അലോയ് വീൽ തകർന്ന സംഭവം: ബജാജിന്റെ വിശദീകരണം

വശങ്ങളിൽ നിന്നുള്ള ആഘാതമുണ്ടായാലല്ലാതെ അലോയ് വീലുകൾ തകരില്ല എന്നാണ് ബജാജ് പറയുന്നത്. സാധാരണ റോഡുകളിലും ട്രാക്കുകളിലും ഇത്തരമൊരു സംഗതിക്ക് സാധ്യത കുറവാണ്. ഒരു ബജാജ് മോഡലിനും നേരത്തെ സംഭവിച്ചിട്ടില്ലാത്ത ഒന്നാണിതെന്നും കമ്പനി പറയുന്നു.

ഇപ്പോഴത്തെ സംഭവത്തിൽ വശങ്ങളിൽ നിന്നുള്ള ആഘാതം സംഭവിച്ചിട്ടുണ്ടെന്നാണ് ബജാജ് കണ്ടെത്തിയത്. ടയർ നിരങ്ങിയതിന്റെ പാടുകളും മറ്റു സാഹചര്യത്തെളിവുകളും പരിശോധിച്ചാണ് ബജാജിന്റെ വിദഗ്ധസംഘം ഈ നിഗമനത്തിലെത്തിയത്.

പൾസർ ആർഎസ്200 മോഡലിന്റെ ടയറുകൾ ഉയർന്ന ഗുണനിലവാരമുള്ളവയാണെന്നും ബജാജ് വ്യക്തമാക്കി. മണിക്കൂറിൽ 150 കിലോമീറ്റർ വരെ വേഗതയിൽ പോകാൻ ഈ ഡടയറുകൾക്ക് ശേഷിയുണ്ടെന്ന് ടെസ്റ്റുകൾ വഴി തെളിയിക്കപെട്ടിട്ടുള്ളതാണ്.

അലോയ് വീലുകളുടെ ഗുണനിലവാരത്തിന്റെ കാര്യത്തിലും യാതൊരുവിധ വിട്ടുവീഴ്ചയ്ക്കും കമ്പനി തയ്യാറായിട്ടില്ല. ഗുണനിലവാരക്കുറവാണ് വീൽ‌ തകരാ൪ൻ കാരണമായതെന്ന നിഗമനം തെറ്റാണ്.

കഴിഞ്ഞ 14 വർഷത്തോളമായി തികച്ചും വിശ്വസ്തത പുലർത്തിവരുന്ന മോട്ടോർസൈക്കിളാണ് പൾസർ മോഡലെന്ന് ബജാജ് പറയുന്നു. ഇരുപത്തഞ്ചോളം രാജ്യങ്ങളിലായി 50 ലക്ഷത്തിലധികം ഉപഭോക്താക്കളുണ്ട് പൾസറിന്.