Click it and Unblock the Notifications
ന്യൂസിലാന്റ് പൊലീസ് സേനയിൽ ഇടംപിടിച്ച് സ്കോഡ സൂപ്പർബ് കോമ്പിസ്
ന്യൂസിലാന്റ് പൊലീസ് സേനയുടെ ഭാഗമാവാൻ ഒരുങ്ങുകയാണ് സ്കോഡ സൂപ്പർബ് കോമ്പിസ്. സ്കോഡ ഓട്ടോ ഉടൻ തന്നെ രണ്ടായിരത്തിലധികം സൂപ്പർ കോമ്പിസ് ഓഡറിൽ ആദ്യത്തെ ബാച്ച് ന്യൂസിലാന്റ് പൊലീസ് ഡിപ്പാർട്ട്മെന്റിന് കൈമാറും. ചെക്ക് കാർ നിർമ്മാതാക്കൾ തങ്ങളുടെ എതിരാളികളെയെല്ലാം പിന്നിലാക്കിയാണ് ടെണ്ടർ കൈവരിച്ചത്.
ടെണ്ടർ പ്രക്രിയയ്ക്കിടെ സമഗ്രമായ ടെസ്റ്റ് ഡ്രൈവുകൾക്കിടയിൽ, 2021 സൂപ്പർബ് അതിന്റെ ഹാൻഡ്ലിംഗ് സവിശേഷതകൾ, ഉയർന്ന സുരക്ഷാ മാനദണ്ഡങ്ങൾ, വിശാലത എന്നിവയാൽ എതിരാളികളെ മറികടന്ന് ന്യൂസിലാന്റ് പൊലീസ് ഉദ്യോഗസ്ഥരെ ആകർഷിച്ചുവെന്ന് സ്കോഡ പറയുന്നു.
പട്രോളിംഗിനായി ന്യൂസിലാന്റ് പൊലീസ് ഡിപ്പാർട്ട്മെന്റ് പുതിയ വാഹനം തേടുന്നതിനിടെ ഏഴ് വാഹന നിർമാതാക്കളിൽ നിന്ന് മൊത്തം 27 വ്യത്യസ്ത മോഡലുകൾ തെരഞ്ഞെടുപ്പ് ഘട്ടത്തിൽ പങ്കെടുത്തു.
MOST READ: എൻഡവറിനെയും ഫോർച്യൂണറിനെയും വെല്ലുവിളിക്കാൻ പുത്തൻ ഇസൂസു MU-X എസ്യുവി വിപണിയിൽ
27-ൽ പന്ത്രണ്ട് മോഡലുകൾ ഷോർട്ട്ലിസ്റ്റ് ചെയ്യുകയും യഥാർത്ഥ ജീവിത സാഹചര്യങ്ങളിൽ നിയമപാലകർ പരീക്ഷിക്കുകയും ചെയ്തു. പെർഫോമെൻസ്, ബ്രേക്കിംഗ്, എമിഷൻ, സേവനക്ഷമത, മൊത്തം പ്രവർത്തനച്ചെലവ് തുടങ്ങിയ മാനദണ്ഡങ്ങളിൽ ഉദ്യോഗസ്ഥർ വാഹനങ്ങൾ പരിശോധിച്ചു.
ക്രമേണ, ന്യൂസിലാന്റ് പൊലീസ് ഡിപ്പാർട്ട്മെന്റിന്റെ 2,000 യൂണിറ്റ് ശക്തമായ ഫ്ലീറ്റ് ടു-വീൽ, ഫോർ-വീൽ ഡ്രൈവ് സ്കോഡ സൂപ്പർബ് കോംബിസ് മാറ്റി സ്ഥാപിക്കും.
ആദ്യ 100 യൂണിറ്റ് ജൂൺ അവസാനത്തോടെ സേവനത്തിൽ എത്തുമെന്നാണ് പ്രതീക്ഷിക്കുന്നത്. വർഷാവസാനത്തോടെ 400 ഓളം യൂണിറ്റുകൾ വിന്യസിക്കും. 2,000 സൂപ്പർബുകളും പരമാവധി നാല് വർഷത്തിനുള്ളിൽ വിതരണം ചെയ്യും.
മറ്റ് രാജ്യങ്ങളിലെ പൊലീസും അടിയന്തര സേവനങ്ങളും തങ്ങളുടെ വാഹനങ്ങൾ അവരുടെ ദൈനംദിന പ്രവർത്തനങ്ങൾക്ക് ഉപയോഗിക്കുന്നുവെന്ന് സ്കോഡ പറയുന്നു.
ഓസ്ട്രിയ, സെർബിയ, ക്രൊയേഷ്യ, പോർച്ചുഗൽ, ഫ്രാൻസ്, നെതർലാന്റ്സ്, യുകെ എന്നിവയുൾപ്പെടെ 30 യൂറോപ്യൻ അതോറിറ്റി ഫ്ലീറ്റുകളുടെ ഒരു ഭാഗമാണ് സ്കോഡ.
പൊലീസ് ഫ്ലീറ്റുകളുടെ ഭാഗമായ ഏറ്റവും സാധാരണമായ സ്കോഡ വാഹനങ്ങളിൽ സൂപ്പർബ്, ഒക്ടാവിയ എന്നിവ ഉൾപ്പെടുന്നു. യുകെയിൽ, കോംപാക്ട് സ്കാലയും പൊലീസ് സേവനത്തിലുണ്ട്.
MOST READ: കാണാന് ഗുമ്മുണ്ടേലും, എഞ്ചിന് പ്രകടനത്തില് ഇവര് അത്രപോര! പരിചയപ്പെടാം 5 കാറുകളെ
1993 മുതൽ സ്വന്തം രാജ്യമായ ചെക്ക് റിപ്പബ്ലിക്കിൽ സ്കോഡ 20,000 -ത്തിലധികം വാഹനങ്ങൾ പൊലീസിനും ആഭ്യന്തര മന്ത്രാലയത്തിനും കൈമാറിയിട്ടുണ്ട്. ഈ വാഹനങ്ങളിൽ ഒക്ടാവിയ, സൂപ്പർബ്, കൊഡിയാക് എന്നിവ ഉൾപ്പെടുന്നു.
Continue with Google