെ ഇഷ്ടവും മികച്ച കാര്‍ തിരഞ്ഞെടുക്കതിലുള്ള അദ്ദേഹത്തിന്റെ അഭിരുചിയും വീഡിയോയില്‍ നിന്ന് വ്യക്തമാണ്.

Most Read:ടിഗോറില്‍ പിഴച്ച് ടാറ്റ, വന്‍ ഹിറ്റായി ടിയാഗൊ

വീഡിയോയുടെ ദൈര്‍ഘ്യം വളരെ കുറവായത് കൊണ്ട് തന്നെ അംബാനി കുടുംബം സ്വന്തമാക്കിയ മറ്റ് പ്രമുഖ കാറുകളുടെ ദൃശ്യങ്ങള്‍ ലഭ്യമല്ല. ലോകത്തെ വേഗമേറിയ കാറുകളിലൊന്നായ ലംബോര്‍ഗിനി ഉറൂസ്, കവചിത വാഹനമായ മെര്‍സിഡീസ് ബെന്‍സ് S-ഗാര്‍ഡ്, നിരയിലെ ഏറ്റവും പുതിയ എസ്‌യുവിയായ റോള്‍സ് റോയ്‌സ് കള്ളിനന്‍ എന്നിവയാണ് അംബാനിയുടെ ഗരാജിലെ മറ്റ് പ്രമുഖ കാറുകള്‍.

Source: Shantonil Nag