മഹീന്ദ്ര മോജോ ബങ്കളുരു എംജി റോഡിൽ ടെസ്റ്റ് ചെയ്യുന്നു!

By Santheep

Published: Wednesday, September 2, 2015, 11:32 [IST]

മഹീന്ദ്ര മോജോ മോട്ടോർസൈക്കിളിനെ ബങ്കളുരുവിൽ ടെസ്റ്റ് ചെയ്യുന്ന നിലയിൽ കണ്ടെത്തി. ഇതിനകം തന്നെ ഈ വാഹനത്തെ രാജ്യത്തിന്റെ വിവിധ ഭാഗങ്ങളിൽ ടെസ്റ്റ് ചെയ്യുന്ന നിലയിൽ കണ്ടെത്തിയിട്ടുണ്ട്. 2010ൽ തുടങ്ങിയ പണികളാണ്. അഞ്ച് വർഷത്തോളമെടുത്ത് പണിക്കുറ തീർത്ത ഉൽപന്നമായിട്ടാണ് മോജോയെ മഹീന്ദ്ര വിപണിയിലെത്തിക്കുന്നത്.

താഴെ മോജോ ടെസ്റ്റ് ചെയ്യുന്നതിന്റെ ചിത്രങ്ങൾ കാണാം.

മഹീന്ദ്ര മോജോയെ ബങ്കളുരു എംജി റോഡിലാണ് കഴിഞ്ഞ ദിവസം കണ്ടെത്തിയത്. ഞങ്ങളുടെ എഡിറ്റർമാരിലൊരാളായ രാജ്കമൽ നാരായണനാണ് ഈ ഫോട്ടോയെടുത്തത്.

മോജോയുടെ ലോഞ്ച് സെപ്തംബറിൽ, അതായത് അടുത്തമാസം തന്നെ നടക്കുമെന്നാണ് അറിയുന്നത്. ദീപാവലിക്കാലത്ത് ഉയരുന്ന വിൽപനയെക്കൂടി മുതലെടുക്കാമെന്നാണ് കമ്പനിയുടെ പ്രതീക്ഷ.

ഡിസൈനിൽ നിരവധി പരീക്ഷണങ്ങളും പുതുക്കിപ്പണിയലുകളും നടത്തിയിട്ടുണ്ട് മോജോയിൽ ഇതിനകം. ആരാധകരുടെയും മാധ്യമങ്ങളുടെയുമെല്ലാം വിമർശനങ്ങളെ ഗൗരവത്തോടെ കണക്കിലെടുത്തിട്ടുണ്ട് മഹീന്ദ്ര.

മോജോ ഒരു ടൂറിങ് ബൈക്ക് ആയിരിക്കുമെന്നാണ് ഊഹിക്കേണ്ടത്. സമാന ശേഷിയുള്ള എൻജിനുകൾ ചേർത്തിട്ടുള്ള കെടിഎം തുടങ്ങിയ ബൈക്കുകളെപ്പോലെ അത്രകണ്ട് ക്വിക്കല്ല മോജോയെന്ന് വാഹനം ടെസ്റ്റ് ചെയ്യുന്നത് കണ്ടിട്ടുള്ളവർ പലരും സൂചിപ്പിക്കുന്നുണ്ട്. കൂടാതെ ഡിസൈൻ സവിശേഷതകളും ഇതൊരു പെർഫോമൻസ് ബൈക്കല്ലെന്ന് വിളിച്ചുപറയുന്നുണ്ട്.