ശരീരങ്ങളില്‍ നിറമടിക്കുന്നതിനെക്കുറിച്ചു തന്നെ

Published: Tuesday, October 15, 2013, 19:17 [IST]

ബോഡി പെയിന്റിംഗ് വളരെ പുരാതനമായ കലാരൂപമാണ്. മനുഷ്യന്റെ ശരാരത്തെയാണ് ഈ കലയുടെ കാന്‍വാസ്. നമ്മുടെ നാട്ടില്‍ കൈയിലും കാലിലും മൈലാഞ്ചിയിടുന്നതില്‍ ഈ കലയുടെ ഉപയോഗം ഒതുങ്ങുന്നു. പടിഞ്ഞാറുള്ളവര്‍ ഇക്കാര്യത്തിലും വളരെ പുരോഗമിച്ചിരിക്കുന്നു. ശരീരത്തിലെ ഒരു ഭാഗവും വിടാതെ കലാ പ്രദര്‍ശനത്തിനുള്ള ഇടമാക്കി മാറ്റുന്നു അവര്‍.

ബോഡി പെയിന്റിലൂടെ വിവിധ രൂപങ്ങള്‍ സൃഷ്ടിക്കുന്നത് ഈയിടെ വളര്‍ന്നുവന്ന ഒരു കലയാണ്. മനുഷ്യന്റെ ശരീരമുപയോഗിച്ച് ഒരു കാറിനെ നിര്‍മിച്ചിരിക്കുന്നത് താഴെ കാണാം. ഏറ്റവുമൊടുവില്‍ വീഡിയോയുമുണ്ട്.

എമ്മ ഹാക്ക് ഒരു വമ്പത്തി

ചിത്രത്തില്‍ കാണുന്ന എമ്മ ഹാക്ക് ഒരു വമ്പത്തിയാണ്. ഇവരാണ് ഈ പദ്ധതി നടപ്പാക്കുന്നത്. അറിയപ്പെടുന്ന ബോഡി ആര്‍ട്ടിസ്റ്റാണിവര്‍.

ആദ്യം എമ്മ ചെയ്ത പണി ഇങ്ങനെയൊരു ഫ്രീഹാന്‍ഡ് സ്‌കെച്ച് തയ്യാറാക്കുകയാണ്.

പിന്നീട് കൂടുതല്‍ ശ്രദ്ധയോടെ ആളുകളുടെ പൊസിഷനുകള്‍ കൃത്യമായി രേഖപ്പെടുത്തി അവസാന സ്‌കെച്ച് തയ്യാറാക്കുന്നു.

അസാധ്യമായ മെയ്‌വഴക്കമുള്ള കലാകാരികളും കലാകാരന്മാരുമാണ് ഈ ബോഡി ആര്‍ട്ടില്‍ പങ്കെടുത്തിട്ടുള്ളത്. ചിത്രത്തില്‍ ദാണ്ടെ ലവന്മാര് കാണിക്കുന്നത് കണ്ടില്ലേ.

അടുത്ത പണി പെയിന്റിംഗ് ആണ്.

എമ്മ തന്നെയാണ് ഇതിന് നേതൃത്വം കൊടുക്കുന്നത്.

കൃത്യമായ പ്ലാനിംഗോടെ വേണം ഈ പണി ചെയ്യാന്‍. ഇല്ലെങ്കില്‍ പാളും.

പെയിന്റിംഗിന് മുന്‍പ് എല്ലാവരെയും പൊസിഷനുകളില്‍ കിടത്തി ശരീരത്തില്‍ സ്‌കെച്ച് ചെയ്യും.

ഈ സ്‌കെച്ചുകളില്‍ പെയിന്റ് ചെയ്യുകയാണ് പരിപാടി. കമ്പ്യൂട്ടര്‍ ഗ്രാഫിക്‌സും കൃത്യതയ്ക്കായി ഉപയോഗിക്കുന്നു. ഇത്തരം മാതൃകകളെ ആധാരമാക്കിയാണ് പെയിന്റിംഗ് പണി നടക്കുന്നത്.